Breaking News

ຊົມເຊີຍ! ກຸ່ມບໍລິສັດ ໂຄລາວ ທີ່ໄດ້ມອບລົດ 10 ຄັນ ພ້ອມເງິນ 100 ລ້ານກີບ

ຊົມເຊີຍ ກຸ່ມບໍລິສັດໂຄລາວ ມອບລົດ 10 ຄັນ ພ້ອມເງິນ 100 ລ້ານກີບ ໃຫ້ ນວ ຮັບໃຊ້ເຂົ້າໃນວຽກຕ້ານໂຄວິດ.

ປະຈຸບັນການລະບາດຂອງເຊື້ອພະຍາດໂຄວິດ-19 ໃນປະເທດລາວເຮົາແມ່ນນັບມື້ເພີ່ມຂຶ້ນ ໂດຍສະເພາະແມ່ນ ຢູ່ນະຄອນຫຼວງວຽງຈັນ ທີ່ມີຕົວເລກຜູ້ຕິດເຊື້ອຫຼາຍກວ່າໝູ່; ສ່ວນບັນດາອຸປະກອນຮັບໃຊ້ເຂົ້າໃນວຽກງານຕ້ານ ແລະ ສະກັດກັ້ນພະຍາດດັ່ງກ່າວຍັງບໍ່ພຽງພໍກັບສະພາບຕົວຈິງ.ກຸ່ມບໍລິສັດໂຄລາວ ຈຶ່ງເຫັນໄດ້ເຖິງຄວາມສຳຄັນດັ່ງກ່າວ ປະກອບສ່ວນລົດຕູ້ ຮັບໃຊ້ຊົ່ວຄາວ ຈຳນວນ 10 ຄັນ ພ້ອມເງິນ 100 ລ້ານກີບ ໃຫ້ສຳນັກງານ ອົງການປົກຄອງ ນະຄອນຫຼວງວຽງຈັນ ນຳໃຊ້ເຂົ້າໃນວຽກງານຕ້ານ ແລະ ສະກັດກັ້ນພະຍາດໂຄວິດ-19.

ໃນຕອນແລງວັນທີ 27 ເມສາ 2021 ກຸ່ມບໍລິສັດໂຄລາວ ນຳໂດຍ ທ່ານ ປອ. ຄຳຂັນ ນະພາວົງ ຮອງປະທານໃຫຍ່ກຸ່ມບໍລິສັດໂຄລາວ, ທ່ານ ນາງ ຖາວອນ ວົງສົມບັດ ປະທານຜູ້ບໍລິຫານກຸ່ມບໍລິສັດໂຄລາວ, ທ່ານ ໜູໄຊ ແຫວນສະຫວັນ ປະທານ ບໍລິສັດ Auto world kolao developing ຈຳກັດຜູ້ດຽວ.ໃຫ້ກຽດຕາງໜ້າຮັບໂດຍ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ພ້ອມມີ ທ່ານ ນາງ ບົວວອນ ສຸກລາແສງ ຫົວໜ້າຫ້ອງວ່າການອົງການປົກຄອງ ນະຄອນຫຼວງວຽງຈັນ ແລະ ພະນັກງານທັງ 2 ຝ່າຍເຂົ້າຮ່ວມ. ທີ່ສຳນັກງານ ອົງການປົກຄອງ ນະຄອນຫຼວງວຽງຈັນ.

ທ່ານ ທ່ານ ໜູໄຊ ແຫວງສະຫວັນ ປະທານ ບໍລິສັດ Auto world kolao developing ໄດ້ກ່າວວ່າ: ການລະບາດຂອງພະຍາດໂຄວິດ-19 ຢູ່ໃນລາວເຮົາປະຈຸບັນແມ່ນໜັກໜ່ວງ; ດັ່ງນັ້ນ ວຽກງານການຄວບຄຸມ, ຕ້ານ ແລະ ສະກັດກັ້ນ ພະຍາດໂຄວິດ-19 ແມ່ນມີຄວາມສຳຄັນຫຼາຍ. ສະນັ້ນ ບໍລິສັດພວກເຮົາເປັນໜຶ່ງ ໃນເຄືອຂອງກຸ່ມບໍລິລັດໂຄລາວ ຈຶ່ງເຫັນໄດ້ເຖິງຄວາມສຳຄັນ ແລະ ຈຳເປັນ ຂອງວຽກງານດັ່ງກ່າວ ມື້ນີ້ຈຶ່ງໄດ້ນຳເອົາລົດຕູ້ ຈຳນວນ 10 ຄັນ ເພື່ອຮັບໃຊ້ຊົ່ວຄາວ ລຳລຽງຄົນເຈັບ, ພ້ອມກັບ.

ເງິນເຕີມນໍ້າມັນ 100 ລ້ານກີບ ມາປະກອບສ່ວນໃຫ້ແກ່ ອົງການປົກຄອງນະຄອນຫຼວງວຽງຈັນ ຫວັງວ່າການປະກອບສ່ວນຈາກກຸ່ມບໍລິສັດພວກເຮົາຈະສ້າງຜົນປະໂຫຍດໃຫ້ສ່ວນລວມບໍ່ຫຼາຍກໍ່ໜ້ອຍ ເວົ້າລວມເວົ້າສະເພາະແມ່ນປະເທດຊາດກໍ່ຄື ຢູ່ໃນນະຄອນຫຼວງວຽງຈັນ.ທ່ານ ນາງ ບົວວອນ ສຸກລາແສງ ຫົວໜ້າຫ້ອງວ່າການ ອົງການປົກຄອງນະຄອນຫຼວງວຽງຈັນ ກ່າວວ່າ: ປະຈຸບັນ ວຽກງານການຕ້ານໂຄວິດ-19 ແມ່ນສຳຄັນທີ່ສຸດ ທີ່ພວກເຮົາສຸມໃສ່ໃນການຈັດຕັ້ງປະຕິບັດ ດັ່ງນັ້ນການປະກອບສ່ວນ ລົດ 10ຄັນ ແລະ ເງິນຈຳນວນ 100 ລ້ານກີບ ເພື່ອຮັບໃຊ້ຊົ່ວຄາວເຂົ້າໃນວຽກງານດັ່ງກ່າວ ຂອງກຸ່ມບໍລິສັດໂຄລາວນີ້ ແມ່ນເຫັນວ່າມີຄວາມສຳຄັນ ແລະ ຈຳເປັນທີ່ສຸດ ເພາະຜູ້ຕິດເຊື້ອນັບມື້ເພີ່ມຂຶ້ນ ດັ່ງນັ້ນລົດທີ່ນຳມາໃຫ້ຮັບໃຊ້ຄັ້ງນີ້ກໍ່ຈະນຳເອົາໄປເຄື່ອນໄຫວຂົນສົ່ງວັດຖຸອຸປະກອນ, ບຸກຄະລາກອນ ແລະ ໄປຮັບຜູ້ຕິດເຊື້ອຢູ່ເຮືອນໃຫ້ທັນເວລາ. ຕາງໜ້າຫ້ອງວ່າການສຳນັກງານ ອົງການປົກຄອງ ນະຄອນຫຼວງວຽງຈັນ ຂ້າພະເຈົ້າຢືນຢັນວ່າຈະນຳໃຊ້ພາຫະນະ ແລະ ເງິນທີ່ກຸ່ມບໍລິສັດໂຄລາວນຳມາປະກອບສ່ວນໃນຄັ້ງນີ້ໃຫ້ເກີດຜົນປະໂຫຍດສູງສຸດ.

About admin

Check Also

ແຕກອີກແລ້ວ

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 06/12/2021 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ເຮັງແທ້ ເລກທີ່ອອກ

Leave a Reply

Your email address will not be published. Required fields are marked *

Recent Comments

No comments to show.