ວັນທີ 10 ມີນາ 2023 ຜ່ານມານີ້ ຜູ້ໃຊ້ເຟສບຸກ Viyalak Vongprachanh ໂພສພາບບັນຊີ ພ້ອມຂໍ້ຄວາມວ່າບັນຊີຂອງຂ້ອຍ ຖືກດູດເງິນໂດຍບໍ່ຮູ້ສາເຫດ ສູນເສຍໄປ 57 ລ້ານກວ່າກີບຈຶ່ງໄດ້ມີການໄປແຈ້ງຄວາມໄວ້
ພ້ອມເຂົ້າໄປລາຍງານທະນາຄານ.
ຫລ້າສຸດ ວັນທີ 14 ມີນາ 2023 ນີ້ ຜູ້ໃຊ້ເຟສບຸກຄົນດຽວກັນນັ້ນໄດ້ອອກມາໂພສຕື່ມວ່າ:ກ່ອນໜ້ານີ້ ທີ່ຂ້າພະເຈົ້າໄດ້ໂພສຂໍ້ຄວາມລົງໄປກ່ຽວກັບ
ເງິນໃນບັນຊີຖືກຖອນອອກໂດຍບໍ່ຮູ້ສາເຫດນັ້ນ ປັດຈຸບັນແມ່ນໄດ້ຮັບການແກ້ໄຂ ແລະ ໄດ້ຮັບເງິນຄືນຈາກທະນາຄານແລ້ວ,
ຍ້ອນຄວາມກັງວົນ ແລະ ຕົກໃຈ ຈື່ງໄດ້ໂພສລົງໄປດ້ວຍຂໍ້ຄວາມຕາມທີ່ເຫັນ ພຽງເພື່ອຢາກໃຫ້ໝູ່ເພື່ອນໃນເຟສບຸກມີສະຕິລະວັງຕົວເທົ່ານັ້ນ.
ພາຍຫຼັງທີ່ໄດ້ໂພສຂໍ້ຄວາມລົງໄປກໍມີໝູ່ເພື່ອນຫຼາຍຄົນເຂົ້າມາສະແດງຄວາມຄິດເຫັນ ແລະ ກົດແຊຣ
ອອກໄປເປັນຈໍານວນຫຼາຍ ຕໍ່ກັບບັນຫາດັ່ງກ່າວ ທະນາຄານໄດ້ແກ້ໄຂ ແລະ ຂ້າພະເຈົ້າກໍໄດ້ຮັບເງິນຄືນແລ້ວ ແລະ ເພິ່ນກໍໄດ້ແນະນໍາໃຫ້ປ່ຽນບັດເກົ່າ ໃຫ້ເປັນບັດຊິບຮູບແບບໃໝ່ທັນທີ.
ສຸດທ້າຍນີ້ ຢາກແນະນໍາກັບທຸກຄົນວ່າ ໃຫ້ມີສະຕິລະວັງຕົວ ຖ້າເກີດບັນຫາກ່ຽວກັບການໃຊ້ບໍລິການຂອງທະນາຄານ ໃຫ້ຮີບຕິດຕໍ່ ແລະ ສອບຖາມກັບທະນາຄານກ່ອນ ຜ່ານຊ່ອງທາງທີ່ເປັນທາງການເທົ່ານັ້ນ ເຊັ່ນ:ໂທສາຍດ່ວນ 1555 ຫຼື ຕິດຕໍ່ພະນັກງານ
ຜ່ານແອັບ BCEL One ເພື່ອການຮັບຮູ້ຂໍ້ມູນທີ່ຖືກຕ້ອງຕາມຄວາມເປັນຈິງ ແລະ ແກ້ໄຂໃຫ້ທັນສະພາບ”ສຳລັບທ່ານໃດທີ່ໄດ້ຮັບຄວາມເສຍຫາຍ
ໃຫ້ຮີບໄປແຈ້ງທະນາຄານດ່ວນເດີ ພ້ອມປະຕິບັດຕາມຄຳແນະນຳຂອງທະນາຄານ ເພື່ອປ້ອງກັນໄພຈາກມິດສາຊີບ.
ຄລິບ
ທີ່ມາ
