Breaking News

ເກີດເຫດພະຍຸລະດູຮ້ອນ ເມີຶອງໂຂງ 254 ຄອບຄົວໄດ້ຮັບຜົນກະທົບ

ເກີດເຫດພະຍຸລະດູຮ້ອນ ເມີຶອງໂຂງ 254 ຄອບຄົວໄດ້ຮັບຜົນກະທົບ

ເມືອງໂຂງ ມີ 254 ຄອບຄົວໄດ້ຮັບຜົນກະທົບຈາກພະຍຸລະດູຮ້ອນ.

ຕາມການໃຫ້ຮູ້ຈາກທ່ານ ອານຸແສງ ຈັນທະລາວົງ ກຳມະການພັກເມືອງຫົວໜ້າຫ້ອງ ການແຮງງານສະຫວັດດີການ ແລະສັງຄົມເມືອງໃຫ້ຮູ້ໃນເບື້ອງຕົ້ນວ່າ:

ໃນເວລາປະມານ 20:30 ຂອງວັນທີ 17 ພຶດສະພາ 2021 ທີ່ຜ່ານມາໄດ້ເກີດມີພະຍຸລະດູຮ້ອນເປັນເຫດເຮັດໃຫ້ເຮືອນຊານຂອງພໍ່ແມ່ປະຊາຊົນໄດ້ຮັບຜົນກະທົບຈຳນວນ 254 ຄອບຄົວ ແລະບໍ່ມີທີ່ຢູ່ອາໄສອີກຈຳນວນໜຶ່ງ.

ສະນັ້ນດ້ວຍຄວາມເປັນຫ່ວງເປັນໄຍຂອງອຳນາດການປົກຄອງຕໍ່ກັບເຫດການຄັ້ງນີ້ໃນວັນທີ 18 ພຶດສະພາ ທ່ານນາງ ຄຳພູ ລິດທິສັກ ກຳມະການພັກແຂວງເລຂາພັກເມືອງເຈົ້າເມືອງໆໂຂງ ພ້ອມພາກສ່ວນກ່ຽວຂ້ອງໄດ້ລົງຕິດຕາມເບິ່ງຜົນກະທົບໂຕຈິງຢ່າງຮີບດ່ວນເປັນຕົ້ນ:

ຫົວສັນ, ຫາງສັນ, ແສນລ່າມ, ໂຂງຫາດງິ້ວ ແລະໂຂງແຫຼມ. ໂອກາດນີ້ຫົວໜ້າຫ້ອງການແຮງງານສະຫວັດດີການ ແລະສັງຄົມລາຍງານຕື່ມວ່າ: ພະຍຸລະດູຮ້ອນຄັ້ງນີ້ ໄດ້ສ້າງຄວາມເສຍຫາຍເປັນບໍລິເວນກວ້າງພໍສົມຄວນມີຈຳນວນ 9 ບ້ານທີ່ໄດ້ຮັບຜົນກະທົບຄື:

ໂຂງຫາດງິ້ວມີຈຳນວນ 23 ຄອບຄົວ, ໂຂງແຫຼມ 19 ຄອບຄົວ, ຫົວສັນ 52 ຄອບຄົວ, ຫາງສັນ 36 ຄອບຄົວ, ແສນລ່າມ 37 ຄອບຄົວ, ນາລານ 30 ຄອບຄົວ, ຫ້ວຍໄຮ 52 ຄອບຄົວ, ລົມພັດ 5 ຄອບຄົວ ແລະນາແສນພັນ ມີ 28 ຄອບຄົວ.

ຂ່າວໃຫ້ຮູ້ຕື່ມວ່າ: ປັດຈຸບັນຄະນະກຳມະການຕ້ານໄພພິບັດຂັ້ນເມືອງພວມສຸມໃສ່ໃນການລົງເກັບກຳເອົາຂໍ້ມູນຜົນເສຍຫາຍຕົວຈິງເພື່ອສະຫລຸບແລ້ວລາຍງານຕໍ່ອຳນາດການປົກຄອງໃນການຊ່ວຍເຫຼືອຂັ້ນຕົ້ນຢ່າງຮີບດ່ວນ.

About admin

Check Also

ທ່ານນາຍົກຢາກໄປທ່ຽວຄຸນໝິງຫຼັງຈາກເປີດປະເທດ

ໃນຂະນະທີ່ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ ໄດ້ນັ່ງລົດໄຟລາວ-ຈີນ ຮອບປະຖົມມະເລີກກັບພັນລະຍາ ພ້ອມດ້ວຍຄະນະເດີນທາງຈາກສະຖານີນະຄອນລວງວຽງຈັນຫາສະຖານີວັງວຽງໃນວັນທີ 3 ທັນວາ 2021. ທ່ານໄດ້ສະແດງຄວາມດີໃຈເປັນຢ່າງຍິ່ງ ພ້ອມທັງຕີລາຄາສູງ …

Leave a Reply

Your email address will not be published. Required fields are marked *

Recent Comments

No comments to show.