Breaking News

ຄົນມັກຫວຍຄວນອ່ານ ຫວຍຈະຊ່ວຍໃຫ້ລວຍແທ້ບໍ່?

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ການໂຄສະນາຂາຍຫວຍທັງລາວ, ໄທ ແລະ ຫວຽດ ນັບມື້ນັບເຂັ້ມຂຸ້ນ ເຮັດໃຫ້ປະຊາຊົນ ຄົນລາວ ຫຼົງໃຫຼໄປນຳຍ້ອນຄວາມຢາກລວຍ ແຕ່ອາດຊິຊວຍກໍເປັນໄດ້.

ການໂຄສະນາ ການຊື້ເລກ ຊື້ຫວຍນັບມື້ນັບເປັນວົງກວ້າງ ແລະເກີນຄວາມພໍດີ ໂດຍໄດ້ຊັກຊວນການຊື້ເລກຫຼາຍຊ່ອງທາງ ບໍ່ວ່າການໂຄສະນາທີ່ອ້າງເງິນລາງວັນເປັນຈຳນວນຫຼາຍຮ້ອຍລ້ານ ເຮັດໃຫ້ຫຼາຍຄົນຫຼົງໃຫຼໃນຄວາມຢາກລວຍທາງລັດນີ້ຈົນມືນຫູມືນຕາບໍ່ຂຶ້ນ, ການໂຄສະນາຂາຍໄດ້ເປີດເຊັນ ແລະອື່ນໆ..

ເມື່ອເຫັນມີຄົນຢູ່ປະເທດເຮົາ ຫຼື ປະເທດເພື່ອນບ້ານທີ່ຖືກເລກ ເປັນຈຳນວນຫຼາຍຮ້ອຍລ້ານນັ້ນ ບວກກັບການໂຄສະນາ ແລະ ການຂາຍເລກທຸກແຈທຸກແຈມຸມນັ້ນ ຍິ່ງສ້າງຄວາມລະເມີເພີ້ຝັນຢາກລວຍໂດຍການຕິດການຊື້ເລກຈົນມືນຫູມືນຕາບໍ່ຂຶ້ນ, ບາງຄົນຊື້ເລກງວດໃດກໍໝົດໄປຫຼາຍລ້ານກີບ, ເຮົາລອງຄິດເບິ່ງເລກທີ່ຂາຍມີໃນຈຳນວນເລກຫົກໂຕມີຈຳນວນ 1.000.000 ເລກໃຫ້ຊື້= 1.000.000%, ເລກ5 ໂຕ 4-3-2 ກໍຫລຸດລົງຕາມນັ້ນແຕ່ໂຕທີ່ຈະມີພຽງໂຕດຽວ, ໝາຍຄວາມວ່າຖ້າເຮົາຊື້ເລກ 6ໂຕແບບດຽວເທົ່າກັບເປີເຊັນຈະຖືກມີ 0,000001% ຄື 1 ໃນລ້ານ, ສົມມຸດຖ້າເຮົາຊື້ ແຕ່ລະໂຕໃຫ້ຄົບ 1 ລ້ານເຮົາຈະໃຊ້ເງິນ 1 ຕື້ ຫຼື 1 ພັນລ້ານ ເປັນເດີມພັນ ແຕ່ລາງວັນແມ່ນ 400.000 ກີບ ສ່ວນຈຳນວນເລກ ແລະລາງວັນກໍຫລຸດໆລົງຕາມລຳດັບຈົນຮອດເລກ 2 ໂຕ/ລາງວັນ60.000ກີບ/ຊື້ 1.000 ກີບ.

ຍິ່ງບ້ານເມືອງຕົກໃນສະພາບວິກິດເສດຖະກິດ ຖົດຖອຍ, ບໍ່ມີວຽກເຮັດງານທຳທີ່ດີ ປະຊາຊົນຈຳນວນໜຶ່ງທໍ້ຖອຍ ເລີຍເຝົ້າຄອຍ ໂຊກວາດສະໜານັ້ນ ກໍຍິ່ງສ່ຽງໂຊກໃສ່ກັບການຊື້ເລກ ເຊິ່ງເປັນອັນຕະລາຍທີ່ຈະເຮັດໃຫ້ຄອບຄົວຂາດເຂີນໄປຕື່ມ.

ບາງຄົນກໍວ່າ ໂຕນີ້ດີ ໂຕນັ້ນຄັກ ເລີຍເປັນການຕົວະຍົວະກັນຊື້ບໍ່ມີມື້ເຊົາຈົນເຮັດໃຫ້ການຊື້ເລກກາຍເປັນປາກົດການຫຍໍ້ທໍ້ໜຶ່ງ, ບາງບ້ານພາກັນຊື້ເລກຂາຍເລກເກືອບໝົດບ້ານ, ບາງຄົນຊື້ພໍດີພໍດ້າມ ກໍຍັງໄຄ ແຕ່ຫຼາຍຄົນທີ່ຕິດຈົນງໍຫົວບໍ່ຂຶ້ນນັ້ນຈະເຮັດໃຫ້ຄອບຄົວມີແຕ່ຄວາມວຸ່ນວາຍເປັນໜີ້ເປັນສິນກໍມີ.

ການໂຄສະນາຂາຍເລກເກີນຂອບເຂດຄວນໄດ້ຮັບການຄວບຄຸມ ແລະ ຄຸ້ມຄອງຄັກແນ່ເພື່ອຄວາມພໍດີ, ນອກຈາກການໂຄສະນາທີ່ເຂັ້ມຂຸ້ນທາງສື່ສັງຄົມແລ້ວ ຜ່ານມາທີ່ບໍ່ມີການລະບາດພະຍາດໂຄວິດ 19 ນັ້ນ ການຂາຍເລກຢູ່ຕາມແຄມທາງປາກົດວ່າຖີ່ ແລະ ຫຼາຍຂຶ້ນ. ການຊື້-ຂາຍເລກບໍ່ແມ່ນສິ່ງທີ່ຕ້ອງຫ້າມ ແຕ່ກໍຄວບຄຸມໃນຂອບເຂດທີ່ເໝາະສົມ

ຄວາມຈິງແລ້ວການຂາຍເລກແມ່ນມີມາຕັ້ງແຕ່ດົນນານ ແລະ ຢູ່ຫຼາຍປະເທດ ແຕ່ມາຮອດປັດຈຸບັນ, ບາງປະເທດກໍຖືວ່າການຊື້-ຂາຍເລກ ອອນລາຍແມ່ນຜິດກົດໝາຍເຊັ່ນ: ໂປແລນ, ກູບາ ແລະ ອື່ນໆ ສິ່ງສຳຄັນ ເພື່ອຮັບປະກັນການຄຸ້ມຄອງທີ່ດີບາງປະເທດຕ້ອງໄດ້ໃຫ້ຜູ້ຂາຍເລກຕ້ອງມີໃບອະນຸຍາດຄັກແນ່ ເພື່ອສາມາດ ຄຸ້ມຄອງກັນງ່າຍຂຶ້ນ.

ແນ່ນອນການ ຊື້-ຂາຍ ເລກແມ່ນການພະນັນປະເພດໜຶ່ງທີ່ຄຸ້ມຄອງໂດຍລັດເຊິ່ງຕ້ອງເພີ່ມມາດຕະການຄວບຄຸມການໂຄສະນາຊວນເຊື່ອ, ມາຮອດທຸກມື້ນີ້ຍິ່ງໄວ ເພາະການຊວນເຊື່ອກັນຜ່ານສື່ສັງຄົມອອນລາຍເຖິງໂຕເດັດໆແຕ່ລະງວດ.

ເພາະສະນັ້ນແລ້ວເຖິງເວລາທີ່ເຮົາຈະມາຄິດຄືນນຳກັນ ໃນບັນຫາທີ່ຫວັງຢາກລວຍທາງລັດຈົນເຮັດໃຫ້ຊີວິດຂາດຄວາມສົມດູນດ້ານການໃຊ້ຈ່າຍ ແລະມາດຕະການຄວບຄຸມການຊື້-ຂາຍເລກ ເປັນສິ່ງທີ່ຄວນໄດ້ຮັບການຄຸ້ມຄອງທີ່ດີກວ່າເກົ່າ. ຜ່ານມາລັດຖະບານເຮົາ ກໍໄດ້ຫຼຸດຈຳນວນງວດທີ່ອອກເລກລົງແຕ່ຕ້ອງເພີ່ມມາດຕະການໃນການຄວບຄຸມການໂຄສະນາເພື່ອການຂາຍເລກທີ່ເກີນຄວາມເປັນຈິງ ເຮັດໃຫ້ ເປັນການຊວນເຊື່ອເບື່ອເມົາປະຊາຊົນຈຳນວນຫຼາຍໃນການຢາກໄດ້ຢາກລວຍຜ່ານການຖືກເລກຖືກຫວຍແຕ່ອາດຊິຊວຍຍ້ອນເປັນໜີ້ເປັນສິນພາຍຫຼັງນັ້ນລະ.

ທີ່ມາ.

About admin

Check Also

ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນ

#ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນທີ່ກຳລັງແຫ່ກັນໄປຊ່ວຍຄູອາສາ500.000ກີບທີ່ລາອອກໄປແລ້ວຫັ້ນ ແອດມິນຄິດວ່າຄູຜູ້ນັ້ນກະໄດ້ຮັບຄວາມຊ່ວຍເຫຼືອໄປຫຼາຍລະເດ້ ເຮົາຄິດໃໝ່ກັນດີບໍ່?.. ວ່າດີກວ່າບໍ່ຖ້າເຮົາຊິໃຫ້ຄວາມສຳຄັນກັບຄູອາສາຜູ້ທີ່ຍັງເຮັດວຽກຢູ່ໃຫ້ຫຼາຍກວ່າຄຸອາສາທີ່ລາອອກໄປແລ້ວ.. ຜູ້ທີ່ລາອອກໄປແລ້ວເຂົາໄດ້ໄປເຮັດວຽກຫາເງີນຕາມອາຊີບເຂົາໄດ້ລະເດ້.. ແຕ່ຄູອາສາທີ່ຍັງເຮັດວຽກເປັນຄູຢູ່ເພີ່ນຍັງບໍ່ໄດ້ຮັບເງີນເດືອນຫຼືຄວາມຊ່ງຍເຫຼືອຫຍັງເລີຍເດີ້..ແຫ່ມາຊ່ວຍຄູທີ່ຍັງອົດທົນສອນລູກຫລານເຮົາດີກ່ອນບໍ່?ຢ່າງເຊັ່ນຄູອາສາຜູ້ນີ້ທີ່ສອນມາໄດ້8ປີແລ້ວ!ຕ້ອງເດີນທາງໄປສອນໃນເຂດຫ່າງໄກ,ມີຄວາມຫຍຸ້ງຍາກໃນການທຽວໄປສອນ,ໂຮງຮຽນຍັງບໍ່ມີສິ່ງເອື້ອອຳນວຍ…, ຕ້ອງໄດ້ເຮັດຫຼາຍຢ່າງດ້ວຍຕົວເອງ,ບໍ່ມີໄຟຟ້າ,ການແຕ່ງບົດສອນຕ້ອງອາໄສຕະກຽງມົງຊົງ ແລະສຸດທ້າຍກະຄືຫຼັງຈາກເສັງລັດຖະກອນປີນີ້ ຜົນອອກມາປະກົດວ່າບໍ່ຊົງຊິໄດ້.. ພາກສ່ວນກ່ຽວຂ້ອງຫຼືຜູ້ມີໃຈກຸສົນໄປຊ່ວຍເຫຼືອຄູຜູ້ນີ້ແດ່ ……..

Leave a Reply

Your email address will not be published.

Recent Comments

No comments to show.