ລາຄານ້ຳມັນດິບໃນຕະຫຼາດໂລກ ປັບລົງຕໍ່ເນື່ອງ ມີຄວາມກັງວົນວ່າເສດຖະກິດທົ່ວໂລກອາດຖົດຖອຍ.

ລາຄານ້ຳມັນດິບໃນຕະຫຼາດໂລກ ປັບລົງຕໍ່ເນື່ອງ ມີຄວາມກັງວົນວ່າເສດຖະກິດທົ່ວໂລກອາດຖົດຖອຍ.

ລາຄານ້ຳມັນດິບໃນຕະຫຼາດໂລກ ປັບລົງຢ່າງຕໍ່ເນື່ອງ, ຫຼ້າສຸດລາຄານ້ຳມັນດິບເວສເທັກຊັສ ( WTI ) ປັບລົງ 0,41% ຊື້ – ຂາຍຢູ່ທີ່ 99,35 ໂດລາຕໍ່ບາເຣວ,

ຂະນະທີ່ ລາຄານ້ຳມັນດິບ ເບຣນ ( BRENT ) ປັບລົງ 3,28% ຊື້ – ຂາຍຢູ່ທີ່ 102,50 ໂດລາຕໍ່ບາເຣວ.

ປັດໄຈສຳຄັນທີ່ເຮັດໃຫ້ລາຄານ້ຳມັນດິບໃນຕະຫຼາດໂລກປັບລົງ:

1. ເກີດຄວາມກັງວົນວ່າເສດຖະກິດໂລກອາດຈະຂະຫຍາຍຕົວຊ້າ ເຊິ່ງຈະເຮັດໃຫ້ຄວາມຕ້ອງການບໍລິໂພກນ້ຳມັນຈາກທົ່ວໂລກຫຼຸດລົງ

2. ມາດຕະການປິດເມືອງ ( ລັອກດາວ ) ເພື່ອຄວບຄຸມໂຄວິດ – 19 ຂອງລັດຖະບານຈີນ

3. ຄວາມກັງວົນວ່າ ເສດຖະກິດຂອງສະຫະພາບເອີຣົບອາດຈະເຂົ້າສູ່ສະພາວະທົດຖອຍ ຫາກຄວາມຂັດແຍ່ງລະຫວ່າງ ຣັດເຊຍ ແລະ ອູ ແກຣນແກ່ຍາວອອກໄປ.

4. ທະນາຄານກາງສະຫະລັດອາເມລິກາ ( FED ) ປັບຂຶ້ນອັດຕາດອກເບ້ຍນະໂຍບາຍ ເພື່ອຄວບຄຸມອັດຕາເງິນເຟີ້ ແລະ ການແຂງຄ່າຂອງເງິນໂດລາສະຫະລັດສູ່ຈຸດສູງສຸດໃນຮອບເກືອບ 20 ປີ ເຮັດໃຫ້ລາຄານ້ຳມັນແພງຂຶ້ນ ສຳລັບຜູ້ຊື້ທີ່ໃຊ້ສະກຸນເງິນອື່ນ.

ຂໍ້ມູນ: ເສດຖະກິດການຄ້າ

Related Posts

Leave a Reply

Your email address will not be published.