ປະເທດສີລັງກາ🇱🇰 ເປັນຊາດທຳອິດຂອງອາຊີ ທີ່ກ້າວເຂົ້າສູ່ການເປັນປະເທດທີ່ລົ້ມລະລາຍຢ່າງສົມບູນ

#ປະເທດສີລັງກາ🇱🇰 ເປັນຊາດທຳອິດຂອງອາຊີ ທີ່ກ້າວເຂົ້າສູ່ການເປັນປະເທດທີ່ລົ້ມລະລາຍຢ່າງສົມບູນ

ບໍ່ມີເງີນຈ່າຍຫນີ້ສິນ , ຂາດແຄນພະລັງງານ , ຂາດແຄນເງີນຕາ,ຂາດແຄນອາຫານ.

ຈາກການລາຍງານຂ່າວ dailynews,ສີ​ລັງກາ ພວມ​ຂາດ​ແຄນ ​ນ້ຳມັນ ​ເຊື້ອ​ໄຟ ຢ່າງ​ໜັກ ຫລັງ​ຈາກ ກະຊວງ ​ພະລັງງານ​ ສີ​ລັງກາ ອອກ​ແຈ້ງ​ການ​ດ່ວນ ​ໃນ​ວັນ​ທີ25 ​ມິຖຸນາ​ນີ້​ວ່າ:​ ກຳ​ປັ່ນ ​ຂົນ​ສົ່ງ​ ນ້ຳມັນ​ ຫລາຍ​ລຳ ບໍ່​ໄດ້​ເດີນທາງ​ມາ ​ທຽບ​ທ່າ​ ຕາມ​ກຳນົດ ​ໂດ​ຍບໍ່​ແຈ້ງ​ ເຫດຜົນ ​ຢ່າງ​ຈະ​ແຈ້ງ.

ຂະນະ​ທີ່ ກຳ​ປັ່ນ​ລຳລຽງ​ ນ້ຳມັນ​ເຊື້ອ​ໄຟ ອີກ​ຫລາຍ​ລຳ ປະຕິ​ເສດ​ ຈອດ​ທຽບ​ທ່າ ດ້ວຍ​ເຫດຜົນ​ ກ່ຽວ​ກັບ ສະຖານະ​ການ ​ທາງ​ເງິນ​ ຂອງ​ສີ​ລັງກາ​ ຂະນະ​ທີ່ ບໍລິສັດ​ Ceylon Petroleum Corporation ລັດ​ວິ​ສາ​ຫະກິດ ດ້ານ​ນ້ຳມັນ​ເຊື້ອ​ໄຟ ຂອງ​ສີ​ລັງກາ ຍັງ​ບໍ່​ສາມາດ ​ຄາດ​ການ​ໄດ້​ວ່າ

ຈະ​ໄດ້​ຮັບ​ ນ້ຳມັນ​ ເຊື້ອ​ໄຟ​​ໃໝ່ ຫລື ບໍ່ ​ແລະ ​ເມື່ອ​ໃດ ​ໂດຍ​ບໍລລິ​ສັດ Ceylon Petroleum Corporation ຈຳ​ເປັນ​ຕ້ອງ​ໂຈະ​ ການ​ນດຳ​ເນີນ ​ຂອງ​ໂຮງ​ກັ່ນ ທີ່​ມີ​ຢູ່​ແຫ່ງ​ດຽວ ​ເປັນ​ການ​ຊົ່ວຄາວ ທັງ​ທີ່​ມີ ​ການ​ດຳ​ເນີນ​ການ​ ຮອບ​ຫລ້າ​ສຸດ ​ເມື່ອ​ຕົ້ນ​ເດືອນ​ນີ້ ​ໂດຍ​ໃຊ້​ນ້ຳມັນ​ດິບ 90.000​ໂຕນ​ຂອງຣັດ​ເຊຍ ຊື້​ຜ່ານ​ນາຍ​ໜ້າ ທີ່​ນະຄອນ​ນດູ​ໄບ ​

ໃນ​ສະຫະ​ນະຄອນ​ ເອ​ເມ​ເຣັດ ອາຣັບ​ ແລະ ບໍລິສັດ​ ດັ່ງກ່າວ ຍັງ​ມີ​ໜີ້​ ຄ້າງ​ຈ່າຍ ຫລາຍ​ກວ່າ700 ລ້ານ​ໂດ​ລາ​ສະຫະລັດ.

ຂະນະ​ນີ້ທ່ານ Ranil Wickremesinghe,ນາຍົກລັດຖະມົນຕີ ສີ​ລັງກາ ຖະ​ແຫລ​ງ​ ແບບ​ກົງ​ໄປ​ກົງ​ມາ ​ເມື່ອ​ບໍ່​ດົນ​ມາ​ນີ້​ວ່າ:

​ເສດຖະກິດ​ ຂອງ​ປະ​ເທດ ພວມ​ກ້າວ​ເຂົ້າສູ່​ສະພາວະ ​ລົ້ມລະລາຍ ຢ່າງ​ສົມບູນ ​ເນື່ອງ​ຈາກ ບໍ່​ມີ​ງົບປະມານ ນຳ​ເຂົ້າ ນ້ຳມັນ​ເຊື້ອ​ເພີງ ​ແລະ ອາຫານ ​ໃຫ້​ພຽງພໍ​ກັບ ​ຄວາມ​ຕ້ອງການ​ ຂອງ​ປະຊາກອນ​ ພາຍ​ໃນ​ປະ​ເທດ ​ເກືອບ 22 ລ້ານ​ຄົນ.

Related Posts

Leave a Reply

Your email address will not be published.