Breaking News

ປະເທດລາວສວຍງາມຮັ່ງມີ ແຕ່ເປັນຫຍັງປະຊາຊົນລາວບາງບ່ອນຍັງທຸກຍາກ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ນັບວ່າເປັນກຽດຢ່າງສູງທີ່ ສປປ ລາວ ເຮົາຖືກຍົກໃຫ້ເປັນປະເທດທີ່ມີຊັບພະຍາກອນທຳມະຊາດເປັນຕົ້ນທຶນສູງສຸດໃນໂລກ.

ອີງຕາມເວັບໄຊເອໂຄບິສເນັສ (Ecobusiness)ໄດ້ເຜີຍແຜ່ບົດລາຍງານດັດຊະນີຊັບພະຍາກອນທຳມະຊາດ (Natural Capital Index) ຂອງໂລກປະຈຳປີ 2021 ສປປ ລາວ ເຮົາຖືກຈັດອັນດັບໜຶ່ງຂອງໂລກ. ສ່ວນຮອງລົງມາກໍມີ 3 ປະເທດຄື: ໂກລົມບີ, ປາຣາກວາຍ ແລະ ໂບລີວີ.

ປະເທດລາວສວຍງາມ ແລະ ຮັ່ງມີ, ປະຊາຊົນລາວເຮົາດຸໝັ່ນຫ້າວຫັນ, ໄປຢຽບໝາ ມາຢຽບຂຽດ, ພາກັນນັ່ງຢູ່ເທິງກອງເງິນກອງຄຳ ແຕ່ປະຊາຊົນລາວພັດຍັງທຸກຍາກຂາດເຂີນ, ເສື້ອຂາດໜ້າ ຜ້າຂາດຫລັງ.

ຄຳເວົ້າຂອງລຸງພູມີ ວົງວິຈິດ ຕັ້ງແຕ່ຕອນເພິ່ນຍັງມີຊີວິດມາຈົນມື້ນີ້ແມ່ນໄດ້ 40 ກວ່າປີແລ້ວ.ແຕ່ແນວໃດກໍຕາມ, ມາຮອດປັດຈຸບັນ ສປປ ລາວພວກເຮົາ ມີອາຍຸໄດ້ 46 ປີເຕັມ ຊັບພະຍາກອນທຳມະຊາດເຫລົ່ານັ້ນໄດ້ມີການຄຸ້ມຄອງ ແລະ ຖືກຂຸດຄົ້ນມານຳໃຊ້ເຂົ້າໃນພາລະກິດສ້າງສາພັດທະນາປະເທດຊາດໃນຫລາຍຂົງເຂດເຊັ່ນ:

ແມ່ນ້ຳລຳເຊຫລາຍຍ່ານຫລາຍສາຍໄດ້ກໍ່ສ້າງເຂື່ອນໄຟຟ້າພະລັງນ້ຳ, ເນື້ອທີ່ດິນຫລາຍບ່ອນໃນທົ່ວປະເທດໄດ້ບຸກເບີກເປັນເຂດເສດຖະກິດພິເສດ, ເຂດເສດຖະກິດສະເພາະ, ປ່າໄມ້ກໍໄດ້ຮັບການຄຸ້ມຄອງ ແລະ ຈຳກັດໃນການຂຸດຄົ້ນ, ບໍ່ແຮ່ໃນບາງບ່ອນກໍໄດ້ຮັບການຂຸດຄົ້ນປຸງແຕ່ງເປັນວັດຖຸດິບສົ່ງຂາຍຕ່າງປະເທດ.

ນອກຈາກນັ້ນກໍຍັງມີຊັບພະຍາກອນທຳມະຊາດປະເພດອື່ນໆໄດ້ຖືກຂຸດຄົ້ນປຸງແຕ່ງເປັນສິນຄ້າ ຫລື ນຳມາຮັບໃຊ້ເຂົ້າໃນແຜນພັດທະນາເສດຖະກິດ-ສັງຄົມຂອງປະເທດຊາດທີ່ຫລາກຫລາຍ ແລະ ອຸດົມສົມບູນ.

ຕະຫລອດ 46 ປີແຫ່ງພາລະກິດສ້າງສາພັດທະນາປະເທດຊາດ ພາຍໃຕ້ການນຳພາຂອງພັກ ແລະ ລັດຖະບານ ແຫ່ງ ສປປ ລາວ, ປະເທດຊາດໄດ້ຮັບການພັດທະນາກ້າວໄປຢ່າງບໍ່ຢຸດຢັ້ງ ເຊິ່ງໜຶ່ງໃນປັດໄຈ ແລະ ເງື່ອນໄຂອັນໃຫຍ່ຫລວງກໍແມ່ນປະເທດເຮົາມີຊັບພະຍາກອນທຳມະຊາດຈົນກາຍເປັນອັນດັບໜຶ່ງຂອງໂລກ.

ສະນັ້ນ, ພວກເຮົາຄວນພູມໃຈທີ່ເກີດມາເປັນຄົນລາວ ແລະ ຕ້ອງປົກປັກຮັກສາຊັບພະຍາກອນທຳມະຊາດທີ່ມີໃນປະເທດບໍ່ໃຫ້ສູນເສຍ ແລະ ນຳໃຊ້ຊັບພະຍາກອນເຫລົ່ານັ້ນໃຫ້ມີປະໂຫຍດສູງສຸດແກ່ປະເທດຊາດບ້ານເມືອງ.

About admin

Check Also

ຂ່າວດີ 👉 ສຳລັບແຮງງານລາວ

📢 ຂ່າວດີ 👉 ສຳລັບແຮງງານລາວ ທີ່ກຳລັງກຽມພ້ອມໃນການຈະໄປເຮັດວຽກຢູ່ຕ່າງປະເທດ, ປັດຈຸ ບັນ ສ. ເກົາຫຼີ ພວມຕ້ອງການແຮງງານ 1.000 ກວ່າຄົນ ເພື່ອໄປເຮັດວຽກ, ໂດຍໂຄຕ້າດັ່ງກ່າວແມ່ນຈະມີການຈັດສົ່ງໃນເດືອນມິຖຸນາ ທີ່ຈະມາເຖິງນີ້ …

Leave a Reply

Your email address will not be published.

Recent Comments

No comments to show.