Breaking News

ກ່ອນ​ສັກ​ວັກ​ຊີນ​ໂຄວິດ​ຕ້ອງ​ກຽມ​ໂຕ​ແນວ​ໃດ? ຫ້າມ​ກິນ​ຫຍັງ​ແດ່

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ສຳ​ລັບ​ຄົນ​ທີ່​ກຳ​ລັງ​ຈະ​ໄດ້​ສັກ​ວັກ​ຊີນ​ໂຄວິດ ມາ​ເບິ່ງວິ​ທີ​ກຽມ​ຕົວ​ເບື້ອງ​ຕົ້ນ​ໃຫ້​ພ້ອມ ທັງ​ເລື່ອງ​ອາ​ຫານ​ການ​ກິນ ແລະ ການ​ເບິ່ງ​ແຍງ​ດູ​ແລ​ສຸ​ຂະ​ພາບ​ອື່ນໆ.

ກ່ອນ​ເຖິງມື້​ນັດ​ສັກ​ວັກ​ຊີນ​ໂຄວິດ – 19 ຢາກ​ໃຫ້​ທຸກ​ທ່ານ​ກຽມ​ພ້ອມ​ທາງ​ຮ່າງ​ກາຍ ແລະ ຈິດ​ໃຈ ດັ່ງ​ນີ້ :

1. ນອນ​ຫລັບ​ພັກ​ຜ່ອນ​ໃຫ້​ພຽງ​ພໍ ໃນ​ໄລ​ຍະ 2 – 3 ຄືນ ກ່ອນ​ສັກ​ວັກ​ຊີນ ເພື່ອ​ໃຫ້​ຮ່າງ​ກາຍ​ຜ່ອນ​ຄາຍ, ບໍ່​ຄວນ​ອົດ​ນອນ ເພາະ​ຈະ​ກະ​ຕຸ້ນ​ໃຫ້​ຫລອດ​ເລືອດ​ໃນ​ຮ່າງ​ກາຍ​ຫົດ​ໂຕ​ໄດ້.

2. ບໍ່​ຄວນ​ອົດ​ອາ​ຫານ, ພະ​ຍາ​ຍາມ​ເລືອກ​ກິນ​ອາ​ຫານ​ເພື່ອ​ສຸ​ຂະ​ພາບ.

3. ຮັກ​ສາ​ສຸ​ຂະ​ພາບ​ຮ່າງ​ກາຍ​ໃຫ້​ແຂງ​ແຮງ, ບໍ່​ໃຫ້​ປ່ວຍ​ໄຂ້ ເພາະ​ຖ້າ​ປ່ວຍ ວັກ​ຊີນ​ຈະ​ກະ​ຕຸ້ນ​ໄດ້​ບໍ່​ດີ ຫລື ອາດ​ສົ່ງ​ຜົນ​ໃຫ້​ພະ​ຍາດ​ທີ່​ເປັນ​ຢູ່​ມີ​ອາ​ກາ​ນ​ຮຸນ​ແຮງ​ຂຶ້ນ.

4. ດື່ມ​ນ້ຳ​ຢ່າງ​ໜ້ອຍ 500 – 1.000 ເຊ​ເຊ (ປະ​ມານ 3 – 5 ຈອກ) ໃນ​ໄລ​ຍະ 12 ຊົ່ວ​ໂມງ ກ່ອນ​ສັກ​ວັກ​ຊີນ ເພື່ອ​ຊ່ວຍ​ໃຫ້​ຫລອດ​ເລືອດ​ຂະ​ຫຍາຍ, ການ​ຂັບ​ຖ່າຍ​ຂອງ​ເສຍ​ຕ່າງໆ​ໃນ​ຮ່າງ​ກາຍ​ກໍ​ຈະ​ດີ​ຂຶ້ນ.

5. ງົດ​ອອກ​ກຳ​ລັງ​ກາຍ​ໜັກໆ​ໃນ​ໄລ​ຍະ 2 ມື້​ກ່ອນ​ສັກ​ວັກ​ຊີນ.

6. ຜູ້​ປ່ວຍ​ທີ່​ມີ​ພະ​ຍາດ​ປະ​ຈຳ​ໂຕ ຫລື ພະ​ຍາດ​ຊ້ຳ​ເຮື້ອ ຄວນ​ກິນ​ຢາ​ປິ່ນ​ປົວ​ພະ​ຍາດ​ຕາມ​ປົກ​ກະ​ຕິ ໂດຍ​ປຶກ​ສາ​ແພດ​ກ່ອນ​ສັກ​ວັກ​ຊີນ ບໍ່​ຄວນ​ຢຸດ​ຢາ​ເອງ ຍົກ​ເວັ້ນ​ແພດ​ແນະ​ນຳ​ໃຫ້​ຢຸດ​ຢາ ເພື່ອ​ໃຫ້​ໄດ້​ຜົນ​ດີ​ຈາກ​ການ​ສັກ​ວັກ​ຊີນ.

7. ຄວນ​ເວັ້ນ​ໄລ​ຍະ​ຫ່າງ​ຈາກວັກ​ຊີນ​ປ້ອງ​ກັນ​ໄຂ້​ຫວັດ​ໃຫຍ່​ຢ່າງ​ໜ້ອຍ 1 ເດືອນ. ສ່ວນ​ການ​ສັກ​ວັກ​ຊີນ​ຊະ​ນິດ​ອື່ນໆ​ແນະ​ນຳ​ໃຫ້​ເວັ້ນ​ໄລ​ຍະ​ຢ່າງ​ໜ້ອຍ 2 – 4 ອາ​ທິດ (ຂຶ້ນ​ຢູ່​ກັບ​ຊະ​ນິດ​ຂອງວັກ​ຊີນ​ໂຄວິດ ແລະ ວັກ​ຊີນ​ທີ່​ຕ້ອງ​ການ​ໃຊ້​ຮ່ວມ ເພື່ອ​ຫລີກ​ເວັ້ນ​ການ​ເກີດ​ປະ​ຕິ​ກິ​ລິ​ຍາ​ຈາກ​ການ​ສັກ​ວັກ​ຊີນ​ພ້ອມ​ກັນ ແລະ ການ​ລົບ​ກວນ​ການ​ສ້າງ​ພູມ​ຕ້ານ​ທານ).

ກ່ອນ​ສັກ​ວັກ​ຊີນ​ໂຄວິດ ຫ້າມ​ກິນ​ຫຍັງ​ແດ່ ?

1.ເຄື່ອງ​ດື່ມ​ອານ​ກໍ​ຮໍ : ເພາະ​ເຮັດ​ໃຫ້​ຮ່າງ​ກາຍ​ຂາດ​ນ້ຳ ຫລື ມີ​ອາ​ການ​ເມົາ​ຄ້າງ ແລະ ອາດ​ສົ່ງ​ຜົນ​ຂ້າງ​ຄຽງ​ທີ່​ຮຸນ​ແຮງ​ຂຶ້ນ ເຊິ່ງ​ຈະ​ບໍ່​ຮູ້​ໄດ້​ວ່າ​ຜົນ​ຂ້າງ​ຄຽງ​ທີ່​ເກີດ​ຂຶ້ນ​ເປັນ​ຍ້ອນ​ລິດ​ຂອງ​ອານ​ກໍ​ຮໍ ຫລື ຜົນ​ຈາກວັກ​ຊີນ.

2. ເຄື່ອງ​ດື່ມ​ກາ​ເຟ​ອີນ ໄດ້​ແກ່ : ຊາ, ກາ​ເຟ, ໂກ​ໂກ້, ນ້ຳ​ອັດ​ລົມ, ເຄື່ອງ​ດື່ມ​ຊູ​ກຳ​ລັງ ຄວນ​ງົດ​ຢ່າງ​ໜ້ອຍ 1 ມື້​ກ່ອນ​ສັກ​ວັກ​ຊີນ ເພາະ​ອາດ​ເຮັດ​ໃຫ້​ຫລອດ​ເລືອດ​ຫົດ​ໂຕ​ຫລາຍ​ຂຶ້ນ ຈຶ່ງ​ເພີ່ມ​ໂອ​ກາດ​ໄດ້​ຮັບ​ຜົນ​ຂ້າງ​ຄຽງ​ຈາກວັກ​ຊີນ.ຢາ​ຫລຸດ​ໄຂ້,

3. ຢາ​ແກ້​ປວດ : ຫາກ​ມີ​ໄຂ້, ບໍ່​ສະ​ບາຍ​ ຫ້າມ​ກິນ​ຢາ​ແກ້​ປວດ, ຢາ​ຫລຸດ​ໄຂ້ ກ່ອນ​ໄປ​ສັກ​ວັກ​ຊີນ​ໂຄວິດ – 19 ເພາະ​ຢາ​ອາດ​ໄປ​ກົດ​ສະ​ພາບ​ການ​ອັກ​ເສບ​ຈົນ​ບົດ​ບັງ​ການ​ຕອບ​ສະ​ໜອງ​ຂອງວັກ​ຊີນ. ນອກ​ຈາກນີ້, ຫາກ​ມີ​ອາ​ການບໍ່​ສະ​ບາຍ​ຫລັງ​ສັກ​ວັກ​ຊີ​ນ ອາດ​ເຮັດ​ໃຫ້​ເກີດ​ຄວາມ​ສັບ​ສົນ​ໄດ້​ວ່າ​ເປັນ​ອາ​ການ​ແພ້​ວັກ​ຊີນ ຫລື ເປັນ​ອາ​ການ​ປ່ວຍ​ທີ່​ເປັນ​ຢູ່​ກ່ອນ​ແລ້ວ.

4. ຢາ​ແອ​ສ​ໄປ​ຣິນ : ບໍ່​ຄວນ​ກິນ​ຢາ​ແອດ​ໄປ​ຣິນ​ເພື່ອ​ຫວັງ​ຜົນ​ປ້ອງ​ກັນ​ອາ​ການ​ເກັດ​ເລືອດ​ອັດ​ຕັນ​ຈາກ​ການ​ສັກ​ວັກ​ຊີນ​ໂຄວິດ – 19 ເພາະ​ອາ​ການນີ້​ບໍ່​ໄດ້​ເກີດ​ຈາກວັກ​ຊີນ​ພຽງ​ຢ່າງ​ດຽວ, ແຕ່​ຈະ​ພົບ​ໄດ້​ໃນ​ຄົນ​ທີ່​ມີ​ເກັດ​ເລືອດ​ຕ່ຳ​ຫລາຍໆ. ດັ່ງ​ນັ້ນ, ການ​ກິນ​ແອ​ສ​ໄປ​ຣິນ​ໃນ​ຄົນ​ທີ່​ມີ​ເກັດ​ເລືອດ​ຕ່ຳ​ຫລາຍໆ​ຢູ່​ແລ້ວ​ອາດ​ເຮັດ​ໃຫ້​ເກີດ​ຜົນ​ຂ້າງ​ຄຽງ​ຈາກວັກ​ຊີນ​ທີ່​ຮຸນ​ແຮງ​ກ່ວ​າ​ເກົ່າ​ກໍ​ເປັນ​ໄດ້.

5. ຢາ​ທີ່​ມີ​ຜົນ​ເຮັດ​ໃຫ້​ຫລອດ​ເລືອດ​ແດງ​ຫົດ​ໂຕ ເຊັ່ນ : ຢາ​ແກ້​ປວດ​ໄມ​ເກ​ຣນ, ຢາ​ແກ້​ອາ​ການ​ຕັນ​ດັງ, ຢາ​ຫລຸດ​ນ້ຳ​ມູກ (Pseudoephedrine), ຢາ​ຕ້ານ​ຊຶມ​ເສົ້າ​ກຸ່ມ SSRI ຫລື SNRI ຫາກ​ເປັນ​ໄປ​ໄດ້​ຄວນ​ຫລີກ​ເວັ້ນ​ຢາ​ກຸ່ມນີ້​ໃນ​ໄລ​ຍະ 1 – 2 ມື້​ກ່ອນ​ສັກ​ວັກ​ຊີນ ຫລື ຫາກ​ຈຳ​ເປັນ​ຕ້ອງ​ກິນ​ຄວນ​ປຶກ​ສາ​ແພດ​ກ່ອນ.

ທ່ານ​ໃດ​ທີ່​ຈະ​ໄປ​ສັກ​ວັກ​ຊີນໂຄວິດ – 19 ກໍ​ກຽມ​ໂຕ​ໃຫ້​ພ້ອມ, ກ​ຽ​ມ​ໃຈ​ໃຫ້​ສະ​ບາຍ, ພຶດ​ຕິ​ກຳ​ໃດ​ທີ່​ຮູ້​ຈະ​ແຈ້ງ​ແລ້ວ​ວ່າ​ທຳ​ລາຍ​ສຸ​ຂະ​ພາບ​ແນ່ນອນ ເຊັ່ນ : ການ​ສູບ​ຢາ, ການນອນ​ເດິກ, ພັກ​ຜ່ອນ​ໜ້ອຍ, ກິນ​ອາ​ຫານບໍ່​ມີ​ປະ​ໂຫຍດ ໃນ​ໄລ​ຍະ​ກ່ອນ​ໄປ​ສັກ​ວັກ​ຊີນ​ກໍ​ລອງ​ງົດ​ພຶດ​ຕິ​ກຳ​ເຫລົ່າ​ນີ້​ໄປ​ກ່ອນ ເພື່ອ​ຊ່ວຍ​ໃຫ້​ຮ່າງ​ກາຍ​ມີ​ພູມ​ຕ້ານ​ທານ​ເພີ່ມ​ຂຶ້ນ.

About admin

Check Also

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​ ທີ່ຂ່າວໜັງສືພິມ ປກສ​ ໂພສວັນທີ 28 ມິຖຸນາ 2022 ຫຼ້າສຸດ ວັນທີ 29 ມິຖຸນາ​ 2022 …

Leave a Reply

Your email address will not be published.

Recent Comments

No comments to show.