Breaking News

ສ.ອາເມຣິກາ ພ້ອມແຊງແຊກຫາກຈີນບຸກໄຕ້ຫວັນ, ຈີນວິຈານວ່າ ອ້າງປະຊາທິປະໄຕສ້າງລັດທິເຈົ້າອຳນາດ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ລາຍງານ 4 ທັນວາ 2021, ທ່ານ ແອນໂທນີ ບລິງເຄນ ລັດຖະມົນຕີກະຊວງການຕ່າງປະເທດ ສ.ອາເມຣິກາ ກ່າວເມື່ອວັນສຸກ (3​ ທັນວາ 2021) ທີ່ຜ່ານມາ ກ່ຽວກັບສະຖານະການລະຫວ່າງຈີນ ກັບ ໄຕ້ຫວັນ ວ່າລັດຖະບານຈີນຍັງໄດ້ເດີນໜ້າດ້ວຍຄວາມພະຍາຍາມຝ່າຍດຽວ ເພື່ອປ່ຽນສະຖານະຂອງໄຕ້ຫວັນ ດ້ວຍເຫດນີ້ ສ.ອາເມຣິກາ ຈຶ່ງຕ້ອງຍຶດໝັ້ນດ້ວຍພັນທະອັນສູງສຸດ ເພື່ອສ້າງຄວາມເຊື່ອໝັ້ນໃຫ້ກັບທຸກຝ່າຍທີ່ກ່ຽວຂ້ອງ ວ່າລັດຖະບານປົກຄອງຕົນເອງໄຕ້ຫວັນ ຈະສາມາດປ້ອງກັນຕົນເອງໄດ້ ແຕ່ປະຕິເສດກ່າວໂດຍກົງວ່າ ໝາຍເຖິງການໃຫ້ການສະໜັບສະໜູນທາງທຫະຫານຫຼືບໍ່?.

ເຖິງຢ່າງໃດກໍ່ຕາມ, ລັດຖະບານ ສ.ອາເມຣິກາ ຫວັງເປັນຢ່າງຍິ່ງວ່າ ຄະນະຜູ້ນຳຂອງຈີນ ຈະໄຕ່ຕອງດ້ວຍຄວາມລະມັດລະວັງ ແລະ ບໍ່ລ່ວງເລິກລົງໄປໃນວິກິດນີ້ ທີ່ຈະສ້າງຜົນກະທົບໃນວົງກວ້າງ ແລະ ເປັນສິ່ງທີ່ບໍ່ສ້າງຜົນປະໂຫຍດໃຫ້ຝ່າຍໃດ ໂດຍສະເພາະລັດຖະບານຈີນເອງ.

ສ.ອາເມຣິກາໄດ້ເຊີນຜູ້ແທນຂອງລັດຖະບານປົກຄອງຕົນເອງໄຕ້ຫວັນ

ເຊິ່ງທ່ານ ແອນໂທນີ ບລິງເຄນ ຢືນຢັນວ່າ ນະໂຍບາຍຕ່າງປະເທດຂອງ ສ.ອາເມຣິກາ ພາຍໃຕ້ການນຳຂອງທ່ານປະທານປະເທດ ໂຈ ໄບເດັນ ໃຫ້ຄວາມສຳຄັນເປັນອັນດັບໜຶ່ງ ຕໍ່ກັບທຸກດ້ານທີ່ກ່ຽວຂ້ອງກັບຈີນ ເຊິ່ງແນ່ນອນວ່າ ໜຶ່ງໃນນັ້ນກ່ຽວຂ້ອງກັບໄຕ້ຫວັນ ໂດຍລັດຖະບານ ສ.ອາເມຣິກາໄດ້ເຊີນຜູ້ແທນຂອງລັດຖະບານປົກຄອງຕົນເອງໄຕ້ຫວັນ ໃຫ້ເປັນໜຶ່ງໃນແຂກ 110 ຄົນ ຮ່ວມກອງປະຊຸມອອນລາຍ “ກ່ຽວກັບປະຊາທິປະໄຕ” (Simmit for Democracy) ລະຫວ່າງວັນທີ 9-10 ທັນວາ 2021 ທີ່ຈະມາເຖິງນີ້ ໂດຍມີຈຸດປະສົງ ເພື່ອສົ່ງເສີມຄຸນຄ່າທາງປະຊາທິປະໄຕ ແລະ ຍົກລະດັບສິດທິມະນຸດທົ່ວໂລກ.

ເຖິງຢ່າງໃດກໍ່ຕາມ, ບໍ່ມີຊື່ຂອງ ສປ.ຈີນ ແລະ ລັດເຊຍ, ນອກຈາກນີ້ ເປັນທີ່ໜ້າສັງເກດເຊັ່ນກັນວ່າ ໃນກຸ່ມປະເທດຕາເວັນອອກກາງມີພຽງອິຣັກ ແລະ ອິດສະຣາແອນທີ່ໄດ້ຮັບເຊີນ ແຕ່ບໍ່ມີເອຢິບ ແລະ ຕວັກກີ, ໃນສ່ວນຂອງອາຊີຕາເວັນອອກສຽງໃຕ້ ບໍ່ມີໄທ, ສິງກະໂປ, ຫວຽດນາມ, ສປປ.ລາວ, ກຳປູເຈຍ ແລະ ມຽນມາ ໝາຍຄວາມວ່າ ມີພຽງມາເລເຊຍ, ອິນໂດເນເຊຍ ແລະ ຟິລິບປິນ ທີ່ຈະເຂົ້າຮ່ວມ ເຊິ່ງມີການວິເຄາະເຊັ່ນກັນວ່າ ທັງສາມປະເທດລ້ວນມີຂໍ້ຂັດແຍ່ງທີ່ແກ່ຍາວກັບລັດຖະບານຈີນ ກ່ຽວກັບການກຳນົດອານາເຂດທາງທະເລທີ່ທັບຊ້ອນ.

ໃນດ້ານຂອງທ່ານ ຈ້າວ ລີ່ຈ່ຽນ ໂຄສົກກະຊວງການຕ່າງປະເທດຈີນ ກ່າວຕອບນັກຂ່າວທີ່ຖາມກ່ຽວກັບບັນຫາປະຊາທິປະໄຕ ໃນ ສ.ອາເມຣິກາ ເມື່ອວັນທີ 3 ທັນວາ 2021 ທີ່ຜ່ານມາວ່າ: ປະຊາທິປະໄຕ ຂອງ ສ.ອາເມຣິກາ ໄດ້ຜະເຊີນກັບໄພຂົ່ມຂູ່ອັນໜັກໜ່ວງຈາກພາຍໃນປະເທດຕົນ, ເຊິ່ງເປັນການສະທ້ອນໃຫ້ເຫັນອີກຄັ້ງໜຶ່ງວ່າ ປະຊາທິປະໄຕຂອງ ສ.ອາເມຣິກາ ທີ່ປະຊາຊົນບໍ່ສັດທານັ້ນກໍ່ເໜືອນດັ່ງນ້ຳທີ່ບໍ່ມີແຫຼ່ງກຳເກີດ, ຕົ້ນໄມ້ທີ່ບໍ່ມີຮາກແລ້ວ.

ປະຊາທິປະໄຕແບບ ສ.ອາເມຣິກາ ແມ່ນລະຄອນທີ່ຫຼອກຫຼວງປະຊາຊົນພາຍໃນປະເທດຕົນ ເປັນເຄື່ອງມືໃນການເຜີຍແຜ່ນະໂຍບາຍລັດທິເຈົ້າອຳນາດສູ່ຕ່າງປະເທດ, ເຫດການຄວາມຮຸນແຮງຢູ່ລັດຖະສະພາ ສ.ອາເມຣິກາ ໄດ້ເຮັດໃຫ້ຕຳນານປະຊາທິປະໄຕແບບ ສ.ອາເມຣິກາ ພັງທະລາຍ, ການຜະເຊີນກັບຄວາມຫຼົ້ມເຫຼວຢູ່ອາຟະການິດສະຖານ ໄດ້ສະທ້ອນໃຫ້ເຫັນອີກຄັ້ງໜຶ່ງວ່າ ການບັງຄັບໃຫ້ປະເທດອື່ນຍອມຮັບປະຊາທິປະໄຕແບບ ສ.ອາເມຣິກາ ແມ່ນບໍ່ໄດ້ຜົນຫຍັງເລີຍ.

© www.idsala.com | ອິດສະຫຼະ.ຄອມ

About admin

Check Also

ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນ

#ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນທີ່ກຳລັງແຫ່ກັນໄປຊ່ວຍຄູອາສາ500.000ກີບທີ່ລາອອກໄປແລ້ວຫັ້ນ ແອດມິນຄິດວ່າຄູຜູ້ນັ້ນກະໄດ້ຮັບຄວາມຊ່ວຍເຫຼືອໄປຫຼາຍລະເດ້ ເຮົາຄິດໃໝ່ກັນດີບໍ່?.. ວ່າດີກວ່າບໍ່ຖ້າເຮົາຊິໃຫ້ຄວາມສຳຄັນກັບຄູອາສາຜູ້ທີ່ຍັງເຮັດວຽກຢູ່ໃຫ້ຫຼາຍກວ່າຄຸອາສາທີ່ລາອອກໄປແລ້ວ.. ຜູ້ທີ່ລາອອກໄປແລ້ວເຂົາໄດ້ໄປເຮັດວຽກຫາເງີນຕາມອາຊີບເຂົາໄດ້ລະເດ້.. ແຕ່ຄູອາສາທີ່ຍັງເຮັດວຽກເປັນຄູຢູ່ເພີ່ນຍັງບໍ່ໄດ້ຮັບເງີນເດືອນຫຼືຄວາມຊ່ງຍເຫຼືອຫຍັງເລີຍເດີ້..ແຫ່ມາຊ່ວຍຄູທີ່ຍັງອົດທົນສອນລູກຫລານເຮົາດີກ່ອນບໍ່?ຢ່າງເຊັ່ນຄູອາສາຜູ້ນີ້ທີ່ສອນມາໄດ້8ປີແລ້ວ!ຕ້ອງເດີນທາງໄປສອນໃນເຂດຫ່າງໄກ,ມີຄວາມຫຍຸ້ງຍາກໃນການທຽວໄປສອນ,ໂຮງຮຽນຍັງບໍ່ມີສິ່ງເອື້ອອຳນວຍ…, ຕ້ອງໄດ້ເຮັດຫຼາຍຢ່າງດ້ວຍຕົວເອງ,ບໍ່ມີໄຟຟ້າ,ການແຕ່ງບົດສອນຕ້ອງອາໄສຕະກຽງມົງຊົງ ແລະສຸດທ້າຍກະຄືຫຼັງຈາກເສັງລັດຖະກອນປີນີ້ ຜົນອອກມາປະກົດວ່າບໍ່ຊົງຊິໄດ້.. ພາກສ່ວນກ່ຽວຂ້ອງຫຼືຜູ້ມີໃຈກຸສົນໄປຊ່ວຍເຫຼືອຄູຜູ້ນີ້ແດ່ ……..

Leave a Reply

Your email address will not be published.

Recent Comments

No comments to show.