Breaking News

ອາດີດ ປະ ທານປະ ເທດມອບເງິນ 100 ລ້ານກີບ ຊ່ວຍແຂວງຄຳມ່ວນ

ອະດີດປະທານປະເທດ ມອບເງິນ 100 ລ້ານກີບຊ່ວຍແຂວງຄຳມ່ວນ ຮັບມືກັບໂ ຄ ວິ ດ

ຂປລ. ແຫລ່ງຂ່າວຈາກແຂວງຄຳມ່ວນ ໃຫ້ຮູ້ວ່າ: ວັນທີ 01 ສິງຫາ 2021 ນີ້, ທ່ານ ຄຳມະນີ ອິນທິລາດ ອະດີດລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ຕາງໜ້າໃຫ້ຄອບຄົວຂອງ ທ່ານ ບຸນຍັງ ວໍລະຈິດ ອະດີດປະທານປະເທດແຫ່ງ ສປປ ລາວ ມອບເງິນຈຳນວນ 100 ລ້ານກີບ ໃຫ້ແຂວງຄຳມ່ວນ.ໃນນັ້ນ, ໄດ້ມອບໃຫ້ອົງການປົກຄອງແຂວງ 50 ລ້ານກີບ ແລະ ມອບໃຫ້ສູນປິ່ນປົວແຂວງ 50 ລ້ານກີບ. ທັງນີ້ ກໍເພື່ອປະກອບເຂົ້າໃນວຽກງານຕ້ານ ແລະ ສະກັດກັ້ນການລະບາດຂອງພະ ຍາດໂຄວິດ-19 ຢູ່ແຂວງຄໍາມ່ວນ, ເຊິ່ງຕາງໜ້າຮັບໂດຍ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີພາກສ່ວນກ່ຽວຂ້ອງ ເຂົ້າຮ່ວມ.

ໂອກາດດັ່ງກ່າວ, ທ່ານ ຄໍາມະນີ ອິນທິລາດ ກໍໄດ້ກ່າວເຖິງຈຸດປະສົງ, ນຳເອົາຄວາມຢື້ຢາມຖາມຂ່າວ ແລະ ໃຫ້ກຳລັງໃຈຂອງທ່ານອະດີດການນຳຂັ້ນສູງແຫ່ງ ສປປ ລາວ ມາຍັງການນຳຂອງແຂວງ ແລະ ພະນັກງານນັກຮົບຊຸດຂາວ ໃນການເອົາໃຈໃສ່ປະ ຕິບັດໜ້າທີ່ ໃນການປ້ອງກັນ ແລະ ແກ້ໄຂສະພາບເພື່ອເຮັດແນວໃດໃຫ້ສຳເລັດໄປດ້ວຍດີ.ຈາກນັ້ນ, ທ່ານ ວັນໄຊ ພອງສະຫວັນ ໄດ້ສະແດງຄວາມ ຂອບໃຈເປັນຢ່າງສູງ ແລະ ຮູ້ບຸນຄຸນມາຍັງທ່ານອະດີດການນຳຂັ້ນສູງ ພ້ອມດ້ວຍຄອບຄົວທີ່ ໄດ້ໃຫ້ການຊ່ວຍ ເຫລືອ ແລະ ມີຄວາມເປັນຫ່ວງເປັນໄຍຕໍ່ປະເທດຊາດ, ບ້ານເມືອງ ກໍຄື ແຂວງຄຳມ່ວນ. ພ້ອມນີ້ ກໍໄດ້ລາຍງານສະພາບການແຜ່ລະບາດຂອງພະຍາດໂຄ ວິ ດ ຢູ່ພາຍໃນແຂວງ, ເຊິ່ງຢູ່ແຂວງຄຳມ່ວນ ມີສູນຈຳກັດບໍລິເວນ 2 ສູນຄື: ພະແນກ ຖວທ ຫລັງເກົ່າ (ແຄມຂອງ) ແລະ ສູນກັກກັນສະໜາມກິລາແຂວງ, ທົ່ວແຂວງມີຜູ້ຕິດເຊື້ອທັງໝົດ 167 ຄົນ, ປິ່ນປົວດີ 47 ຄົນ, ກຳລັງປິ່ນປົວ 120 ຄົນ ແລະ ມີກໍລະນີຕິດເຊື້ອຊຸມຊົນ 1 ກໍລະນີ.

ຂ່າວ: ມະນີວັນ

About admin

Check Also

ບໍລິສັດ ລາວ ໂທລະຄົມມະນາຄົມ ມະຫາຊົນ ຈັດພິທີ ມອບ-ຮັບ ກ່ອງປັນສຸກ ໃນກິດຈະກໍາ “ ລາວ ໂທລະຄົມ ປັນສຸກ ”

ໃນວັນທີ 8 ທັນວາ 2021 ຢູ່ທີ່ ສໍານັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ມີພິທີ ມອບ-ຮັບ ກ່ອງປັນສຸກ ໃນກິດຈະກໍາ CSR …

Leave a Reply

Your email address will not be published. Required fields are marked *

Recent Comments

No comments to show.