ແຂວງວຽງຈັນ ເຕັມທີ່ກັບການແກ້ໄຂການລະບາດຂອງໂຄວິ ດ ໃນຊຸມຊົນ

ຕາມແຫຼ່ງຂ່າວຈາກເມືອງໂພນໂຮງໃຫ້ຮູ້ວ່າ ໃນວັນທີ 2 ກໍລະກົດນີ້ຄະນະສະເພາະກິດຂັ້ນເມືອງໄດ້ລົງຕິດຕາມທີມແພດທີ່ລົງເກັບກຳຫາເຊື້ອໂຄວິດຢູ່ ຮຮ ໂຊກໄຊ ບ້ານ ຫລັກ52.

ເມືອງໂພນໂຮງແຂວງວຽງຈັນ ພາຍຫຼັງພົບຜູ້ຕິດເຊື້ອໃນຊຸມຊົນຫຼາຍຂຶ້ນຕໍ່ເນື່ອງໃນຫຼາຍວັນຜ່ານມາ ຫຼ້າສຸດແມ່ນຜົນກວດວັນທີ 30 ມິຖຸນາ 2021 ພົບຜູ້ຕິດເຊື້ອທີ່ມີທັງນັກຮຽນ ແລະ ຄູສອນ ມາຮອດມື້ນີ້ 2 ກໍລະກົດ ຄະນະສະເພາະກິດໄດ້ລົງຫາໂຮງຮຽນກວດທຸກຄົນທີ່ໃກ້ຊິດ.

ເຊິ່ງແຫຼ່ງຂ່າວຈາກຄະນະສະເພາະກິດ ແຂວງວຽງຈັນທີ່ຖະແຫຼງໃນວັນທີ 1 ກໍລະກົດແຈ້ງວ່າ ໄດ້ກວດພົບຜູ້ຕິດເຊື້ອ ເຊິ່ງເປັນນັກຮຽນໃນໂຮງຮຽນດັ່ງກ່າວ ໄປໂຮງຮຽນທຸກມື້ ມີໝູ່ຢູ່ຫ້ອງທັງໝົດ 19 ຄົນ.

ຂະນະດຽວກັນກໍມີຜູ້ຕິດເຊື້ອເປັນເພດຊາຍ 24 ປີຄູສອນໃນໂຮງຮຽນດັ່ງກ່າວ ໄດ້ສອນ ມ4 ສອງຫ້ອງນັກຮຽນ 42 ຄົນ ແລະ ມ7 ໜຶ່ງຫ້ອງມີນັກຮຽນ 20 ຄົນ.

ການລົງກວດຫາເຊື້ອດັ່ງກ່າວນີ້ແມ່ນເກັບຕົວຢ່າງທຸກຄົນທີ່ກ່ຽວຂ້ອງ ເພື່ອສະກັດເຊື້ອແຕ່ຕົ້ນ, ຂໍໃຫ້ທຸກຄົນປອດໄພ ມີແຕ່ລູກຫຼານທີ່ເປັນອະນາຄົດຂອງຊາດທັງນັ້ນ.

Related Posts

Leave a Reply

Your email address will not be published.