ທໍາລາຍຢາສູບໄຟຟ້າ ແລະ ຢາສູບຈີນ.

ທໍາລາຍຢາສູບໄຟຟ້າ ແລະ ຢາສູບຈີນ.

ວັນທີ 12 ພຶດສະພາ 2022, ຢູ່ສູນບໍາບັດຂີ້ເຫຍື້ອຫລັກ 32 ເມືອງໄຊທານີ ນວ, ພະແນກຕໍາຫຼວດປ້ອງກັນເສດຖະກິດ ຫ້ອງຕໍາຫຼວດ ປກສ ນວ ສົບທົບກັບພະແນກອຸດສາຫະກໍາ ແລະ ການຄ້າ ນວ ທໍາລາຍຢາສູບໄຟຟ້າຈໍານວນ 946 ກັບ ແລະ ຢາສູບຈີນຈໍານວນ 9 ແກັດ, ທີ່ນໍາເຂົ້າບໍ່ຖືກຕ້ອງ ແລະ ໄດ້ຈໍາໜ່າຍຢູ່ ນະຄອນຫລວງວຽງຈັນ.

ພັທ ສົມຈິດ ຟອງສະຫວັນ ຮອງຫົວຫນ້າພະແນກຕໍາຫລວດ ປ້ອງກັນເສດຖະກິດ ໃຫ້ຮູ້ວ່າ: ວັນທີ 11 ກຸມພາ 2022 ແລະ ວັນທີ 2 ມີນາ 2022 ໄດ້ກວດພົບມີຮ້ານຂອງ ນາງ ສຸພັດຕາ ຕັ້ງຢູ່ບ້ານວຽງຈະເລີນ ເມືອງໄຊເສດຖາ 300 ກັບ,

ພົບເຫັນຢູ່ຮ້ານ ນາງສຸວັນນີ ຕັ້ງຢູ່ບ້ານຊໍາເກດ ເມືອງສີໂຄດຕະບອງ 84 ກັບ, ພົບເຫັນຢູ່ຮ້ານ ນາງ ວອນທິດາ ຕັ້ງຢູ່ບ້ານໂຊກໃຫຍ່ ເມືອງໄຊເສດຖາ362 ກັບ ແລະ ພົບເຫັນຢູ່ຮ້ານ ທ້າວ ສິດທິເອກ ຕັ້ງຢູ່ບ້ານຈອມມະນີ ເມືອງໄຊເສດຖາ 200 ກັບ ພ້ອມທັງ ກວດພົບຢາສູບຈີນ 9 ແກັດ.

ດັ່ງນັ້ນ, ຈິ່ງຢຶດຢາສູບໄຟຟ້າ ແລະ ຢາສູບຈີນ ໄທຳລາຍຖິ້ມ ສຳລັບຜູ້ຂາຍ ແມ່ນກ່າວເຕືອນ.

Related Posts

Leave a Reply

Your email address will not be published.