Breaking News

ຮູບປັ້ນຂອງພໍ່ກະດວກ ໃກ້ຈະສຳເລັດແລ້ວ ເຫຼືອພຽງຕົບແຕ່ງເລັກນ້ອຍ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ດັ່ງທີ່ທຸກຄົນຊາບດີແລ້ວວ່າ: ການຕໍ່ສູ້ກູ້ຊາດຂອງປະຊາຊົນບັນດາເຜົ່າໃນປະເທດລາວ ໄດ້ຜ່ານຜ່າມາຫຼາຍຍຸກຫຼາຍສະໄໝ ດ້ວຍນ້ຳໃຈຮັກຊາດອັນໜັກແໜ້ນ ເຊັ່ນດຽວກັນກັບ ການຕໍ່ສູ້ຂອງພໍ່ກະດວດພໍ່ກະດວດ ເປັນຄົນທ້ອງຖິ່ນ ເມືອງພີນ ແຂວງສະຫວັນນະເຂດ ມີຊື່ແທ້ວ່າ “ອາຊີ ” ເປັນຄົນຊົນເຜົ່າບຣູ ພໍ່ຊື່ວ່າ: ອາຍັງ ແລະ ແມ່ຊື່ວ່າ ບຸນທົນ, ອາຢິ ມີລູກສອງຄົນ, ຜູ້ກົກຊື່ວ່າ ນາງກະລ່ວຍ, ຜູ້ທີ່ສອງ ຊື່ວ່າ ກະດວດ.

ໃນເວລາທີ່ເພິ່ນໄດ້ເຄື່ອນໄຫວຕໍ່ຕ້ານພວກຝຣັ່ງຢູ່ເຂດເມືອງຈໍາພອນ (ແກ້ງກອກ) ນັ້ນເພິ່ນໄດ້ພາລູກຊາຍ (ທ້າວ ກະດວດ) ໄປເຄື່ອນໄຫວນຳ, ດັ່ງນັ້ນ ຊາວເມືອງຈຳພອນ ຈິ່ງເອີ້ນ ອາຊີ ວ່າ ພໍ່ກະດວດດ້ວຍນ້ຳໃຈຮັກຊາດ ຮັກບ້ານເກີດເມືອງນອນ ບໍ່ຍອມກົ້ມຫົວໃຫ້ຊາວຕ່າງດ້າວ, ຊາວເມືອງພີນ ແຂວງສະຫວັນນະເຂດ ເຊິ່ງຢູ່ພາຍໃຕ້ການນໍາພາຂອງພໍ່ກະດວດ ໄດ້ລຸກຂຶ້ນຕໍ່ສູ້ຕ້ານການປົກຄອງຂອງພວກຈັກກະພັດລ່າເມືອງຂຶ້ນຝຣັ່ງ.

ຍ້ອນທົນຕໍ່ການກົດຂີ່ຂູດຮີດຢ່າງໜັກໜ່ວງຂອງ ພວກຈັກກະພັດລ່າເມືອງຂຶ້ນຝຣັ່ງ ແລະ ຍ້ອນມີນ້ຳໃຈ ຮັກຊາດຮັກບ້ານເກີດເມືອງນອນອັນສູງສົ່ງຂອງພໍ່ກະດວດ, ດັ່ງນັ້ນ, ພໍ່ກະດວດ ຈິ່ງໄດ້ເລີ່ມເຄື່ອນໄຫວຕໍ່ຕ້ານຝຣັ່ງຢູ່ເມືອງພີນ ດ້ວຍການປຸກລະດົມຂົນຂວາຍ ປະຊາຊົນລຸກຂຶ້ນຕໍ່ສູ້ກັບພວກຈັກກະພັດລ່າເມືອງຂຶ້ນຝຣັ່ງ, ຈັດຕັ້ງກໍາລັງຂຶ້ນເພື່ອເຄື່ອນໄຫວຕໍ່ຕ້ານການເກັບສ່ວຍສາອາກອນ ແລະ ເຄື່ອນໄຫວປຸກລະດົມນ້ຳ ໃຈຮັກຊາດ ດ້ວຍຫຼາຍວິທີການ ເຊັ່ນ: ວິທີການເຕົ້າໂຮມປະຊາຊົນ ແລ້ວເລົ່າປະຫວັດ ຄວາມເປັນມາຂອງຊາດລາວເຮົາ ໂດຍສະເພາະ ແມ່ນສະໄໝທີ່ຄົນລາວເສຍເອກະລາດໃຫ້ແກ່ສະຫຍາມ.

ການລຸກຂຶ້ນກອບກູ້ເອກະລາດພາຍໃຕ້ການນຳພາ 2 ຂອງ ເຈົ້າອະນຸວົງ.

ການເຊັນສົນທິສັນຍາ ລະຫວ່າງ ຈັກກະພັດລ່າ ເມືອງຂຶ້ນຝຣັ່ງ ກັບ ສະຫຍາມ ໃນປີ ຄ.ສ 1893 ເພື່ອຕັດແບ່ງດິນແດນລາວດ້ວຍເຫດນັ້ນ, ພໍ່ກະດວດ ຈຶ່ງຖືກຕາມຈັບຈາກອຳນາດການປົກຄອງຂອງພວກຝຣັ່ງ, ສະນັ້ນ ທ່ານຈຶ່ງໄດ້ໜີໄປເຄື່ອນໄຫວຢູ່ເຂດ ເມືອງຈຳພອນ ແຂວງສະຫວັນນະເຂດ.

ພາຍຫຼັງທີ່ທ່ານໄດ້ເຄື່ອນໄຫວຢູ່ເຂດເມືອງຈຳພອນ, ພໍ່ກະດວດກໍໄດ້ຈັດຕັ້ງຂະບວນ “ຜູ້ມີບຸນ ” ຂຶ້ ທີ່ ບ້ານຄຳສີດາ ໂດຍເຕົ້າໂຮມເອົາປະຊາຊົນລາວຜູ້ຮັກຊາດທີ່ມາຈາກຫຼາຍຊົນເຜົ່າ ເຊິ່ງມີ ຍາທ່ານແກ້ວ ( ອົງແກ້ວ ເຊິ່ງເປັນຄົນລະອົງແກ້ວ ທີ່ນຳພາຂະບວນການຕໍ່ສູ້ຢູ່ທາງພາກໃຕ້) ເປັນທີ່ປຶກສາ.

ຫຼັງຈາກໄດ້ເຝິກແອບກຳລັງໄດ້ດີ ພ້ອມທັງສະສົມອາວຸດ ແລະ ສະບຽງອາຫານໄດ້ຈຳນວນໜຶ່ງແລ້ວ ມາເຖິງເດືອນພຶດສະພາ ປີ ຄ.ສ 1901, ພໍ່ກະດວດ ກໍໄດ້ນຳພາຂະບວນການຕໍ່ສູ້ເປີດສາກບຸກໂຈມຕີຝຣັ່ງ ຢຶດເອົາໂຮງການໄປສະນີ ແລະ ຄ້າຍທະຫານຂອ ພວກຝຣັ່ງຢູ່ເມືອງສອງຄອນ, ເຮັດໃຫ້ທະຫານຝຣັ່ງໄດ້ຖືກບາດເຈັບ ແລະ ລົ້ມຕາຍເປັນຈຳນວນຫຼວງຫຼາຍພໍສົມຄວນ ສ່ວນທີ່ຍັງເຫຼືອກໍປົບໜີເຂົ້າເມືອງສະຫວັນນະເຂດ.

ພາຍຫຼັງຢຶດເອົາເມືອງສອງຄອນໄດ້ແລ້ວ, ພໍ່ກະດວດ ໄດ້ປັບປຸງກຳລັງເພື່ອກຽມບຸກຢຶດເອົາເມືອງສະຫວັນນະເຂດ; ເຮັດໃຫ້ພວກຝຣັ່ງຢ້ານກົວ.

ສະນັ້ນ, ພວກເຂົາຈິ່ງຟ້າວສັ່ງໃຫ້ທະຫານກອງປາບຈາກເຂດ ໂຕຫງວຽນ ແລະ ພາກກາງຫວຽດນາມ 2 ກອງ ມາສົມທົບກັບກໍາລັງຂອງພວກເຂົາຢູ່ຕົວເມືອງສະຫວັນນະເຂດ ເພື່ອມາປາບປາມຂະບວນການດັ່ງກ່າວ ແຕ່ບໍ່ໄດ້ຮັບຜົນ.

ມາໃນວັນ 19 ເມສາ ປີ ຄ.ສ 1902, ຂະບວນການຂອງພໍ່ກະດວດ ໄດ້ປິດລ້ອມຕົວເມືອງສະຫວັນນະເຂດ ແລະ ໂຈມຕີໂຮງການແຂວງ, ທຳລາຍໂຮງໄປສະນີແຂວງ, ຈາກນັ້ນ ກໍປິດລ້ອມຄ້າຍທະຫານ ຝຣັ່ງທີ່ຢູ່ໃນໃຈກາງຕົວເມືອງສະຫວັນນະເຂດ.

ທັງ ສອງຝ່າຍໄດ້ມີການປະທະກັນ, ທະຫານຝຣັ່ງຖືກດັບ ສູນເທື່ອລະເລັກລະໜ້ອຍ, ຝຣັ່ງໄດ້ມີຄໍາສັ່ງໃຫ້ເອົາ ທະຫານ 1 ກອງຈາກພາກໃຕ້ຫວຽດນາມ ມາຕີສົມ ທົບອີກ; ພວກເຂົາໄດ້ຍິງປຶນໃຫຍ່ສຸມໃສ່ຂະບວນການ ຕໍ່ສູ້ຂອງພໍ່ກະດວດ ເຮັດໃຫ້ກຳລັງທະຫານຂອງພໍ່ກະດວດ ເສຍຊີວິດເຖິງ 200 ກວ່າຄົນ (ບາງເອກະສານ ວ່າ 300 ກວ່າຄົນ).

ເມື່ອເປັນດັ່ງນັ້ນ ພໍ່ກະດວດຈິ່ງ ໄດ້ສັ່ງໃຫ້ກອງທະຫານຂອງຕົນຖອນອອກຈາກຕົວເມືອງ ແລະ ຖອຍໄປເຄື່ອນໄຫວເຖິງເຂດເຊໂປນ ເພື່ອ ປັບປຸງກຳລັງຄືນໃໝ່ ແຕ່ກໍຖືກສັດຕູໄລ່ຕີ.

ສະນັ້ນ ທ່ານຈຶ່ງໄດ້ນໍາຂະບວນການດັ່ງກ່າວກັບຄືນໄປເຄື່ອນ ໄຫວະດົງຄຳສີດາ (ເມືອງແກ້ງກອກ )ມາເຖິງປີ ຄ.ສ 1903 ພວກຈັກກະພັດລ່າເມືອງ ຂຶ້ນຝຣັ່ງ ໄດ້ປິດລ້ອມ ແລະ ບຸກໂຈມຕີທີ່ໝັ້ນຂອງຂະ ບວນການຕໍ່ສູ້ຂອງພໍ່ກະດວດຢ່າງໜັກໜ່ວງ.

ສຸດທ້າຍ ພໍ່ກະດວດພ້ອມດ້ວຍນັກຕໍ່ສູ້ຈຳນວນ 300 ຄົນ ຖືກຈັບ ແລະ ຖືກນຳໄປປະຫານຊີວິດຢ່າງໂຫດຮ້າຍປ່າເຖື່ອນທີ່ສຸດ.

ພວກເຂົາຕັດຄໍ ແລະ ຖິ້ມຫົວພໍ່ກະດວດລົງໃສ່ໜອງອີງ (ເສັ້ນທາງຈຳພອນ-ສອງຄອນ ).

ແຕ່ນັ້ນ ມາຂະບວນການຕໍ່ສູ້ຂອງປະຊາຊົນລາວພາກກາງທີ່ ນໍາພາໂດຍພໍ່ກະດວດກໍສິ້ນສຸດລົງປັດຈຸບັນ, ລັດຖະບານ ໄດ້ມີການປັ້ນຮູບເໝືອນຈຳລອງ ພໍ່ກະດວດ ເພື່ອນຳໄປປະດິດສະຖານໄວ້ທີ່ແຂວງສະຫວັນນະເຂດ ເຊີ່ງຄາດຈະໃຫ້ສຳເລັດພາຍໃນຕົ້ນປີ 2022 ນີ້

ຂໍ້ມູນຈາກ : insidelao

ຮູບຈາກ : ພໍ່ລຸງ ຄຳນ້ອຍ ພົມມະຈັນ

About admin

Check Also

ຂ່າວດີ 👉 ສຳລັບແຮງງານລາວ

📢 ຂ່າວດີ 👉 ສຳລັບແຮງງານລາວ ທີ່ກຳລັງກຽມພ້ອມໃນການຈະໄປເຮັດວຽກຢູ່ຕ່າງປະເທດ, ປັດຈຸ ບັນ ສ. ເກົາຫຼີ ພວມຕ້ອງການແຮງງານ 1.000 ກວ່າຄົນ ເພື່ອໄປເຮັດວຽກ, ໂດຍໂຄຕ້າດັ່ງກ່າວແມ່ນຈະມີການຈັດສົ່ງໃນເດືອນມິຖຸນາ ທີ່ຈະມາເຖິງນີ້ …

Leave a Reply

Your email address will not be published.

Recent Comments

No comments to show.