Breaking News

ກອງພັນໃຫຍ່ 201 ສາມັກຄີກັນສ້າງຂົວຂ້າມນໍ້າພູນ ສໍາເລັດໃນມື້ດຽວ

ກອງພັນໃຫຍ່ 201 ສາມັກຄີກັນສ້າງຂົວຂ້າມນໍ້າພູນ ສໍາເລັດໃນມື້ດຽວ

ໃນວັນທີ 7 ທັນວາ 2021 ກອງພັນໃຫຍ່ 201 ໄດ້ລົງມືການສ້າງຂົວຂ້າມນໍ້າພູນ ແບບໃຊ້ຊົ່ວຄາວໃນລະດູແລ້ງ ແລະ ສໍາເລັດລົງໃນວັນດຽວກັນ ລະຫວ່າງ ກອງພັນໃຫຍ່ 201 ຫາ ບ້ານສຸວັນນະພູມ, ເມືອງປາກລາຍ, ແຂວງໄຊບູລີ ເຊີ່ງນໍາພາໂດຍ ທ່ານ ພັອ ບຸນພົບ ວິໄລສັກ ຄະນະພັກກອງພົນ ເລຂາຄະນະພັກ ຫົວໜ້າການເມືອງ 201 ແລະ ທ່ານ ພັນໂທ ຄໍາແສງ ພັນອິນດາ ຮອງເລຂາຄະນະພັກ ຫົວໜ້າການທະຫານກອງພັນໃຫຍ່ 201 ໂດຍມີແຮງງານມາຈາກ ພະນັກງານ-ນັກຮົບ, ພະແນກການ, ກອງຮ້ອຍ, ໝວດ, ກອງ ພັນນ້ອຍທີ່ຂຶ້ນກັບກອງພັນໃຫຍ່ 201 ສາມັກຄີກັນສ້າງ.

ສະຫາຍ ພັຕ ເພັດສອນ ອິນສະໜາ ຫົວໜ້າຂະແໜງຊ່າງແສງກອງພັນໃຫຍ່ 201 ຜູ້ຊີ້ນໍາການສ້າງຂົວໃນຄັ້ງນີ້ ໄດ້ໃຫ້ຮູ້ວ່າ: ເພື່ອປະຕິບັດຄໍາສັ່ງຂອງຄະນະພັກ-ຄະນະບັນຊາກອງພັນໃຫຍ່ 201 ມອບໝາຍໃຫ້, ໃນນາມວິຊາການຊີ້ນໍາລວມ ເຮັດຂົວຂ້າມນໍ້າພູນຄັ້ງນີ້ ແມ່ນໄດ້ຈັດຕັ້ງນຳພາ ກຳລັງໄປຕັດໄມ້ 1.150 ລໍາ, ໄມ້ປ່ອງ 700 ກວ່າລໍາ,

ໄມ້ຈິງ 450 ລໍາ ໂດຍມີກຳລັງອ້າຍນ້ອງທົ່ວກອງພັນໃຫຍ່ 201 ເຂົ້າຮ່ວມທັງໝົດ 545 ສະຫາຍ, ສະຫະພັນແມ່ຍິງ 35 ສະຫາຍ, ການສ້າງຂົວແມ່ນໄດ້ແບ່ງໝ້າວຽກໃຫ້ແຕ່ລະຈຸສານແຕະ, ເຮັດເປັນກະຈວຍ, ມີຄວາມກວ້າງ 1,20 ແມັດ, ຍາວ 72 ຊັງຕີແມັດ ແລະ ເຮັດສຳເລັດໃນມື້ດຽວ.

ແຕ່ລະປີຫລັງຈາກສີ້ນສຸດລະດູຝົນແລ້ວ ຄະນະພັກ-ຄະນະບັນຊາກອງພັນໃຫຍ່ ແມ່ນໄດ້ຄົ້ນຄວ້າຕົກລົງໃຫ້ຂະແໜງຊ່າງແຊ່ງຂຶ້ນແຜນເຮັດຂົວຂ້າມນ້ຳພູນ ເພື່ອເຮັດໃຫ້ພະນັກງານ-ນັກຮົບ-ປະຊາຊົນ ໄປ-ມາຫາສູ່ໄດ້ຢ່າງສະດວກສະບາຍ.

ຂ່າວ: ນາງໄພວັນ,

ພາບ:ເກດ ອານຸສອນ

About admin

Check Also

ຕິດຕາມນຳກັນ! ເດືອນມີນາ ຄ່າແຮງງານຂັ້ນຕໍ່າຈະເພີ່ມຂຶ້ນຫຼືບໍ່

ຕິດຕາມນຳກັນ! ເດືອນມີນາ ຄ່າແຮງງານຂັ້ນຕໍ່າຈະເພີ່ມຂຶ້ນຫຼືບໍ່ສຳລັບຄ່າແຮງງານຂັ້ນຕ່ຳຢູ່ ສປປ ລາວໃນໄລຍະຜ່ານມາ ໄດ້ປັບຂຶ້ນມາແລ້ວ 8 ຄັ້ງ, ໃນນີ້ ຄັ້ງຫລ້າສຸດ ແມ່ນປັບຂຶ້ນຈາກ 900.000 ກີບ ຂຶ້ນເປັນ 1.100.000 …

Leave a Reply

Your email address will not be published.

Recent Comments

No comments to show.