ຂ່າວທົ່ວໄປ

9 ເດືອນຜ່ານມາ ເສດຖະກິດຂະຫຍາຍໂຕ 4,2% ຈະສູ້ຊົນໃຫ້ໄດ້ 4,4% ໃນທ້າຍປີນີ້! .

9 ເດືອນຜ່ານມາ ເສດຖະກິດຂະຫຍາຍໂຕ 4,2% ຈະສູ້ຊົນໃຫ້ໄດ້ 4,4% ໃນທ້າຍປີນີ້! .

ທ່ານ ພັນຄໍາ ວິພາວັນ ນາຍົກລັດຖະມົນຕີ ໄດ້ລາຍງານກ່ຽວກັບແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ແຜນເງິນຕາໃນວາລະຂອງການດໍາເນີນກອງປະຊຸມສະໄຫມສາມັນເທື່ອທີ 4 ຂອງສະພາ ແຫ່ງຊາດຊຸດທີ IX ທີ່ໄດ້ໄຂຂຶ້ນ ໃນຕອນເຊົ້າວັນທີ 5 ທັນວາ 2022 ນີ້ວ່າ:.

ອີງໃສ່ການຄິດໄລ່ GDP ໃນໄລຍະ 9 ເດືອນຜ່ານມາ ເຫັນວ່າເສດຖະກິດແຫ່ງຊາດຂະຫຍາຍຕົວໃນລະດັບ 4,2% ແລະ ຄາດວ່າຫມົດປີຈະສູ້ຊົນໃຫ້ຂະຫຍາຍຕົວໄດ້ໃນລະດັບ 4,4% (ແຜນການ 4,5%) ເຖິງແມ່ນວ່າຈະບໍ່ບັນລຸຕາມແຜນ ແຕ່ກໍມີທ່າອ່ຽງຂະຫຍາຍຕົວທີ່ດີຂຶ້ນຈາກ ປີ 2021 ແມ່ນ 3,5% ເພາະໃນສະພາບແວດລ້ອມທີ່ຫຍຸ້ງຍາກ ແລະ ທ້າທາຍໃນປັດຈຸບັນ..

ສໍາລັບການເກັບລາຍຮັບງົບປະມານ ໄດ້ເພີ່ມທະວີການຄຸ້ມຄອງ ແລະ ຕ້ານການຮົ່ວໄຫລຂອງລາຍຮັບງົບປະມານແຫ່ງ ລັດ ດ້ວຍການສຸມໃສ່ຫັນການເກັບລາຍຮັບເປັນທັນສະໄຫມ ແລະ ອອກນິຕິກໍາລຸ່ມກົດຫມາຍຈໍານວນຫນຶ່ງ ພ້ອມທັງສຸມໃສ່ສ້າງຖານອາກອນມູນຄ່າເພີ່ມໄດ້ 9.496 ຫົວຫນ່ວຍ ໃນຈໍານວນທັງຫມົດ 10,500 ຫົວຫນ່ວຍໃນຂອບເຂດທົ່ວປະເທດ..

ເຮັດໃຫ້ການເກັບລາຍຮັບງົບປະມານ 11 ເດືອນ ບັນລຸໄດ ້ 28.455 ຕື້ກີບ ເທົ່າກັບ 90,06% ຂອງແຜນການປີ (ບໍ່ ລວມເອົາລາຍຮັບ ຈາກການຫລຸດຜ່ອນອັດຕາອາກອນຊົມໃຊ ້ເພື່ອດັດສົມລາຄານໍ້າມັນ ທີ່ລັດຖະບານໄດ້ຊ່ວຍຫນູນທົ່ວ ສັງຄົມ ຈໍານວນ 2.819 ຕື້ກີບ..

ລາຍຮັບພາຍໃນສາມາດບັນລຸໄດ້ 26.655 ຕື້ກີບ ທຽບໃສ່ໄລຍະດຽວ ກັນຂອງປີຜ່ານມາເພີ່ມຂຶ້ນ 29% ຫລື ເພີ່ມຂຶ້ນເປັນເງິນທຽບເທົ່າ 5.980 ຕື້ກີບ. ຄາດຄະເນລາຍຮັບຫມົດປີ 2022 ຈະປະຕິບັດໄດ້ເກີນແຜນ ໃນລະດັບບໍ່ຫລຸດ 2%.

ທີ່ມາ: ລາວພັດທະນາ

ພາບ: Tonamcha#TargetMagazine

Related Articles

Leave a Reply

Your email address will not be published. Required fields are marked *

Back to top button