ປະກາດຫາເຈົ້າຂອງລົດນີ້ ໃຫ້ໄປພົວພັນດ່ວນເດີ

ຂປລ. ຂະແໜງສືບສວນສອບສວນ ແລະ ປາບປາມການລັກລອບສິນຄ້າໜີພາສີ, ກອງຄຸ້ມຄອງພາສີ l ແຂວງຫລວງນໍ້າທາ ໃຫ້ຮູ້ໃນວັນທີ 4 ສິງຫາ 2021 ນີ້ວ່າ: ໄລຍະເດືອນພຶດສະພາ ຫາ ເດືອນກໍລະກົດ 2021 ຜ່ານມາ, ເຈົ້າໜ້າທີ່ກອງຄຸ້ມຄອງພາສີ l ແຂວງຫລວງນໍ້າທາ ໄດ້

ຢຶດພາຫະນະນໍາເຂົ້າແບບບໍ່ຖືກຕ້ອງ ຢູ່ດ່ານພາສີຊາຍແດນ ແລະ ນອກດ່ານພາສີຊາຍແດນ ຈໍານວນ 9 ຄັນ, ໃນນັ້ນ ມີລົດບັນທຸກ 6 ລໍ້ຍີ່ຫໍ້ DONGFENG ສີຟ້າ, ລົດບັນທຸກ 6 ລໍ້ ຍີ່ຫໍ້ ISUZU ສີຂາວ, ລົດເກັງຍີ່ຫໍ້ TOYOTA CAMRY ສີດໍາ, ລົດເກັງຍີ່ຫໍ້ TOYOTA COROLLA ສີຂາວ (ທັງ 4 ຄັນ ແມ່ນຢຶດຈາກຄົນຈີນ),

ລົດຈິບຍີ່ຫໍ້ TOYOTA LANDCRUISER ສີຂາວ, ລົດຈິບ ຍີ່ຫໍ້ HYUNDAI SANTAFE ສີດໍາ, ລົດຈິບຍີ່ຫໍ້ HONDA CR-V ສີຂາວ, ລົດຈິບຍີ່ຫໍ້ TOYOTA LEXUS ສີຂາວ ແລະ ລົດເກັງຍີ່ຫໍ້ BENZ ສີປອນ (ບໍ່ຮູ້ເຈົ້າຂອງ).

ພາຍຫລັງທີ່ຢຶດມາແລ້ວ, ກອງຄຸ້ມຄອງພາສີ l ກໍໄດ້ປະກາດແຈ້ງການຫາເຈົ້າຂອງພາຫະນະ ໃຫ້ເຂົ້າມາພົວພັນເອົາແຕ່ບໍ່ເຫັນເຈົ້າຂອງພາຫະນະມາພົວພັນ. ສະນັ້ນ, ທາງພາກສ່ວນກ່ຽວຂ້ອງຈຶ່ງໄດ້ແຈ້ງຄືນ ເຖິງເຈົ້າຂອງລົດຈຳນວນດັ່ງກ່າວ ໃຫ້ເຂົ້າມາພົວພັນນໍາຂະແໜງສືບສວນສອບສວນ ແລະ ປາບປາມ ການລັກລອບສິນຄ້າໜີພາສີ ປະຈໍາກອງຄຸ້ມຄອງພາສີ l ແຂວງຫລວງນໍ້າທາ

Related Posts

Leave a Reply

Your email address will not be published.