Breaking News

ຊົມເຊີຍ ແພດໝໍແຂວງວຽງຈັນ​ ປິ່ນປົວຜູ້ຕິດເຊື້ອ ຫາຍດີໝົດແລ້ວ

ຊົມເຊີຍ ! ທີມງານແພດໝໍແຂວງວຽງຈັນ ສຳເລັດການປິ່ນປົວຜູ້ຕິດເຊື້ອພະຍາດໂຄວິດ

ຄືດັ່ງທີ່ເຮົາຮູ້ນຳກັນແລ້ວວ່າ ການແຜ່ລະບາດຂອງພະຍາດໂຄວິດ19 ໃນຮອບທີ2 ຢູ່ ສປປ ລາວ ໄດ້ເລີ່ມຂຶ້ນໃນກາງເດືອນທີ່ຜ່ານມາ ແລະ ໄດ້ແຜ່ລະບາດມາຮອດແຂວງວຽງຈັນ.

ທາງຄະນະສະເພາະກິດຕ້ານ ແລະ ຕອບໂຕ້ການແຜ່ລະບາດຂອງພະຍາດໂຄວິດ19 ແລະ ທີມງານແພດໝໍຂັ້ນແຂວງ, ຂັ້ນເມືອງ, ຂັ້ນບ້ານ, ພ້ອມດ້ວຍປະຊາຊົນບັນດາເຜົ່າຊາວແຂວງວຽງຈັນ

ໄດ້ພ້ອມກັນບັດຕິບັດຕາມມາດຕະການຂອງຂັ້ນເທິງວາງອອກຢ່າງເຂັ້ມງວດ ຈຶ່ງເຮັດໃຫ້ຜູ້ຕິດເຊື້ອພະຍາດໂຄວິດ19 ຢູ່ແຂວງວຽງຈັນມີພຽງແຕ່ 18 ຄົນ, ຍິງ 11 ຄົນ ແລະ ໄດ້ເລີ່ມເຂົ້າຮັບການປິ່ນປົວຢູ່ສູນປິ່ນປົວພະຍາດໂຄວິດ19 ແຂວງວຽງຈັນ ແຕ່ວັນທີ 23 ເມສາ 2021 ເປັນຕົ້ນມາ.

ຈົນມາຮອດປະຈຸບັນນີ້ທັງ 18 ຄົນນັ້ນ ແມ່ນໄດ້ຮັບການປິ່ນປົວຫາຍດີໝົດແລ້ວ ແລະ ໄດ້ມີການມອບ-ຮັບສົ່ງກັບບ້ານເປັນ 4 ຄັ້ງ, ຄືຄັ້ງທຳອິດ ວັນທີ 7 ພຶດສະພາ 2021 ມີຈຳນວນ 3 ຄົນ.

ຄັ້ງທີ2ໃນວັນທີ 10 ພຶດສະພາ 2021 ມີຈຳນວນ 4 ຄົນ, ຄັ້ງທີ3 ໃນວັນທີ 14 ພຶດສະພາ 2021 ມີຈຳນວນ 5 ຄົນ.

ແລະ ຄັ້ງສຸດທ້າຍ ໃນວັນທີ 20 ພຶດສະພາ 2021. ທັງໝົດ 18 ຄົນນີ້ ແມ່ນໄດ້ສົ່ງກັບບ້ານໝົດແລ້ວ ແລະ ໄດ້ໃຫ້ສືບຕໍ່ກັກໂຕອີກ 14 ມື້. ປະຈຸບັນສູນປິ່ນປົວພະຍາດໂຄວິດ19 ແຂວງວຽງຈັນໄດ້ປິດແລ້ວ.

ຕ້ອງຂໍສະແດງຄວາມຍ້ອງຍໍຊົມເຊີຍທີມງານແພດໝໍແຂວງວຽງຈັນທີ່ມີຄວາມເອົາໃຈໃສ່ ແລະ ສາມາດປິ່ນປົວຜູ້ຕິດເຊື້ອພະຍາດໂຄວິດ19 ຢູ່ແຂວງວຽງຈັນໃຫ້ຫາຍດີໝົດແລ້ວ.

ປະຈຸບັນຄະນະສະເພາະກິດແຂວງວຽງຈັນແມ່ນໄດ້ສຸມໃສ່ຕິດຕາມ ແລະເຝົ້າລະວັງກໍລະນີທີ່ມີຄວາມສ່ຽງ ,ກຳນົດເຂດທີ່ມີຄວາມສ່ຽງ ສີແດງ, ສີເຫລືອງ ແລະ ສີຂຽວ ພ້ອມທັງສຸມໃສ່ປຸກລະດົມຊຸກຍູ້ປະຊາຊົນໃຫ້ເຂົ້າຮ່ວມຮັບການສັກວັກຊິນ ຢ່າງທົ່ວເຖີງ.

ພາບບັນຍາກາດການເຮັດວຽກຂອງທີມແພດ ແລະ ຄະນະສະເພາະກິດປະຕິບັດໜ້າທີ່ໃນການຈັດຕັ້ງປະຕິບັດວຽກງານຕ້ານ ແລະ ສະກັດກັ້ນພະຍາດໂຄວິດ19ຢູ່ແຂວງວຽງຈັນ.

ພາບແລະຂ່າວໂດຍ: ນັກຂ່າວນັກຂ່າວແຂວງວຽງຈັນ,ເມືອງທົ່ວແຂວງ ແລະ ນັກຂ່າວອອນລາຍ

About admin

Check Also

ເຫດລົດຂົນໝາກໄມ້ປີ້ນ

ເຫດລົດຂົນໝາກໄມ້ປີ້ນ.ຕອນບ່າຍຄ້າຍແລງ ວັນທີ 29 ມັງກອນ 2022,ເສັ້ນທາງ 13 ເໜືອ ເຂດປາກມອງ ແຂວງຫຼວງພະບາງ.ທຸກຄົນປອດໄພ. … …

Leave a Reply

Your email address will not be published.

Recent Comments

No comments to show.