Breaking News

ຄຳມ່ວນ ມອບເຄື່ອງຊ່ວຍເຫລືອ ຕ້ານພະຍາດ ໂຄວິ ດ ໃຫ້ແຂວງ ຮ່າຕິງ ສສ ຫວຽດນາມ.

ຄຳມ່ວນ ມອບເຄື່ອງຊ່ວຍເຫລືອ ຕ້ານພະຍາດ ໂຄວິ ດ ໃຫ້ແຂວງ ຮ່າຕິງ ສສ ຫວຽດນາມ.

ຂປລ. ແຫລ່ງຂ່າວຈາກແຂວງຄຳມ່ວນ ໃຫ້ຮູ້ວ່າ: ວັນທີ 06 ກໍລະກົດ ຜ່ານມາ ທີ່ດ່ານສາກົນນໍ້າພາວ ທ່ານ ບຸນມີ ພິມມະສອນ ປະທານສະພາປະຊາຊົນແຂວງຄຳມ່ວນພ້ອມຄະນະ ໄດ້ມອບເຄື່ອງຊ່ວຍເຫລືອ ເພື່ອຮັບໃຊ້ເຂົ້າໃນວຽກງານຕ້ານ ແລະ ປ້ອງກັນການລະບາດຂອງພະຍາດໂຄວິດ-19 ໃຫ້ແຂວງຮ່າຕິງ ສສ ຫວຽດນາມ ປະກອບມີ:

ເງິນຈຳນວນ 20.000 ໂດລາສະຫະລັດ ແລະ ເຂົ້າສານ 5 ໂຕນ, ເຊິ່ງຕາງໜ້າຮັບໂດຍ ທ່ານເຈິ່ນຕູແອັງ ຮອງປະທານຜູ້ປະຈຳການ ສະພາປະຊາຊົນແຂວງຮ່າຕິງ, ມີພະແນກການຕ່າງປະເທດ, ພະແນກສາທາລະນະສຸກ ແລະ ພາກສ່ວນກ່ຽວຂ້ອງ ສອງຝ່າຍເຂົ້າຮ່ວມ. ໂອກາດນີ້,

ທ່ານ ບຸນມີ ພິມມະສອນ ກໍໄດ້ລາຍງານກ່ຽວກັບສະພາບການລະບາດຂອງພະຍາດໂຄວິດ-19 ຢູ່ໃນ ສປປ ລາວ ເຊິ່ງພະຍາດດັ່ງກ່າວແມ່ນໄດ້ ຂະຫຍາຍອອກເປັນວົງກວ້າງ ແລະ ແພ່ລາມອອກໄປຫລາຍແຂວງໃນທົ່ວປະເທດ, ເຊິ່ງໄດ້ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມ ແລະ ຊີວິດການເປັນຢູ່ຂອງພໍ່ແມ່ປະຊາຊົນ.

ມາຮອດປັດຈຸບັນຢູ່ ສປປ ລາວ ມີຈຳນວນຜູ້ຕິດເຊື້ອສະສົມແລ້ວ 2 ພັນກວ່າຄົນ ແລະ ເສຍຊີວິດ 3 ຄົນ. ສຳລັບຢູ່ແຂວງຄຳມ່ວນ ມີກໍລະນີທີ່ຕິດເຊື້ອ 24 ຄົນ ທີ່ເປັນແຮງງານທີ່ເດີນທາງມາຈາກປະເທດໃກ້ຄຽງ. ໃນນັ້ນ ໄດ້ປິ່ນປົວຫາຍດີ ແລະ ອອກຈາກໂຮງໝໍແລ້ວ 6 ຄົນ, ຍັງສືບຕໍ່ປິ່ນປົວ 18 ຄົນ.

ໂອກາດຽວກັນ, ທ່ານ ເຈິ່ນຕູແອັງ ກໍໄດ້ສະແດງຄວາມຂອບໃຈ ມາຍັງການນຳ ແຂວງຄຳມ່ວນ, ສະພາປະຊາຊົນ ແລະ ພໍ່ແມ່ປະຊາຊົນບັນດາເຜົ່າໃນທົ່ວແຂວງຄຳມ່ວນ ທີ່ມີຄວາມເປັນຫ່ວງເປັນໄຍ ແລະ ໄດ້ປະກອບສ່ວນຊ່ວຍເຫລືອແຂວງຮ່າຕິງ ໃນການຕ້ານແລະ ປ້ອງກັນພະຍາດໂຄວິດ-19 ໃນຄັ້ງນີ້ ແລະ ຫວັງວ່າສອງຊາດລາວ-ຫວຽດນາມ ໂດຍສະເພາະ ສອງແຂວງຄຳມ່ວນ-ຮ່າຕິງ ຈະສືບຕໍ່ໃຫ້ການສະໜັບສະໜູນຊ່ວຍເຫລືອເຊິ່ງກັນ ແລະ ກັນ ເພື່ອພ້ອມພາກັນຜ່ານຜ່າວິກິດການແຜ່ລະບາດພະຍາດໂຄວິດ-19 ໃນຄັ້ງນີ້ຜ່ານໄປດ້ວຍດີ.

About admin

Check Also

ປະເທດລາວສວຍງາມຮັ່ງມີ ແຕ່ເປັນຫຍັງປະຊາຊົນລາວບາງບ່ອນຍັງທຸກຍາກ

ນັບວ່າເປັນກຽດຢ່າງສູງທີ່ ສປປ ລາວ ເຮົາຖືກຍົກໃຫ້ເປັນປະເທດທີ່ມີຊັບພະຍາກອນທຳມະຊາດເປັນຕົ້ນທຶນສູງສຸດໃນໂລກ. ອີງຕາມເວັບໄຊເອໂຄບິສເນັສ (Ecobusiness)ໄດ້ເຜີຍແຜ່ບົດລາຍງານດັດຊະນີຊັບພະຍາກອນທຳມະຊາດ (Natural Capital Index) ຂອງໂລກປະຈຳປີ 2021 ສປປ ລາວ ເຮົາຖືກຈັດອັນດັບໜຶ່ງຂອງໂລກ. ສ່ວນຮອງລົງມາກໍມີ …

Leave a Reply

Your email address will not be published. Required fields are marked *

Recent Comments

No comments to show.