ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​

ທີ່ຂ່າວໜັງສືພິມ ປກສ​ ໂພສວັນທີ 28 ມິຖຸນາ 2022

ຫຼ້າສຸດ ວັນທີ 29 ມິຖຸນາ​ 2022 ຂ່າວ ປກສ Lao PSTV News​ ອອກມາຊີ້ແຈງວ່າ:

ເຈົ້າໜ້າທີ່ໄດ້ດໍາເນີນຄະດີຢ່າງເຂັ້ມງວດ ຕໍ່ຜູ້ທີ່ເຄື່ອນໄຫວໂຄສະນາແລກປ່ຽນເງິນຕາຕ່າງປະເທດ ທີ່ບໍ່ຖືກຕ້ອງ

ຊົມຄລິບທີ່ລີ້ງ:

https://fb.watch/dY23jSok0F/

https://fb.watch/dY23jSok0F/

#ປະຊາຊົນຂ້ອງໃຈ ເຮັດຊ້ຳຊ້ອນແຕ່ບໍ່ລົງໂທດ ພຽງແຕ່ສຶກສາອົບຮົບ.

#ໃຫ້ໂອກາດຄັ້ງທີ2 ຮ້ານແລກປ່ຽນເງິນຕາບໍ່ຖືກຕ້ອງ

ໃນວັນທີ 27 ມິຖຸນາ 2022 ເຈົ້າໜ້າທີ່ກົມຕຳຫຼວດ ເສດຖະກິດ ກົມໃຫຍ່ຕຳຫລວດກະຊວງ ປກສ ໄດ້ ຮຽກຕົວທ້າວ ເດຊາ ອາຍຸ 29 ປີ,ນັກທຸລະກິດ ບ້ານ ສີສັງວອນ ເມືອງ ໄຊເສດຖາ ນະຄອນຫຼວງວຽງຈັນ ມາສືບສວນ-ສອບສວນ ຄັ້ງທີ 2 ຍ້ອນຜູ້ກ່ຽວໄດ້ ເຄື່ອນໄຫວຊ້ຳໂຄສະນາແລກປ່ຽນເງິນຕາບໍ່ຖືກຕ້ອງ ຜ່ານສື່ສັງຄົມອອນລາຍ

ເຈົ້າຫນ້າທີ່ໃຫ້ຂໍ້ມູນວ່າ: ໃນຄັ້ງທຳອິດເຈົ້າໜ້າທີ່ກົມຕຳຫຼວດເສດຖະກິດໄດ້ຮຽກ ທ້າວ ເດຊາ ມາເຮັດບົດບັນທຶກສຶກສາອົບຮົມກ່າວເຕືອນບໍ່ໃຫ້ຜູ້ກ່ຽວເຄື່ອນໄຫແລກປ່ຽນເງິນຕາບໍ່ຖືກຕ້ອງຕາມລະບຽບກົດໝາຍອີກ, ຕໍ່ມາວັນທີ 13 ມິຖຸນາ 2022 ເຈົ້າໜ້າທີ່ໄດ້ກວດພົບເຫັນຜູ້ກ່ຽວ,ໄດ້ສືບຕໍ່ມີການເຄື່ອນໄຫວໂຄສະນາແລກປ່ຽນເງິນຕາຕ່າງປະເທດຜ່ານສື່ສັງຄົມອອນລາຍອີກເປັນຄັ້ງທີ 2 ເຫັນວ່າການກະທໍາຂອງຜູ້ກ່ຽວແມ່ນເປັນການກະທຳຜິດຊ້ຳ,ບໍ່ເຂັດຫຼາບ ສະນັ້ນ ເຈົ້າໜ້າທີ່ຈຶ່ງໄດ້

ສືບສວນ-ສອບສວນຕໍ່ຜູ້ກ່ຽວໃນຂໍ້ກ່າວຫາ ການລະເມີດລະບຽບການຄຸ້ມຄອງເງິນຕາຕ່າງປະເທດຕາມມາດຕາ 285 ແລະ ການດຳເນີນທຸລະກິດບໍ່ຖືກຕ້ອງຕາມກົດໝາຍຕາມມາດຕາ 297 ຂອງປະມວນກົດໝາຍອາຍາ ປີ 2017 ໃນການນຳຮຽກຕົວມາໃນຄັ້ງນີ້,ຜູ້ກ່ຽວຍອມຮັບຜິດວ່າບໍ່ມີໃບຖະບຽນວິສະຫະກິດ ແລະ ໃບອະນຸຍາດ ດຳເນີນທຸລະກິດແລກປ່ຽນເງີນຕາ ແລະ ບໍ່ໄດ້ມອບພັນທະອາກອນໃຫ້ລັດ,

ສະນັ້ນເຈົ້າໜ້າທີ່ສຶກສາອົບຮົມກ່າວເຕືອນທັງໃຫ້ດຳເນີນທຸລະກິດຖືກຕ້ອງຕາມລະບຽບກົດຫມາຍ ແລະ ເຮັດບົດບັນທຶກແລ້ວປ່ອຍຕົວຜູ້ກ່ຽວ

ລວມຍອດການເຮັດທຸລະກຳເຄື່ອນໄຫວບັນຊີຂອງທ້າວ ເດຊາ ນັບແຕ່ວັນທີ 1 ເມສາ 2022 ຫາ ວັນທີ 27 ພຶດສະພາ 2022, ຕາມການເຄື່ອນໄຫວບັນຊີ ສຳຮອງມີລາຍລະອຽດດັ່ງລຸ່ມນີ້:ເງິນໂດລາໂອນເຂົ້າຈຳນວນ: 334.661 ໂດລາ ( ຈໍານວນ 102 ຄັ້ງ ).

ເງິນໂດລາ ໂອນອອກຈຳນວນ: 226.332 ໂດລາ( ຈຳນວນ 63 ຄັ້ງ )ເງິນບາດ ໂອນເຂົ້າຈຳນວນ: 12.599.136 ບາດ ( ຈໍານວນ 223 ຄັ້ງ )ເງິນບາດ ໂອນອອກຈຳນວນ11.885.610 ບາດ ( ຈຳນວນ 93 ຄັ້ງ)ເງິນກີບໂອນເຂົ້າຈຳນວນ: 14.452.782.000ກີບ(ຈຳນວນ1.117ຄັ້ງ)ເງິນກີບໂອນອອກຈຳນວນ: 14.665.630.196 ກີບ ( ຈຳນວນ 1.631 ຄັ້ງ )

ປັດຈຸບັນ,ເຈົ້າໜ້າທີ່ຕຳຫຼວດກຳລັງສືບສວນ-ສອບ ສວນຂະຫຍາຍຜົນຫາບຸກຄົນທີ່ມີສ່ວນຮ່ວມພົວພັນໃນການແລກປ່ຽນເງິນຕາຕ່າງປະເທດບໍ່ຖືກ ຕ້ອງເພື່ອດຳເນີນຄະດີຕາມລະບຽບກົດໝາຍ.

ຊົມຄລິບ:

https://web.facebook.com/100012290672578/videos/285023067138836/

ຂໍ້ມູນຈາກ:ຂ່າວ ປກສCr: Houmphaeng Vilayphone#

Related Posts

Leave a Reply

Your email address will not be published.