Breaking News

ເປີດໃຈ ”ບິນລີ້” ນັກກິລາບານເຕະເຊື້ອຊາດລາວທີ່ຫລິ້ນຢູ່ປະເທດຝຣັ່ງ ຮ່ວມເສີມທັບທີມຊາດລາວ ພົບ ທີມຊາດຫວຽດນາມ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ຜ່ານໄປແລ້ວ ສໍາລັບການແຂ່ງຂັນບານເຕະ ຊິງແຊັມ ອາຊີຊູຊຸກິຄັບ 2020 ຫລື AFF SUZUKI CUP 2020 ທີ່ເລື່ອນການແຂ່ງຂັນມາຈັດໃນທ້າຍປີ 2021 ຊຶ່ງຮອບຄັດເລືອກແບ່ງກຸ່ມ B ທີມຊາດລາວໄດ້ດຶງຕົວນັກກິລາເຊື້ອຊາດລາວທີ່ມີປະສົບການແຂ່ງຂັນຢູ່ຕ່າງປະເທດ ມາເສີມທັບ ສ້າງຂວັນກຳລັງໃຈໃຫ້ທີມ ເຊັ່ນ: ບິນລີ້ ເກດແກ້ວພົມພອນ ທີ່ຫລິ້ນຢູ່ປະເທດຝຣັ່ງ, ຊິດຊະນົກ ໄຊຍະເສນສຸລິນທອນ ຫລິ້ນຢູ່ໃນໄທລີກ ຕັ້ງແຕ່ປີ 2013.

ໃນນັດທຳອິດ ແຂ່ງຂັນໃນຕອນຄ່ຳວັນທີ 6 ທັນວາ 2021 ທີ່ປະເທດສິງກະໂປ ທີມຊາດລາວສູ້ເຕັມທີ່ ໂດຍໄດ້ລົງສະໜາມປະທະບີແຄ່ງກັບທີມແຂງຄື ທີມຊາດຫວຽດນາມ ເຮັດໃຫ້ ທີມຊາດລາວເສຍ 0-2 ປະຕູ.

ເຖິງວ່າ ຜົນງານອອກມາບໍ່ໄດ້ເປັນດັ່ງທີ່ຄາດຫວັງໄວ້ ແຕ່ນັກກິລາບານເຕະ ບິນລີ້ ເກດແກ້ວພົມພອນ ໄດ້ເປີດເຜີຍວ່າ ພູມໃຈທີ່ໄດ້ໃສ່ເສື້ອທີ່ມີກາທຸງຊາດລາວ: “ຂ້ອຍຮູ້ສຶກເປັນກຽດ ແລະ ດີໃຈຫລາຍທີ່ໄດ້ລົງສະໜາມຮັບໃຊ້ທີມຊາດລາວເປັນຄັ້ງທຳອິດ ເຖິງວ່າຜົນການແຂ່ງຂັນຈະບໍ່ອອກມາຕາມທີ່ພວກເຮົາຫວັງໄວ້ກໍຕາມ ແຕ່ພວກເຮົາຈະຂໍສູ້ຈົນເຖິງທີ່ສຸດ. ຂ້ອຍຮູ້ສຶກຕື້ນຕັນໃຈທີ່ໄດ້ຍິນສຽງເພງຊາດລາວດັງຂຶ້ນ ເພາະນີ້ຄືປະເທດບ້ານເກີດເມືອງນອນພໍ່ແມ່ຂ້ອຍ ແລະ ຂ້ອຍກໍມີຄວາມພາກພູມໃຈເປັນຢ່າງຍິ່ງທີ່ໄດ້ຮັບໃຊ້ ແລະ ມີສ່ວນຮ່ວມກັບທີມຊຸດນີ້. ຂໍຂອບໃຈທຸກໆຄົນ ສຳລັບກຳລັງໃຈທີ່ມອບໃຫ້ສະເໝີມາ ລາວສູ້ໆ !”.

ຕາຕະລາງແຂ່ງຂັນຂອງທີມຊາດລາວ:

ວັນທີ 09/12/2021 ເວລາ 16:30 ທີມຊາດລາວ ພົບ ມາເລເຊຍ; ວັນທີ 12/12/2021 ເວລາ 16:30 ທີມຊາດລາວ ພົບ ທີມຊາດອິນໂດເນເຊຍ;

ວັນທີ 15/12/2021 ເວລາ 16:30 ທີມຊາດລາວ ພົບ ທີມຊາດກຳປູເຈຍທຸກໆນັດທີ່ ທີມຊາດລາວ ລົງສະໜາມແມ່ນ ແຂ່ງຂັນຢູ່ທີ່ສະໜາມ BISHAN STADIUM ປະເທດສິງກະໂປ.

About admin

Check Also

ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນ

#ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນທີ່ກຳລັງແຫ່ກັນໄປຊ່ວຍຄູອາສາ500.000ກີບທີ່ລາອອກໄປແລ້ວຫັ້ນ ແອດມິນຄິດວ່າຄູຜູ້ນັ້ນກະໄດ້ຮັບຄວາມຊ່ວຍເຫຼືອໄປຫຼາຍລະເດ້ ເຮົາຄິດໃໝ່ກັນດີບໍ່?.. ວ່າດີກວ່າບໍ່ຖ້າເຮົາຊິໃຫ້ຄວາມສຳຄັນກັບຄູອາສາຜູ້ທີ່ຍັງເຮັດວຽກຢູ່ໃຫ້ຫຼາຍກວ່າຄຸອາສາທີ່ລາອອກໄປແລ້ວ.. ຜູ້ທີ່ລາອອກໄປແລ້ວເຂົາໄດ້ໄປເຮັດວຽກຫາເງີນຕາມອາຊີບເຂົາໄດ້ລະເດ້.. ແຕ່ຄູອາສາທີ່ຍັງເຮັດວຽກເປັນຄູຢູ່ເພີ່ນຍັງບໍ່ໄດ້ຮັບເງີນເດືອນຫຼືຄວາມຊ່ງຍເຫຼືອຫຍັງເລີຍເດີ້..ແຫ່ມາຊ່ວຍຄູທີ່ຍັງອົດທົນສອນລູກຫລານເຮົາດີກ່ອນບໍ່?ຢ່າງເຊັ່ນຄູອາສາຜູ້ນີ້ທີ່ສອນມາໄດ້8ປີແລ້ວ!ຕ້ອງເດີນທາງໄປສອນໃນເຂດຫ່າງໄກ,ມີຄວາມຫຍຸ້ງຍາກໃນການທຽວໄປສອນ,ໂຮງຮຽນຍັງບໍ່ມີສິ່ງເອື້ອອຳນວຍ…, ຕ້ອງໄດ້ເຮັດຫຼາຍຢ່າງດ້ວຍຕົວເອງ,ບໍ່ມີໄຟຟ້າ,ການແຕ່ງບົດສອນຕ້ອງອາໄສຕະກຽງມົງຊົງ ແລະສຸດທ້າຍກະຄືຫຼັງຈາກເສັງລັດຖະກອນປີນີ້ ຜົນອອກມາປະກົດວ່າບໍ່ຊົງຊິໄດ້.. ພາກສ່ວນກ່ຽວຂ້ອງຫຼືຜູ້ມີໃຈກຸສົນໄປຊ່ວຍເຫຼືອຄູຜູ້ນີ້ແດ່ ……..

Leave a Reply

Your email address will not be published.

Recent Comments

No comments to show.