Breaking News

ໜ້າຫ່ວງ! ພາຍໃນ 3ອາທິດ ລາວເຮົາມີຜູ້ຕິດເຊື້ອໂຄວິດ-19 ເຖິງ 2ພັນກວ່າຄົນ

ດັ່ງທີ່ແອັດແຈ້ງໄປກ່ອນໜ້ານີ້ແລ້ວ ສໍາລັບຕົວເລກຜູ້ຕິດເຊື້ອໃນວັນທີ 22 ກໍລະກົດ 2021 ເຊິ່ງຜູ້ຕິດເຊື້ອຍັງມີຈໍານວນຫຼາຍເຊັ່ນເຄີຍ ສະເພາະມື້ນີ້ມີເຖິງ 223ຄົນ ຈາກການເກັບຕົວຢ່າງ 1.754ຕົວຢ່າງ.

ທັ້ງນີ້, ທ່ານ ດຣ ນາງພອນປະເສີດ ໄຊມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ວ່າ: ໃນປະເທດເຮົາ ໂດຍອີງຕາມການລາຍງານປະຈໍາວັນ ປັດຈຸບັນເຫັນວ່າຕົວເລກການຕິດເຊື້ອໃນກຸ່ມຄົນ ແລະ ແຮງງານທີ່ເດີນທາງເຂົ້າມາ ສປປ ລາວ ແມ່ນມີຈໍານວນເພີ່ມຂຶ້ນຫຼາຍ, ໃນບັນດາແຂວງທີ່ມີຊາຍແດນຕິດກັບປະເທດເພື່ອນບ້ານທີ່ກໍາລັງມີການລະບາດຂອງພະຍາດໂຄວິດ-19ສາຍພັນເດວຕາ ໃນຊຸມຊົນຄື (ນະຄອນຫຼວງວຽງຈັນ, ແຂວງຈໍາປາສັກ, ສະຫວັນນະເຂດ, ຄໍາມ່ວນ, ສາລະວັນ, ອັດຕະປື, ບໍລິຄໍາໄຊ, ອຸດົມໄຊ, ຫຼວງນໍ້າທາ, ບໍ່ແກ້ວ ແລະແຂວງວຽງຈັນ).

ເຊິ່ງຕົວເລກຕິດເຊື້ອສະເພາະເດືອນກໍລະກົດ 2021 ຮອດມື້ນີ້(ໄລຍະ 3ອາທິດ) ແມ່ນມີຈໍານວນຜູ້ຕິດເຊື້ອໃນແຮງງານເດີນທາງເຂົ້າມາເຖິງ 2.155ຄົນ ໂດຍສະເພາະແມ່ນແຂວງສະຫວັນນະເຂດ (974) ແລະ ຈໍາປາສັກ (876) ແລະ ຈະຍັງມີການສືບຕໍ່ມີຈໍານວນແຮງງານເດີນທາງກັບເຂົ້າປະເທດ ພ້ອມດຽວກັນກໍ່ເຫັນວ່າແຂວງຈໍາປາສັກ ເລີ່ມມີການລາຍງານຕົວເລກຜູ້ຕິດເຊື້ອໃນຊຸມຊົນໃນແຕ່ລະວັນ.

ຕໍ່ກັບສະພາບມີແຮງງານເດີນທາງເຂົ້າມາປະເທດຈໍານວນຫຼາຍໃນແຕ່ລະວັນ(2-3ພັນຄົຍຕໍ່ມື້) ແລະ ມີຕົວເລກຜູ້ຕິດເຊື້ອພະຍາດກຸ່ມດັ່ງກ່າວຈໍານວນເພີ່ມຂຶ້ນຫຼາຍ(ສະເລ່ຍ100 ຫາ 200ຄົນຕໍ່ມື້) ພ້ອມທັງມີການຄິດເຊື້ອພະຍາດໃນຊຸມຊົນຢູ່ບາງແຂວງສົມທົບກັບບັນດາປະເທດອ້ອມຂ້າງຍັງມີການລະບາດຂອງພະຍາດສາຍພັນເດວຕາໃນຊຸມຊົນ ແລະ ຍັງບໍ່ມີທ່າອ່ຽງຫຼຸດລົງ.

ສິ່ງເຫຼົ່ານັ້ນຖືວ່າເປັນສິ່ງທ້າທາຍ ແລະ ເຮັດໃຫ້ປະເທດຂອງພວກເຮົາແມ່ນມີຄວາມສ່ຽງທີ່ອາດຈະເກີດມີການລະບາດຂອງສາຍພັນດັ່ງກ່າວອອກເປັນວົງກວ້າງຢູ່ພາຍໃນປະເທດ ເຊິ່ງເປັນສິ່ງບໍ່ປາຖະໜາທີ່ຈະໃຫ້ເຫດການດັ່ງກ່າວເກີດຂຶ້ນໃນປະເທດຂອງພວກເຮົາ ເພາະຈະເຮັດໃຫ້ການສະກັດກັ້ນ ແລະ ຄວບຄຸມພົບຄວາມຫຍຸ້ງຍາກ ຫຼື ອາດບໍ່ສາມາດຄວບຄຸມການລະບາດຂອງພະຍາດໄດ້ຄືດັ່ງມທີ່ຫຼາຍປະເທດໃນໂລກກໍາລັງປະເຊີນໜ້າກັບບັນຫາດັ່ງກ່າວ.

ແນວໃດກໍ່ຕາມ ຮຽກຮ້ອງມາຍັງປະຊາຊົນຄົນລາວທີ່ໄປເຮັດວຽກຢູ່ປະເທດໃກ້ຄຽງ ຖ້າຕ້ອງການຈະກົດຄືນ ສປປ ລາວ ຂໍໃຫ້ດໍາເນີນການເຂົ້າມາຢ່າງຖືກຕ້ອງຕາມລະບຽບການ ໂດຍພົວພັນກັບສະຖານທູດລາວ, ກົງສູນລາວ ແລະ ເຈົ້າໜ້າທີ່ກ່ຽວຂ້ອງຂອງປະເທດທີ່ທ່ານເຮັດວຽກຢູ່ ແລະ ເດີນທາງເຂົ້າມາປະເທດ ໂດຍຜ່ານທາງການທີ່ຖືກຕ້ອງ ຖເາລັກລອບເຂົ້າມາແບບບໍ່ຖືກຕ້ອງ ແມ່ນຈະຖືວ່າເປັນຜູ້ທີ່ມີຄວາມຜິດ ແລະ ຈະຖືກດໍາເນີນຄະດີຕາມລະບຽບກົດໝາຍ.

About admin

Check Also

ເຮັດແທ້ ຫົວພັນໃຫ້ພຽງຜູ້ສັກວັກຊິນ ແລະຜົນກວດເປັນລົບເຂົ້າແຂວງເທົ່ານັ້ນ

ແຈ້ງການແນະນຳເພີ່ມເຕີມຂອງທ່ານເຈົ້າແຂວງ ສະບັບເລກທີ 373/ຈຂ.ຫພ ລົງວັນທີ 3 ທັນວາ 2021 . ເລື່ອງ: ການສືບຕໍ່ເຄື່ອນໄຫວເຮັດວຽກງານປ້ອງກັນ ແລະ ແກ້ໄຂພະຍາດໂຄວິດ-19 ຢູ່ແຂວງຫົວພັນ . 👉ມີຜົນນຳໃຊ້ເລີ່ມແຕ່ເວລາ …

Leave a Reply

Your email address will not be published. Required fields are marked *

Recent Comments

No comments to show.