ດ່ວນທີ່ສຸດ ບອກຕໍ່ໆກັນ..!! ແຈ້ງເຕືອນ ບຸກຄົນທີ່ລັກລອບຮ່າຍນ້ຳມັນຂາຍເກີນລາຄາ ຈະຢຶດ ແລະ ປັບໃໝ.

ດ່ວນທີ່ສຸດ ບອກຕໍ່ໆກັນ..!! ແຈ້ງເຕືອນ ບຸກຄົນທີ່ລັກລອບຮ່າຍນ້ຳມັນຂາຍເກີນລາຄາ ຈະຢຶດ ແລະ ປັບໃໝ.

ໃນວັນທີ 10 ພຶດສະພາ 2022, ຂະແໜງການຄ້າພາຍໃນ,ພະແນກອຸດສາຫະກຳ ແລະ ການຄ້າແຂວງ ສະຫວັນນະເຂດ ໄດ້ແຕ່ງຕັ້ງເຈົ້າໜ້າທີ່ກວດກາການຄ້າແຂວງ ລົງສົມທົບກັບເຈົ້າໜ້າທີ່ກວດກາການຄ້າ ນະຄອນໄກສອນພົມວິຫານ ລົງເຄື່ອນໄຫວກວດກາການຂາຍນ້ຳມັນເຊື້ອໄຟແອັດຊັງ (ໃສ່ກະຕຸກ) ຕາມແຄມທາງໃນເທດສະບານ.

ການລົງຄັ້ງນີ້, ໄດ້ພົບເຫັນການຂາຍແບບຊະຊາຍ ແລະ ຂາຍໃນລາຄາທີ່ສູງເກີນ.ເຊິ່ງຜ່ານມາທາງເຈົ້າທີ່ກວດກາການຄ້າເຄີຍໄດ້ເຮັດບົດບັນທຶກກ່າວເຕືອນແລ້ວ 1 ຄັ້ງ.

ສະນັ້ນເຈົ້າໜ້າທີ່ກວດກາການຄ້າຈຶ່ງໄດ້ກວດກາ ເປັນຄັ້ງທີ 2 ແລະ ຍັງພົບເຫັນການຂາຍນ້ຳມັນແອັດຊັງ (ໃສ່ກະຕຸກ) ທາງເຈົ້າໜ້າທີ່ຈຶ່ງໄດ້ຢຶດເອົານໍ້າມັນດັ່ງກ່າວ ຈໍານວນ 32 ລິດ ໃນ 16 ຫົວໜ່ວຍ ແລະ ພ້ອມທັງແຈ້ງໃຫ້ຢຸດເຊົາການຂາຍ.

ຂາຍນໍ້າມັນຊະຊາຍຍັງຜິດຕໍ່ລະບຽບການ ດໍາລັດວ່າດ້ວຍທຸລະກິດນ້ຳມັນເຊື້ອໄຟ ສະບັບເລກທີ 331/ນຍ, ລົງວັນທີ27 ຕຸລາ 2017 ແລະ ຜິດຕໍ່ແຈ້ງການ ປັບລາຄາຂາຍຍ່ອຍນໍ້າມັນເຊື້ອໄຟ ຈຸດຕ່າງໆ ໃນຂອບເຂດເທດສະບານແຂວງ, ເມືອງ. ສະບັບເລກທີ: 1884/ພອຄ, ລົງວັນທີ 10 ພຶດສະພາ 2022.

Related Posts

Leave a Reply

Your email address will not be published.