Breaking News

ສະຫາຍ ທອງລຸນ ສີສຸລິດ ສົ່ງຈົດໝາຍຂອບໃຈຕໍ່ການຊ່ວຍເຫຼືອຈາກ ສປ ຈີນ ເຖິງ ສະຫາຍ ສີ ຈິ້ນ ຜິງ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ສະຫາຍ ທອງລຸນ ສີສຸລິດ ສົ່ງຈົດໝາຍຂອບໃຈຕໍ່ການຊ່ວຍເຫຼືອຈາກ ສປ ຈີນ ເຖິງ ສະຫາຍ ສີ ຈິ້ນ ຜິງ

+ ໃນວັນທີ 11 ສິງຫາ 2021 ທີ່ນະຄອນຫຼວງວຽງ ຈັນ, ສະຫາຍ ທອງລຸນ ສີສຸລິດ ເລຂາທິການໃຫຍ່, ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ ແຫ່ງ ສາທາລະນະລັດ ປະ ຊາທິປະໄຕ ປະຊາຊົນລາວ ສົ່ງຈົດໝາຍຂອບໃຈຕໍ່ການຊ່ວຍເຫຼືອ ຈາກ ສປ ຈີນ ເຖິງ ສະຫາຍ ສີ ຈິ້ນ ຜິງ ເລຂາທິການໃຫຍ່ ຄະນະກຳມະການສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ ທີ່ນະຄອນຫຼວງປັກກິ່ງ

+ ເນື້ອໃນຂອງຈົດໝາຍໄດ້ລະບຸວ່າ: ຕາງໜ້າໃຫ້ປະຊາຊົນລາວບັນດາເຜົ່າ ແລະ ໃນນາມສ່ວນຕົວ, ຂ້າພະເຈົ້າຂໍສະແດງຄວາມຂອບໃຈຢ່າງຈິງໃຈ ມາຍັງ ສະຫາຍ ແລະ ຜ່ານສະຫາຍ ໄປຍັງປະຊາຊົນຈີນອ້າຍນ້ອງ ທີ່ຍາມໃດກໍໄດ້ເອົາໃຈໃສ່ໃຫ້ການສະໜັບສະໜູນ ແລະ ຊ່ວຍເຫຼືອ ແກ່ພວກຂ້າພະ ເຈົ້າຢ່າງຮອບດ້ານ ແລະ ສະເໝີຕົ້ນສະເໝີປາຍຕະຫຼອດມາ, ເຊິ່ງການສະໜັບສະໜູນຊ່ວຍເຫຼືອດັ່ງກ່າວ ໄດ້ປະກອບສ່ວນສຳຄັນເຂົ້າໃນການພັດ ທະນາເສດຖະກິດ-ສັງຄົມແຫ່ງຊາດ ກໍຄື ການຫຼຸດຜ່ອນຄວາມທຸກຍາກ ຂອງປະຊາຊົນລາວ ບັນດາເຜົ່າ ລວມທັງການຊ່ວຍເຫຼືອ ໃນການສະກັດກັ້ນການແພ່ລະບາດຂອງພະຍາດໂຄວິດ-19 ຢູ່ ສປປ ລາວ, ເຊິ່ງນັບແຕ່ມີການລະບາດຮອບໃໝ່ ໃນກາງເດືອນເມສາ 2021 ເຖິງປັດຈຸບັນນີ້, ສະຫາຍ ຈີນກໍໄດ້ສືບຕໍ່ໃຫ້ການຊ່ວຍເຫຼືອເປັນພິເສດຕະຫຼອດມາ ໂດຍໄດ້ສົ່ງທີມແພດຊ່ຽວຊານ ເຂົ້າໄປເຮັດວຽກຮ່ວມກັບທີມແພດລາວ, ອຸປະກອນການແພດ, ຢາປິ່ນປົວ ແລະ ຢາວັກຊິນ ເປັນຈຳນວນຫຼາຍລ້ານໂດສ.

+ ຂ້າພະເຈົ້າ ມີຄວາມຮູ້ສຶກຕື້ນຕັນໃຈ ແລະ ຮູ້ບຸນ ຄຸນເປັນຢ່າງສູງມາຍັງພັກ, ລັດຖະບານ ແລະປະຊາ ຊົນຈີນ ອ້າຍນ້ອງ ຕໍ່ການຊ່ວຍເຫຼືອອັນລ້ຳຄ່າທີ່ຜ່ານມາ, ໄດ້ເຮັດໃຫ້ ສປປ ລາວ ສາມາດສະກັດກັ້ນການແພ່ລະບາດໃນຊຸມຊົນລົງໄດ້.ໃນປັດຈຸບັນ, ເຖິງແມ່ນວ່າການລະບາດໃນຊຸມຊົນ ມີອັດຕາທີ່ຕໍ່າ ແລະ ຄວບຄຸມໄດ້ໂດຍພື້ນຖານ, ແຕ່ການຕິດເຊື້ອຂອງແຮງງານລາວ ທີ່ກັບມາຈາກປະເທດໃກ້ຄຽງຍັງມີອັດຕາສູງໃນທຸກໆມື້, ອັນໄດ້ສືບຕໍ່ສົ່ງຜົນກະ ທົບ ແລະ ເປັນພາລະທີ່ໜັກໜ່ວງ ໃຫ້ແກ່ລັດຖະ ບານ ກໍຄື ອຳນາດການປົກຄອງທ້ອງຖິ່ນຂອງລາວ ໃນການສະກັດກັ້ນ ບໍ່ໃຫ້ມີການລະບາດໃນຊຸມຊົນອີກຄັ້ງໃໝ່.ຂ້າພະເຈົ້າຮັບຮູ້ດີວ່າ ວິທີປ້ອງກັນການ ລະບາດຂອງພະຍາດໂຄວິດ ກໍຄື ການຫຼຸດຜ່ອນການຕິດເຊື້ອ ແລະ ເສຍຊິວິດທີ່ດີທີ່ສຸດ ແມ່ນຈະຕ້ອງສັກຢາວັກຊິນໃຫ້ປະຊາຊົນໃຫ້ທົ່ວເຖິງ.

+ ດັ່ງນັ້ນ, ການຊ່ວຍເຫຼືອຢາວັກຊິນ ຂອງສະຫາຍຈີນ, ເຊິ່ງມາຮອດປັດຈຸບັນ ມີຈໍານວນເຖິງ 3 ລ້ານໂດສ, ເຊິ່ງທັງໝົດແມ່ນການຊ່ວຍເຫຼືອທີ່ລ້ຳຄ່າທີ່ ສຸດ ໃນການປ້ອງກັນຊີວິດ ແລະ ສຸຂະພາບຂອງປະຊາຊົນລາວຂອງພວກຂ້າພະເຈົ້າ ແລະ ພ້ອມທັງຊ່ວຍໃຫ້ ສປປ ລາວ ສາມາດບັນລຸເປົ້າໝາຍສູ້ຊົນ ໃນການສັກຢາວັກຊິນຕ້ານໂຄວິດ-19 ໃຫ້ໄດ້ 50% ຂອງພົນລະເມືອງໃນທ້າຍປີ 2021 ນີ້.

+ ອີກເທື່ອໜຶ່ງ ໃນນາມພັກ,ນ ແລະ ປະ ຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າຂໍສະ ແດງຄວາມຮູ້ບຸນຄຸນເປັນຢ່າງສູງ ມາຍັງພັກ, ລັດ ຖະບານ ແລະປະຊາຊົນຈີນອ້າຍນ້ອງ ຕໍ່ການຊ່ວຍ ເຫຼືອດັ່ງກ່າວ, ພ້ອມທັງເຊື່ອໝັ້ນວ່າ ພາຍໃຕ້ການຮ່ວມມືຊ່ວຍເຫຼືອ ຈາກ ສປ ຈີນ ຈະເຮັດໃຫ້ ສປປ ລາວ ສາມາດຜ່ານຜ່າຊ່ວງວິກິດນີ້ ແລະ ເອົາຊະນະກັບການແພ່ລະບາດຂອງພະຍາດໂຄວິດ-19 ແລະ ສາມາດຟື້ນຟູເສດຖະກິດ ແລະ ຊີວິດການເປັນຢູ່ ຂອງປະຊາຊົນລາວ ໃນຂອບເຂດທົ່ວປະເທດ ໃຫ້ກັບຄືນສູ່ສະພາບປົກກະຕິໂດຍໄວ.

+ ສຸດທ້າຍນີ້, ຂ້າພະເຈົ້າຖືໂອກາດນີ້ ຂໍອວຍພອນໄຊອັນປະເສີດມາຍັງສະຫາຍ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດ ໃນພາລະກິດອັນມີກຽດສູງສົ່ງຂອງສະຫາຍ ສືບຕໍ່ນຳພາປະເທດຈີນ ມີຄວາມຈະເລີນຮຸ່ງເຮືອງຍິ່ງໆຂຶ້ນ,ບັນລຸເປົ້າໝາຍ 100 ປີ ເຫດການທີສອງ ແລະ ອວຍພອນ ໃຫ້ສາຍພົວພັນມິດຕະພາບ ທີ່ເປັນມູນເຊື້ອ ລະຫວ່າງ ລາວ-ຈີນ, ຈີນ-ລາວ ຕາມທິດ 4 ດີ ແລະການເປັນຄູ່ຮ່ວມຊາຕາກຳລາວ-ຈີນ,ຈີນ-ລາວ ຈົ່ງໝັ້ນຄົງຂະໜົງແກ່ນ ໃຫ້ນັບມື້ນັບເລິກເຊິ່ງແລະ ແຕກດອກອອກຜົນ ເພື່ອນຳຜົນປະໂຫຍດຕົວຈິງມາສູ່ປະຊາຊົນສອງຊາດ

+ ຮູ້ຂ່າວສານບ້ານເມືອງແລະປະກົດການຫຍໍ້ທໍ້ໃນສັງຄົມ ກ່ອນຄົນອື່ນ, ພຽງແຕ່ກົດຖືກໃຈແລະກົດຕິດຕາມ “ເພຈ ຂ່າວສານລາວ” ແລະ ຊ່ວຍກົດໄລ໌ ກົດແຊຣ໌ຂ່າວ ເພື່ອໃຫ້ສັງຄົມຮັບຮູ້ຂ່າວສານທີ່ເກີດຂຶ້ນ.https://www.facebook.com/Khaosanla

About admin

Check Also

ຂ່າວດີ 👉 ສຳລັບແຮງງານລາວ

📢 ຂ່າວດີ 👉 ສຳລັບແຮງງານລາວ ທີ່ກຳລັງກຽມພ້ອມໃນການຈະໄປເຮັດວຽກຢູ່ຕ່າງປະເທດ, ປັດຈຸ ບັນ ສ. ເກົາຫຼີ ພວມຕ້ອງການແຮງງານ 1.000 ກວ່າຄົນ ເພື່ອໄປເຮັດວຽກ, ໂດຍໂຄຕ້າດັ່ງກ່າວແມ່ນຈະມີການຈັດສົ່ງໃນເດືອນມິຖຸນາ ທີ່ຈະມາເຖິງນີ້ …

Leave a Reply

Your email address will not be published.

Recent Comments

No comments to show.