ຂ່າວທົ່ວໄປ

ຈັ່ງແມ່ນດື້ດ້ານເນາະ..!! ສຶກສາອົບຮົມ, ເຮັດບົດບັນທຶກ ແລະ ປັບໄໝ 3 ຮ້ານ ທີ່ລະເມີດຄໍາສັ່ງ

ໃນວັນທີ1 ກໍລະກົົົົດ 2021, ປກສ ກຸ່ມດົງໂດກ ສົມທົບກັບຄະນະສະເພາະກິດ ແລະ ພາກສ່ວນທີ່ກ່ຽວຂ້ອງ ເມືອງໄຊທານີ ນວ ລົງເຮັດບົດບັນທຶກສຶກສາອົບຮົມເຈົ້າຂອງຮ້ານ 3 ຮ້ານຄື: ຮ້ານປີ້ງແບ້ ຕັ້ງຢູ່ ບ້ານນາທົ່ມ, ຮ້ານຂາຍສັດປ່າ ແລະ ຮ້ານຕັດຜົມຢູ່ບ້ານສະພັງເມິກ ເມືອງໄຊທານີ ນວ ພ້ອມທັງກ່າວຕັກເຕືອນ ແລະ ປັບໄໝຕາມລະບຽບການ.

ສຶກສາອົບຮົມແລະ ນໍາໃຊ້ມາດຕະການປັບໄໝ 3 ຮ້ານທີ່ລະເມີດຄໍາສັ່ງ 014/ສພກ.ນວ.

ທັງນີ້ ກໍເພື່ອເຂົ້າໃນການປະຕິບັດຄໍາສັ່ງ, ມາດຕະການປ້ອງກັນ ແລະ ເປັນການຢັບຢັ້ງກໍາຈັດຮັດແຄບການແຜ່ລະບາດຂອງພະຍາດທີ່ຈະແຜ່ລາມອອກສູ່ວົງກວ້າງ,ຖ້າຍັງພົບເຫັນເປີດໃຫ້ບໍລິການບໍ່ຖືກຕາມມາດຕະການທີ່ວາງອອກ ຈະຖືກດໍາເນີນຄະດີຕາມລະບຽບກົດໝາຍ.

ການໃຫ້ບໍລິການ 3 ຮ້ານດັ່ງກ່າວເຫັນວ່າ:ມີການລະເມີດຕໍ່ແຈ້ງການ 014/ສພກ.ນວ (ສະເພາະກິດ ນະຄອນຫຼວງວຽງຈັນ) ລົງວັນທີ 19 ມີຖຸນາ 2021 ວ່າດ້ວຍການຈັດຕັ້ງປະຕິບັດຄຳສັ່ງ ວ່າດ້ວຍການເພີ່ມທະວີມາດຕະການປ້ອງກັນຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ ນວ ໄລຍະວັນທີ 20 ມິຖຸນາ- 04 ກໍລະກົດ 2021 .

Related Articles

Leave a Reply

Your email address will not be published. Required fields are marked *

Back to top button