Breaking News

ອຸຕຸເຕືອນ 26-30ເຝົ້າລະວັງຝົນຕົກໜັກ,​ ໝາກເຫັກຕົກ,​ຟ້າຮ້ອງຟ້າເຫຼື້ອມ,​ ລົມພັດແຮງ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ອຸຕຸເຕືອນເຝົ້າລະວັງຝົນຕົກໜັກ,​ ໝາກເຫັກຕົກ,​ ຟ້ອງຮ້ອງຟ້າເຫຼື້ອມ,​ ລົມພັດແຮງ​ ທີ່ອາດຈະເກີດໃນໄລຍະວັນທີ 26-30​ ເມສານີ້​ ໃນແຕ່ລະພາກ.

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 26 ເມສາ – 02 ພຶດສະພາ 2021: ໃນໄລຍະວັນທີ 26 – 30 ເມສານີ້ ຄວາມກົດດັນຕໍ່າຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກ ແລະ ຕາເວັນຕົກສ່ຽງໃຕ້ ຈະມີກຳລັງແຮງເພີ່ມຂື້ນພັດປົກຄຸມເປັນສ່ວນໃຫຍ່.

ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າ ພ້ອມມີໝອກແຫ້ງປົກຫຸ້ມຢູ່ທົ່ວໄປໃນຕອນບ່າຍແລະ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ເປັນບໍລິເວນກວ້າງ ແລະ ຕົກປານກາງ ຫາຕົກໜັກ ພ້ອມມີລົມພັດແຮງ, ຟ້າຜ່າ, ໝາກເຫັບຕົກ ເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ, ແຈ້ງເຕືອນເຖີງປະຊາຊົນທີ່ອາໄສຢູ່ເຂດດັ່ງກ່າວ ຈົ່ງມີສະຕິລະມັດລະວັງຕໍ່ສະພາບອາກາດຮ້ອນ ຫາ ຮ້ອນເອົ້າ.

ທີ່ຈະເຮັດເກີດມີອັກຄີໄພ ແລະ ມີສະຕິລະມັດລະວັງຕໍ່ສະພາບພາຍຸຝົນຕົກຟ້າຮ້ອງຟ້າເຫຼື້ອມ, ຟ້າຜ່າ ແລະ ໝາກເຫັບຕົກ ພ້ອມມີລົມພັດແຮງ ທີ່ຈະເຮັດໃຫ້ມີຕົ້ນໄມ້, ປ້າຍໂຄສະນາ ແລະ ເສົາໄຟຟ້າຫັກລົ້ມ, ໃນເວລາຝົນຕົກຟ້າຮ້ອງຟ້າເຫຼື້ອມໃຫ້ຫຼີກລ່ຽງຈາກການໄປຢູ່ກ້ອງຕົ້ນໄມ້ໃຫຍ່ ເພາະອາດຈະຖືກຟ້າຜ່າໄດ້.

ຈາກນັ້ນ ວັນທີ 01 – 2 ພຶດສະພາ 2021 ຄວາມກົດດັນຕໍ່າຂອງອາກາດຮ້ອນທີ່ປົກຄຸມຢູ່ທົ່ວທຸກພາກຂອງປະເທດລາວຈະອ່ອນກຳລັງລົງ. ຊຶ່ງເຮັດໃຫ້ອາກາດຍັງສືບຕໍ່ຮ້ອນພ້ອມມີໝອກແຫ້ງປົກຫຸ້ມໃນຕອນກາງເວັນ ແລະ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ.

About admin

Check Also

ເຄື່ອຂ່າຍຊາວກະສິກອນລາວ ແຈ້ງບໍ່ມີນໍ້າມັນໃຊ້ເຮັດວຽກ

ດັ່ງທີ່ເຮົາຮູ້ບັດຈຸບັນ, ສະພາບການຕອບສະໜອງຂອງນໍ້າມັນທີ່ມີຕໍ່ຄວາມຕ້ອງການຂອງຜູ້ຊົມໃຊ້ບໍ່ພຽງພໍ ເຊິ່ງຈະສັງເຫດໄດ້ຈາກປະຊາຊົນອັງອໍລຽງແຖວໃສ່ນໍ້າມັນ ບາງເຂດປໍ້າກໍປິດ ເຮັດໃຫ້ປະຊາຊົນຫຼາຍບ້ານມາໂຮມໃສ່ແຕ່ປໍ້າດຽວ ຈົນເຮັດໃຫ້ນໍ້າມັນຂາດ, ບາງປໍ້າກໍມີແຕ່ກະຊວນເທົ່ານັ້ນ ເຮັດໃຫ້ຜູ້ທີ່ໃຊ້ລົດທີ່ໃສ່ນໍ້າມັນແອັດຊັງເກີດຂໍ້ຫຍຸ້ງຍາກໃນການຊອກປໍ້າທີ່ໃສ່ນໍ້າມັນແອັດຊັງ. ຕໍ່ກັບເຫດການດັ່ງກ່າວ ເຮົາກໍຈະເຫັນໄດ້ເຖິງການໂພສຈາກບັນຊີເຟສບຸກສ່ວນບຸນຄົນທີ່ໄດ້ອອກມາລາຍງານກ່ຽວກັບສະພາບນໍ້າມັນ. ເພາະມັນໄດ້ກະທົບເຖິງການເຮັດວຽກ ແລະ ປະກອບອາຊີບໃນການດຳລົງຊີວິດຂອງປະຊາຊົນ. ຈົນມາຮອດເຄື່ອຂ່າຍຊາວກະກອນລາວ Lao …

Leave a Reply

Your email address will not be published.

Recent Comments

No comments to show.