ຂ່າວທົ່ວໄປ

ແຂວງຈຳປາສັກ ມີຜູ້ຕິດໂຄວິ ດ ສະສົມທັງຫມົດ 95 ຄົນ, ປົວດີແລ້ວ 2 ຄົນ

ປັດຈຸບັນຈຳປາສັກມີຜູ້ຕິດເຊື້ອພະຍາດໂຄວິດ-19 ສະສົມທັງຫມົດ 95 ຄົນ,ປົວດີ 2 ຄົນ, ໃນນັ້ນ ສະເພາະທີ 29 ເມສາ ມີຜູ້ຕິດເຊື້ອໃຫມ່ 11 ຄົນ. ຂະນະດຽວກັນແຂວງກໍ່ຮຽກຮ້ອງໃຫ້ປະຊາຊົນ ຕ້ອງມີສະຕິລະວັງຕົວສູງສຸດ.ຕອນບ່າຍຂອງວັນທີ 29 ເມສາ 2021 ຄະນະກຳມະການສະເພາະກິດປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ19 ຂັ້ນແຂວງ

ໄດ້ຈັດພິທີຖະແຫລງຂ່າວກ່ຽວກັບຕົວເລກຜູ້ຕິິດເຊື້ອພະຍາດໂຄວິດ-19 ມາຮອດປັດຈຸບັນມີທັງຫມົດ 95 ຄົນ,ໃນນັ້ນເຊື້ອທີ່ຕິດຈາກແຮງງານມາແຕ່ຕ່າງປະເທດມີ 13 ຄົນ,​ຕິດເຊື້ອພາຍໃນ 82 ຄົນ,ໂດຍປິ່ນປົວຫາຍດີແລ້ວ 2ຄົນ( ຕິດເຊື້ອໃຫມ່ສະເພາະວັນທີ 29 ເມສາ ມີ 11 ຄົນ)​ ,

ເຊິ່ງສູນກາງຂອງການແຜ່ລະບາດແມ່ນຢູ່ ນະຄອນປາກເຊມີຜູ້ຕິດເຊື້ອສະສົມ: 74 ຄົນ( ບ້ານທີ່ຕິດເຊື້ອຫລາຍແມ່ນບ້ານ ໂພນສະຫວັນ: 12 ຄົນ,ບ້ານຄັນເກີງ 7 ຄົນ ແລະ ແຜ່ກະຈາຍໄປ 29 ບ້ານ ໃນນະຄອນປາກເຊ)ຮອງລົງມາເມືອງບາຈຽງ 5 ຄົນ, ໂພນທອງ 3 ຄົນ.ສະພາບລວມການລະບາດຖືວ່າເປັນວົງກວ້າງ ແລະ ຍັງມີທ່າອ່ຽງທີ່ຈະເພີ່ມຂຶ້ນສູງ ດັ່ງນັ້ນ ທາງຄະນະສະເພາະກິດຕ້ານ ແລະ ສະກັດກັ້ນການລະບາດຂອງພະຍາດໂຄວິດແຂວງຈຳປາສັກ ຈຶ່ງໄດ້ຮຽກຮ້ອງມາເຖິງປະຊາຊົນບັນດາເຜົ່າພາຍໃນແຂວງຈຳປາສັກ ຈົ່ງມີສະຕິລະວັງຕົວສູງທີ່ສຸດ ບໍ່ໃຫ້ຖືເບົາເດັດຂາດ ໂດຍ ຕ້ອງກັກຕົວເອງຢູ່ກັບເຮືອນ ແຕ່ໃນກໍລະນີມີຄວາມຈຳເປັນຕ້ອງອອກມາເຮັດທຸລະທີ່ຈຳເປັນ ກໍ່ຄວນໃຫ້ຜູ້ຫນຶ່ງອອກມາ ແລະ ກຸ່ມຄົນໃດທີ່ມີຄວາມສ່ຽງໄປສຳພັດກັບຜູ້ຕິດເຊື້ອ ຫລື ສົງໃສ ຄວນໄປກວດຫາເຊື້ອພະຍາດໂຄວິດ-19 ແລະ ກັກຕົວເອງໃຫ້ຫ່າງຈາກຄົນໃນຄອບຄົວ ເປັນເວລາ 14 ວັນ.

ໃຫ້ກຽດຖະແຫລງຂ່າວໃນຄັ້ງນີ້ໂດຍ ທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ,​ຜູ້ປະຈຳການ-ຫົວຫນ້າຄະນະສະເພາະກິດເພື່ອປ້ອງກັນ,​ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນແຂວງ,​ທ່ານ ດຣ ວຽງສີ ສຸພັກດີ ຫົວຫນ້າພະແນກສາທາລະນະສຸກແຂວງຈຳປາສັກ.

Related Articles

Leave a Reply

Your email address will not be published. Required fields are marked *

Back to top button