Breaking News

ຂໍຖາມແດ່ທຸກທ່ານແດ່ສົມຄວນບໍ

ຂໍຖາມແດ່ທຸກທ່ານ ເລື່ອງມີຢູ່ວ່າ ຂ້ອຍເລີກວຽກຢູ່ຊັງຈ່ຽງຂີ່ລົດກັບຫ້ອງແຖວບ້ານດົງໂດກ ຂ້ອຍຂີ່ລົດກາຍວົງວຽນທາງຕັດໃຫມ່ດົງນາທອງ-ຫນອງພະຍາປະມານ200ແມັດ ຂີ່ລົດມາດີໆກໍ່ມີລົດຄັນຫນຶ່ງນຳຫລັງມາແລ້ວເປົ່າວີດໃສ່ຂ້ອຍບອກໃຫ້ຈອດລົດ ເວລານັ້ນປະມານ18:30 ວັນທີ7/12/2021 ຂ້ອຍເລີຍຈອດ ແລ້ວມີຄົນອອກມາຈາກລົດຄັນນັ້ນ4ຄົນນຸ່ງເຄື່ອງແບບຄົບຊຸດ ແລະ ເວົ້າວ່າ

A: ຂໍຄົ້ນຕົວ

B: ຂ້ອຍງົງວ່າຄົ້ນເຮັດຫຍັງຂ້ອຍເລີຍບໍ່ຍອມA: ແລ້ວເຂົາຖາມອີກວ່າໄປໃສມາ ລົດມີເອກະສານບໍ

B: ໄປວຽກມາ ເອກະສານລົດມີແຕ່ບໍ່ໄດ້ຖືມານຳ ຂ້ອຍກໍ່ເອົາຮູບທະບຽນລົດໃຫ້ເຂົາເບິ່ງ

A: ມີປ້າຍບໍ່ ຄືບໍ່ໃສ່B:ມີຢູ່ເບາະລົດ ຂ້ອຍເປີດເບາະລົດແລ້ວເອົາອອກມາ ເຂົາເປັນຫຍັງຄືບໍ່ໃສ່ ຂ້ອຍວ່າປ້າຍມັນຂາດໃສ່ບໍ່ໄດ້ເລີບໍ່ໃສ່.ແລ້ວເຂົາກໍ່ຈັບເອົາປ້າຍລົດຂ້ອຍໄປໄວ້ຫລັງກະບະລົດເຂົາ ແລະ ເວົ້າອີກວ່າເອົາລົດເຈົ້າຂຶ້ນລົດພວກຂ້ອຍພ້ອມເປີດຝາທ້າຍກະບະລົດ ຂ້ອຍວ່າບໍ່ໄດ້ຖ້າຊິເອົາຂຶ້ນຕ້ອງໄດ້ເອີ້ນອ້າຍຂ້ອຍມາກ່ອນ ຂ້ອຍເລີຍໂທລະສັບຫາອ້າຍໃຫ້ອອກມາດ່ວນ ພໍອ້າຍຂ້ອຍມາຮອດອ້າຍຂ້ອຍ

C: ຖາມວ່າມີຫຍັງບໍ?

A: ພວກຂ້ອຍລາດຕາເວນມາເຫັນລົດບໍ່ມີປ້າຍ, ບໍ່ໃສ່ແວ່ນ, ບໍ່ມີເອກະສານ ຊິເອົາລົດໄປ.

C: ເອກະສານລົດຢູ່ນຳຂ້ອຍນີ້, ຊິເອົາລົດໄປໃສ, ມີສິດເອົາໄປບໍ, ແມ່ນຫນ້າທີ່ບໍ, ຢູ່ໆລະຂີ່ລົດເລາະຢຶດລົດປະຊາຊົນ.

A: ລົດບໍ່ຖືກຕ້ອງ ຕ້ອງໄດ້ເອົາໄປ.

C: ກ້າເອົາໄປໂລດ ກະແຈຢູ່ນຳລົດທະບຽນຢູ່ນຳຂ້ອຍ.

A: ມິດໄປ. ຂໍກິນນ້ຳນຳໜຶ່ງແສນ.

C: ຂ້ອຍບໍ່ມີ, ທຸກມື້ນີ້ໂຄວິດລະບາດເງິນເສຍຄ່າຫ້ອງແຖວກໍ່ບໍ່ມີ ແລ້ວຊິເອົາ1ແສນມາແຕ່ໃສໃຫ້.

ບໍ່ໄດ້ຫຍັງເລີຍຂີ່ລົດອອກໄປ. ຂໍຝາກຖາມແດ່ວ່າເຮັດແນວນີ້ກໍ່ໄດ້ວາ, ມັນສົມຄວນບໍ, ຖ້າຕັ້ງດ່ານກໍ່ບໍ່ວ່າ ແລະ ແມ່ນຫນ້າທີ່ກໍ່ບໍ່ວ່າ, ຖ້າຖືກຜູ້ບໍ່ຮູ້ເດ ຊິເຮັດແນວໃດ ຂີ່ລົດເລາະຢຶດລົດແນວນີ້ວາ ທັ້ງໆທີ່ເຫັນຂີ່ລົດລາດຕາເວນກໍ່ອຸ່ນໃຈແລ້ວວ່າບ້ານເມືອງມີລະບຽບດີຄົງຈະສະຫງົບ ໄປໃສມາໃສຄືຊິປອດໄພ, ແຕ່ນີ້ມັນບໍ່ແມ່ນລະຕິພັດມາເຮັດໃຫ້ຕົກໃຈ ແລະ ແຮ່ງຢ້ານຕື່ມ.

ຖ້າເວົ້າບໍ່ຖືກປະການໃດກໍ່ຂໍໂທດຂໍອາໄພນຳ ບໍ່ຮູ້ຈຶ່ງຖາມ.

ແຕ່ຖ້າຖືກໃຜລະຄິດເອົາ ວ່າເຫມາະສົມບໍ.

ທີ່ມາ

About admin

Check Also

ເຫດລົດຂົນໝາກໄມ້ປີ້ນ

ເຫດລົດຂົນໝາກໄມ້ປີ້ນ.ຕອນບ່າຍຄ້າຍແລງ ວັນທີ 29 ມັງກອນ 2022,ເສັ້ນທາງ 13 ເໜືອ ເຂດປາກມອງ ແຂວງຫຼວງພະບາງ.ທຸກຄົນປອດໄພ. … …

Leave a Reply

Your email address will not be published.

Recent Comments

No comments to show.