Breaking News

ແຂວງສະຫວັນະເຂດ ສືບຕໍ່ສັກວັກຊີນຄັ້ງທີ 7ຈຳນວນ 30.000 ໂດສ. ບໍ່ແມ່ນ 1.000 ໂດສ

ແຂວງສະຫວັນະເຂດ ສືບຕໍ່ໃຫ້ບໍລິການວັກຊີນປ້ອງກັນພະຍາດໂຄວິດ 19 ໃນຄັ້ງທີ 7ຈຳນວນ 30.000 ໂດສ. ບໍ່ແມ່ນ 1.000 ໂດສຄືກັບຂ່າວລືທີ່ພາໃຫ້ປະຊາຊົນແຕກຕື່ນ

ຈາກເຫດການທີ່ມີກຸ່ມຄົນບໍ່ຫວັງດີຈຳນວນໜຶ່ງໄດ້ເຂົ້າໄປຖ່າຍພາບໄລສົດວິດີໂອ ໃນຂະນະທີ່ພະນັກງານແພດ – ໝໍກໍາລັງໃຫ້ບໍລິການວັກຊີນປ້ອງກັນພະຍາດໂຄວິກ 19 ທີ່ສູນການຄ້າສະຫວັນໄອເຕັກໃນຕອນເຊົ້າວັນທີ 5 ກໍລະກົດ 2021 ພ້ອມທັງບັນລະຍາຍໃນຮູບພາບຂອງຕົນເອງວ່າ ຮີບຟ້າວມາສັກເດີເພາະວັກຊີນມີພຽງແຕ່ 1.000 ໂດສ ແລະ ຈະໃຫ້ບໍລິການໃນມື້ດຽວເທົ່ານັ້ນ

ຕໍ່ກັບຂ່າວລືດັ່ງກ່າວແມ່ນບໍ່ເປັນຄວາມຈິງ ເຊິ່ງ ທ່ານ ດຣ ວົງສອນ ວົງພະຈັນ ຮອງຫົວໜ້າຂະແໜງອະນາໄມສົ່ງເສີມສຸຂະພາບ ພະແນກສາທາລະນະສຸກແຂວງສະຫວັນນະເຂດ ໄດ້ອອກມາຊີ້ແຈງຕໍ່ກັບຂ່າວປອມດັ່ງກ່າວຢ່າງເປັນທາງການແລ້ວ ກ່ຽວກັບການໃຫ້ບໍລິການວັກຊີນປ້ອງກັນພະຍາດໂຄວິດ 19 ພາຍໃນແຂວງສະຫວັນະເຂດ ຊຶ່ງໄດ້ເປີດບໍລິການໃຫ້ກັບປະຊາຊົນ

ເລີ່ມແຕ່ວັນທີ 11 ມີນາ 2021, ເປັນຕົ້ນມາ ແລະ ມາຮອດປັດຈຸບັນແມ່ນເປັນຄັ້ງທີ 7 ແລ້ວ ເຊິ່ງຈະໃຫ້ບໍລິການນັບແຕ່ວັນທີ 5 ໄປຈົນຮອດວັນທີ 30 ກໍລະກົດ ໃນວັນລັດຖະການ ( ວັນຈັນ – ວັນສຸກ ນັບແຕ່ເວລາ 8:30ໂມງ – 16:00 ໂມງ ) ທີ່ສູນການຄ້າສະຫວັນໄອເຕັກ ນະຄອນໄກສອນ ພົມວິຫານ ແຂວງສະຫວັນນະເຂດ.

ສຳລັບການໃຫ້ວັກຊີນປ້ອງກັນພະຍາດໂຄວິດ 19 ຢູ່ແຂວງສະຫວັນນະເຂດ ໃນຄັ້ງນີ້ ແຂວງພວກເຮົາໄດ້ຮັບວັກຊີນທັງໝົດຈຳນວນ 30.000 ໂດສ ຊະນິດ ຊີໂນຟາມ ໂດຍຈະໃຫ້ບໍລິການໃນເຂັມທີ 1 ແລະ ເຂັມທີ 2 , ( ບໍ່ແມ່ນ 1.000 ໂດສ ແລະ ບໍ່ແມ່ນໃຫ້ບໍລິໃນວັນດຽວຄືກັບຂ່າວລື ) ສະນັ້ນຈຶ່ງຂໍຮຽກຮ້ອງໃຫ້ປະຊາຊົນຈົ່ງຢ່າໄດ້ແຕກຕື່ນກັບຂ່າວທີ່ບໍ່ມີມູນຄວາມຈິງ.

ພາບ – ຂ່າວ: ອັກສອນສິນ ພົມມະຈັນ

About admin

Check Also

ກະໝົດແນວລັກເນາະ..!! ໂຈນອອກລ່າ ສະລິບ ຕາມຫ້ອງແຖວ ລະວັງເດີ້ພີ່ນ້ອງ

ຈາກຜູ້ໃຊ້ເຟສບຸກຊື່ ຮ້ານການຊ່າງເຫລັກ ໂລມີຊ້າ ໄດ້ໂພສວ່າ: ລະວັງເດີ້ພີ່ນ້ອງຊ້ວງນີ້ໄດ້ມີຂີ້ລັກ ອອກລັກ ສະລິບຕາມຫ້ອງແຖວ ຈົ່ງມີສະຕິລະມັດລະວັງເດີ້. ເຫດເກີດຢູ່ຫ້ອງແຖວແຫ່ງຫນື່ງບ້ານພະຂາວ ເວລາ 11:00 ໂມງ ຕອນເວັນແສກໆມື້ນີ້ ວັນທີ 8/12/2021 …

Leave a Reply

Your email address will not be published. Required fields are marked *

Recent Comments

No comments to show.