Breaking News

ຂໍໃຫ້ເສບຂ່າວຢ່າງມີສະຕິ ຄະນະສະເພາະກິດຢືນຢັນ ການສັກວັກຊີນປ້ອງກັນ ໂຄວິດ ຢູ່ເມືອງໂຂງ ແມ່ນບໍ່ໄດ້ເສຍຄ່າບໍລິການ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ແຫລ່ງຂ່າວຈາກເມືອງໂຂງ ແຂວງຈຳປາສັກ ໃຫ້ຮູ້ວ່າ: ຄະນະສະເພາະກິດເພື່ອປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ເມືອງໂຂງ ໄດ້ເຮັດບົດລາຍງານ ເລກທີ 017/ຈມຂ, ລົງວັນທີ 7 ພຶດສະພາ 2021 ກ່ຽວກັບ ການເຄື່ອນໄຫວວຽກງານສັກວັກຊີນປ້ອງກັນພະຍາດໂຄວິດ-19. ພ້ອມທັງຢືນຢັນວ່າ:

ການສັກວັກຊີນປ້ອງກັນພະຍາດໂຄວິດ-19 ໃຫ້ພະນັກງານ ແລະ ປະຊາ ຊົນທົ່ວໄປ ຢູ່ເມືອງໂຂງ ແມ່ນບໍ່ໄດ້ເສຍຄ່າບໍລິການ ຄືດັ່ງທີ່ສື່ສັງຄົມອອນລາຍມີຊື່ວ່າ: ເພັດນ້ອຍ ໜໍ່ພູໄທ ໄດ້ນຳເອົາຮູບພາບ ແລະ ຄຣິບສຽງປະກອບເຂົ້າ ເປັນເນື້ອໃນຂ່າວວ່າ: ປະຊາຊົນຊາວເມືອງໂຂງ ໄປຮັບການສັກວັກຊີນປ້ອງກັນພະຍາດໂຄວິດ-19 ເສຍຄ່າບໍລິການ ຖ້າເປັນປະຊາຊົນແມ່ນເສຍຄົນລະ 50.000 ກີບ ແລະ ຖ້າເປັນພະນັກ ງານລັດເສຍຄົນລະ 600.000 ກີບ.

ຄະນະສະເພາະກິດເມືອງໂຂງ ຍັງໃຫ້ຮູ້ອີກວ່າ: ການບໍລິການເຄື່ອນໄຫວສັກວັກຊີນປ້ອງກັນພະຍາດໂຄວິດ-19 ພາຍໃນເມືອງໂຂງ ແມ່ນພະແນກສາທາລະນະສຸກແຂວງຈຳປາສັກ ໄດ້ລົງສົມທົບກັບ ຫ້ອງການສາທາລະນະສຸກເມືອງ ໂດຍມີການຈັດຕັ້ງຈຸດສັກຢາຢູ່ໂຮງໝໍເມືອງ;

ໃນນັ້ນ ໄດ້ໃຊ້ທີມແພດເຄື່ອນທີ່ໄປບ່ອນຊຸມຊົນ 1 ທີມເປັນ ຕົ້ນ ຈຸດໂຮງໝໍນ້ອຍນາກະສັງ, ໂຮງໝໍນ້ອຍຂີ້ນາກ, ໂຮງໝໍນ້ອຍໂພນສະອາດ ແລະ ຈຸດຕະຫລາດເມືອງແສນ, ເຊິ່ງການສັກຢາດັ່ງກ່າວໃຫ້ພໍ່ແມ່ປະຊາຊົນແມ່ນບໍ່ໄດ້ເສຍຄ່າບໍລິການໃດໆສ່ວນຂ່າວລືທີ່ສື່ສັງຄົມອອນລາຍເຜີຍແຜ່ອອກໄປວ່າ:

ການເກັບເງິນຄ່າບໍລິການສັກວັກຊີນປ້ອງກັນພະຍາດໂຄວິດ-19 ນຳປະຊາຊົນຊາວເມືອງໂຂງ ແມ່ນບໍ່ມີມູນຄວາມຈິງ ເພາະວ່າສະຖານທີ່ສັກຢາ, ແພດ ແລະ ຜູ້ທີ່ສັກວັກຊີນໃນຄຣິບດັ່ງກ່າວບໍ່ແມ່ນສະຖານທີ່ຂອງເມືອງ, ແພດ ແລະ ບຸກຄົນທີ່ມາຮັບວັກຊີນ ກໍບໍ່ແມ່ນຢູ່ບັນດາຈຸດຮັບບໍລິການສັກວັກຊີນຂອງເມືອງໂຂງ ເປັນພຽງການສ້າງຄວາມປັ່ນປວນ ໃຫ້ແກ່ສັງຄົມ.

About admin

Check Also

ເຄື່ອຂ່າຍຊາວກະສິກອນລາວ ແຈ້ງບໍ່ມີນໍ້າມັນໃຊ້ເຮັດວຽກ

ດັ່ງທີ່ເຮົາຮູ້ບັດຈຸບັນ, ສະພາບການຕອບສະໜອງຂອງນໍ້າມັນທີ່ມີຕໍ່ຄວາມຕ້ອງການຂອງຜູ້ຊົມໃຊ້ບໍ່ພຽງພໍ ເຊິ່ງຈະສັງເຫດໄດ້ຈາກປະຊາຊົນອັງອໍລຽງແຖວໃສ່ນໍ້າມັນ ບາງເຂດປໍ້າກໍປິດ ເຮັດໃຫ້ປະຊາຊົນຫຼາຍບ້ານມາໂຮມໃສ່ແຕ່ປໍ້າດຽວ ຈົນເຮັດໃຫ້ນໍ້າມັນຂາດ, ບາງປໍ້າກໍມີແຕ່ກະຊວນເທົ່ານັ້ນ ເຮັດໃຫ້ຜູ້ທີ່ໃຊ້ລົດທີ່ໃສ່ນໍ້າມັນແອັດຊັງເກີດຂໍ້ຫຍຸ້ງຍາກໃນການຊອກປໍ້າທີ່ໃສ່ນໍ້າມັນແອັດຊັງ. ຕໍ່ກັບເຫດການດັ່ງກ່າວ ເຮົາກໍຈະເຫັນໄດ້ເຖິງການໂພສຈາກບັນຊີເຟສບຸກສ່ວນບຸນຄົນທີ່ໄດ້ອອກມາລາຍງານກ່ຽວກັບສະພາບນໍ້າມັນ. ເພາະມັນໄດ້ກະທົບເຖິງການເຮັດວຽກ ແລະ ປະກອບອາຊີບໃນການດຳລົງຊີວິດຂອງປະຊາຊົນ. ຈົນມາຮອດເຄື່ອຂ່າຍຊາວກະກອນລາວ Lao …

Leave a Reply

Your email address will not be published.

Recent Comments

No comments to show.