Breaking News

ຂ່າວດີ ປິ່ນປົວພະຍາດແກ່ນຕາຂຸ້ນ ຟຣີ

ໂຄງການປິ່ນປົວພະຍາດແກ່ນຕາຂຸ້ນໂດຍບໍ່ໄດ້ເສຍຄ່າຄາດວ່າຈະເລີ່ມດໍາເນີນການຢູ່ທີ່ນະຄອນຫຼວງວຽງຈັນ ໃນ 6 ເດືອນທ້າຍປີນີ້ ທັງຍັງຈະສືບຕໍ່ດໍາເນີນວຽກງານນີ້ຢູ່ແຂວງຕ່າງໆໃນຂອບເຂດທົ່ວປະເທດລາວ ພາຍຫຼັງການແຜ່ລະບາດໂຄວິດ-19 ສິ້ນສຸດລົງ.

ທ່ານ ລຽງເຈິ້ນຢິ່ງ ປະທານມູນນິທິຊົມໃຊ້ຮ່ວມກັນ (GX Foundation) ຂອງ ສປ ຈີນ ກ່າວໃນພິຖີຖະແຫຼງຂ່າວ ທີ່ນະຄອນຫຼວງວຽງຈັນເມື່ອວັນທີ 4 ມິຖຸນາ 2021.

ສໍາລັບບຸກຄົນໃດທີ່ມີພະຍາດແກ່ນຕາຂຸ້ນທີ່ເບິ່ງບໍ່ເຫັນ ຈະສາມາດເຂົ້າເຖິງການບໍລິການ ແລະໄດ້ຮັບການຮັກສາໃຫ້ຫາຍຂາດໄດ້ໃນໄວໆນີ້ ດ້ວຍອຸປະກອນຜ່າຕັດທາງການແພດທີ່ທັນສະໄໝ ແລະຮັບປະກັນຄວາມປອດໄພ ເຊິ່ງໃຊ້ເວລາພຽງ 30 ນາທີໃນການຜ່ານຕັດ, ທີ່ສໍາຄັນການຜ່າຕັດແມ່ນບໍ່ໄດ້ເສຍຄ່າໃຊ້ຈ່າຍໃດໆ ເພາະເປັນການຊ່ວຍເຫຼືອຈາກມູນນິທິຊົມໃຊ້ຮ່ວມກັນຂອງ ສປ ຈີນ

ໂດຍການນໍາໃຊ້ລົດປິ່ນປົວເຄື່ອນທີ່ຈໍານວນ 2 ຄັນ ພ້ອມກັບຊ່ຽວຊານການແພດຈາກ ສປ ຈີນຈໍານວນໜຶ່ງ ພາຍຫຼັງສະຖານະການໂຄວິດ-19 ເບົາບາງລົງ ແລະຄາດວ່າ 5 ປີຂ້າງໜ້າ ຈະສາມາດປິ່ນປົວຜູ້ທີ່ເປັນພະຍາດແກ່ນຕາຂຸ້ນໃນ ສປປ ລາວໃຫ້ໝົດໄປ. ນອກຈາກນີ້, ຜູ້ປ່ວຍທີ່ເປັນພະຍາດແກ່ນຕາຂຸ້ນຈະໄດ້ຮັບການປະເມີນເງື່ອນໄຂທາງສະພາບຮ່າງກາຍໂດຍຊ່ຽວຊານການແພດ ກ່ອນດໍາເນີນການຜ່າຕັດໜ່ວຍຕາທຸກຄັ້ງ.

ຕາມຂໍ້ມູນຍັງໃຫ້ຮູ້ວ່າ: ໂຄງການຊ່ວຍເຫຼືອປິ່ນປົວພະຍາດແກ່ນຕາຂຸ້ນ ແມ່ນເປັນການຜັນຂະຫຍາຍແຜນແມ່ບົດ 5 ປີ ວ່າດ້ວຍການສ້າງຄູ່ຮ່ວມຊາຕາກໍາລາວ-ຈີນ ທີ່ມູນນິທິຊົມໃຊ້ຮ່ວມກັນໄດ້ເຊັນບົດບັນທຶກການຮ່ວມມືກັບກະຊວງສາທາລະນະສຸກຂອງລາວໃນລະຫວ່າງທ້າຍປີ 2019.ປະຈຸບັນ, ລົດເຄື່ອນທີ່ທັງສອງຄັນ ແລະທິມງານຊ່ຽວ ຊານປິ່ນປົວຊຸດທໍາອິດໄດ້ກະກຽມສໍາເລັດແລ້ວ,

ພາຍຫຼັງສະພາບ ໂຄວິດ-19 ໄດ້ຈາງຫາຍລົງແລ້ວ ຈະຮີບຮ້ອນແຕ່ງຕັ້ງມາລາວເພື່ອຊ່ວຍເຫຼືອແພດໝໍລາວໃນການຜ່າຕັດ.

ມູນິທິ GX ເປັນອົງການການກຸສົນຂອງ ສປ ຈີນທີ່ບໍ່ຫວັງຜົນກຳໄລ, ມີສຳນັກງານໃຫຍ່ຕັ້ງຢູ່ຮົງກົງ ໂດຍມີຈຸດປະສົງດໍາເນີນວຽກງານປິ່ນປົວພະຍາດສາຍຕາຂຸ້ນ, ຄວບຄຸມພະຍາດທີ່ເກີດຈາກ vector

ນອກນັ້ນ, ຍັງກວມເອົາວຽກງານການຄວບຄຸມຄວາມສ່ຽງໄພພິບັດສຸກເສີນທາງດ້ານສຸຂະພາບ, ລວມໄປເຖິງການຮ່ວມມືກັບສາກົນ ແລະການຖ່າຍທອດຄວາມຮູ້ໃຫ້ກັບຊຸມຊົນ ເພື່ອການຊ່ວຍເຫຼືອດ້ານມະນຸດສະທຳ, ດ້ານສາທາລະນະສຸກ ຕາມຂໍ້ລິເລີ່ມໂຄງການຍຸດທະສາດ (ໜຶ່ງແລວ ໜຶ່ງເສັ້ນທາງ) ຂອງ ສປ ຈີນ.

ພາບ-ຂ່າວ: CRI.

About admin

Check Also

ກະໝົດແນວລັກເນາະ..!! ໂຈນອອກລ່າ ສະລິບ ຕາມຫ້ອງແຖວ ລະວັງເດີ້ພີ່ນ້ອງ

ຈາກຜູ້ໃຊ້ເຟສບຸກຊື່ ຮ້ານການຊ່າງເຫລັກ ໂລມີຊ້າ ໄດ້ໂພສວ່າ: ລະວັງເດີ້ພີ່ນ້ອງຊ້ວງນີ້ໄດ້ມີຂີ້ລັກ ອອກລັກ ສະລິບຕາມຫ້ອງແຖວ ຈົ່ງມີສະຕິລະມັດລະວັງເດີ້. ເຫດເກີດຢູ່ຫ້ອງແຖວແຫ່ງຫນື່ງບ້ານພະຂາວ ເວລາ 11:00 ໂມງ ຕອນເວັນແສກໆມື້ນີ້ ວັນທີ 8/12/2021 …

Leave a Reply

Your email address will not be published. Required fields are marked *

Recent Comments

No comments to show.