Breaking News

ຂ່າວດີຕ້ອນຮັບເດືອນໃໝ່! ລັດແຈ້ງປັບລົງລາຄານ້ຳມັນເຊື້ອໄຟທຸກຊະນິດ ເລີ່ມມື້ອື່ນນີ້

ເມື່ອລາຄານ້ຳມັນເຊື້ອໄຟທະຍານຂຶ້ນສູ່ຈຸດສູງສຸດຈົນຫຼາຍຄົນຕ້ອງຕົກໃຈ ເພາະນີ້ອາດມີນ້ອຍຄັ້ງທີ່ຈະຂຶ້ນມາຮອດລະດັບນີ້ ອັນເນື່ອງມາຈາກຫຼາຍປັດໄຈ ອັນສຳຄັນຄືການປ່ຽນແປງຂອງລາຄາຕະຫຼາດໂລກ ແລະປັດໄຈການຜະລິດຕ່າງໆ ເຊິ່ງປະເທດເຮົາບໍສາມາດຜະລິດໄດ້ກໍ່ຈຳເປັນປັບປ່ຽນໄປຕາມການເໜັງຕິງຂອງລາຄາຕົ້ນທາງ.

ແນວໃດກໍ່ຕາມຫຼ້າສຸດນີ້ ກະຊວງອຸດສາຫະກໍາ ແລະ ການຄ້າ (ອຄ) ອອກແຈ້ງການ ສະບັບເລກທີ 1146/ອຄ, ລົງວັນທີ 1 ທັນວາ 2021 ເຖິງສະມາຄົມນໍ້າມັນເຊື້ອໄຟ ແລະ ອາຍແກັສ ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ເລື່ອງແຈ້ງປັບລົງລາຄາຂາຍຍ່ອຍນໍ້າມັນເຊື້ອໄຟ ໃນຂອບເຂດທົ່ວປະເທດ ເຊິ່ງ ໄດ້ປັບລົງນ້ຳມັນເຊື້ອໄຟທຸກຊະນິດຄື: ນ້ຳມັນແອັດຊັງພິເສດ ປັບລົງ 580 ກີບຕໍ່ລິດ, ມັນແອັດຊັງທຳມະດາ ປັບລົົງ 470 ກີບຕໍ່ລິດ ກາຊວນ ປັບລົງ 320 ກີບຕໍ່ລິດ ລາຄາປັບໃໝ່ໃຫ້ເລີ່ມປະຕິບັດເວລາ 6:00 ໂມງ ຂອງວັນທີ 2 ທັນວາ 2021 ເປັນຕົ້ນໄປ.

ຈາກການປັບລົງລາຄາໃໝ່ນີ້ເຮັດໃຫ້ຢູ່ນະຄອນຫຼວງວຽງຈັນແອັດຊັງພິເສດຢູ່ທີ່ 13.880 ກີບຕໍ່ລິດ, ແອັດຊັງທຳມະດາ 12.490 ກີບ, ລາຄາກາຊວນ 10.300 ກີບຕໍ່ລິດ, ຜົ້ງສາລີ ແອັດຊັງພິເສດ 14.520 ກີບ, ແອັດຊັງທຳມະດາ 13.130 ກີບ ລາຄາກາຊວນ 11.020 ກີບ.

ແຂວງຫຼວງພະບາງ ແອັດຊັງພິເສດ 14.250 ກີບ, ແອັດຊັງທຳມະດາ 12.860 ກີບ ກາຊວນລິດລະ 11.030 ກີບຕໍ່ລິດ ຊຽງຂວາງ ແອັດຊັງພິເສດ 14.250 ກີບ ແອັດຊັງທຳມະດາ 12.860 ລາຄານ້ຳມັນກາຊວນ 10.850 ກີບ ຫົວພັນ ແອັດຊັງພິເສດ 14.280 ກີບ ແອັດຊັງທຳມະດາ 12.890 ກີບ ແລະລາຄານ້ຳມັນກາຊວນ 11.060 ກີບຕໍ່ລິດ.

ແຂວງສະຫວັນນະເຂດແອັດຊັງພິເສດ 13.910 ກີບ ແອັດຊັງທຳມະດາ 12.520 ກີບ ກາຊວນ 10.690 ກີບຕໍ່ລິດ ຈຳປາສັກ ແອັດຊັງພິເສດ 13.940 ກີບຕໍ່ລິດ ແອັດຊັງທຳມະດາ ລິດໜຶ່ງ 12.550 ກີບ ກາຊວນ 10.720 ກີບຕໍ່ລິດ.

About admin

Check Also

ຕິດຕາມນຳກັນ! ເດືອນມີນາ ຄ່າແຮງງານຂັ້ນຕໍ່າຈະເພີ່ມຂຶ້ນຫຼືບໍ່

ຕິດຕາມນຳກັນ! ເດືອນມີນາ ຄ່າແຮງງານຂັ້ນຕໍ່າຈະເພີ່ມຂຶ້ນຫຼືບໍ່ສຳລັບຄ່າແຮງງານຂັ້ນຕ່ຳຢູ່ ສປປ ລາວໃນໄລຍະຜ່ານມາ ໄດ້ປັບຂຶ້ນມາແລ້ວ 8 ຄັ້ງ, ໃນນີ້ ຄັ້ງຫລ້າສຸດ ແມ່ນປັບຂຶ້ນຈາກ 900.000 ກີບ ຂຶ້ນເປັນ 1.100.000 …

Leave a Reply

Your email address will not be published.

Recent Comments

No comments to show.