Breaking News

ປັດຈຸບັນ ສາມາດສົ່ງແຮງງານມຽນມາກັບຄືນ ປະເທດເກືອບ 500 ຄົນ

ເນື່ອງຈາກວ່າໃນວັນທີ 6 ສິງຫາ 2021 ໄດ້ມີແຮງງານຊາວມຽນມາປະມານພັນກວ່າ ຄົນເດີນຂະບວນປະທ້ວງຮຽກຮ້ອງຕາມຖະຫນົນຫົນທາງພາຍໃນເຂດເສດຖະກິດພິເສດ ສາມຫລ່ຽມຄໍາ ແຂວງ ບໍ່ແກ້ວ,

ຍ້ອນຄວາມບໍ່ພໍໃຈຕໍ່ມາດຕະການປ້ອງກັນການແຜ່ລະບາດຂອງພະຍາດໂຄວິດ-19 ໃນໄລຍະລັອກດາວ ແຕ່ວັນທີ 2-15 ສິງຫາ 2021.ຕໍ່ເຫດການດັ່ງກ່າວ, ທ່ານ ຄໍາຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ ໃຫ້ຮູ້ ໃນວັນທີ 9 ສິງຫານີ້ວ່າ: ພາຍຫລັງເກີດການປະທ້ວງຂອງແຮງງານມຽນມາ, ທາງອົງການປົກຄອງແຂວງກໍ່ໄດ້ຮີບຮ້ອນຮ່ວມປະສານ ສົມທົບກັບ ສ. ມຽນມາ ກ່ຽວກັບການສົ່ງແຮງງານມຽນມາກັບຄືນປະເທດ.

ໂດຍທັງສອງຝ່າຍໄດ້ສະເຫນີວິທີການ,ມາດຕະການ, ຂັ້ນຕອນຕ່າງໆ ໃນການສົ່ງແຮງງານກັບຄືນປະເທດໃຫ້ດໍາເນີນ ໄປຢ່າງຖືກຕ້ອງຕາມລະບຽບກົດຫມາຍ ແລະ ມາດຕະການປ້ອງກັນ, ຄວບຄຸມ ແລະ ແກ້ໄຂການແພ່ລະບາດ ຂອງພະຍາດໂຄວິດ-19.

ນອກນີ້, ທາງແຂວງກໍໄດ້ຊ່ວຍເຫລືອດ້ານເຂົ້າສານ-ອາຫານແຫ້ງ ໃຫ້ແກ່ແຮງງານລາວ-ມຽນມາ ເປັນຊຸດທີ 3 ແລ້ວ ແລະ ຍັງຈະສືບຕໍ່ຊ່ວຍເຫລືອຕໍ່ໄປໃນໄລຍະລັອດດາວ, ປັດຈຸບັນ ສາມາດສົ່ງແຮງງານມຽນມາກັບຄືນ ປະເທດເກືອບ 500 ຄົນ ເປັນຊຸດທີ 4 ແລ້ວ,

About admin

Check Also

ຂ່າວດີມາແລ້ວ..!!ບໍລິສັດ ພັດທະນາສວນວັດທະນະທຳລ້ານຊ້າງ ຕ້ອງການຮັບສະໝັກພະນັກງານຫຼາຍຕຳແໜ່ງ ຟຣີທີ່ພັກ- ຟຣີອາຫານ

ໂອກາດຂອງທ່ານມາແລ້ວ. ປະກາດຮັບສະໝັກເພື່ອນຮ່ວມງານ ດ່ວນບໍລິສັດ ພັດທະນາສວນວັດທະນະທຳລ້ານຊ້າງ ຕ້ອງການຮັບສະໝັກເພື່ອນຮ່ວມງານ ປະຈຳຢູ່ ໂຮງແຮມເປີດໃຫມ່ ຫລາຍຕໍາແໜ່ງ ດັ່ງນີ້: 1 ພະນັກງານ ຫົວໜ້າພະແນກ ອາຫານ ແລະ ເຄື່ອງດື່ມ …

Leave a Reply

Your email address will not be published. Required fields are marked *

Recent Comments

No comments to show.