Breaking News

ຂອບ​ໃຈ​ອີກ​ຄັ້ງ​ເດີ້ ສ​ປ ຈີນ ຊ່ວຍວັກຊີນປ້ອງກັນໂຄວິດ-19 ອີກ 500.000 ໂດສ ແລະ ມາຮອດນະຄອນຫຼວງວຽງຈັນແລ້ວ

ຕອນແລງ 14 ມິຖຸນາ 2021, ສປ ຈີນໄດ້ສົ່ງວັກຊີນປ້ອງກັນໂຄວິດ-19 ອີກ 500.000 ໂດດມາຮອດນະຄອນຫຼວງວຽງຈັນ ສປປ ລາວ ເຊິ່ງເປັນຄັ້ງທີ 4 ທີ່ ສປ ຈີນ ສະໜອງວັກຊີນປ້ອງກັນໂຄວິດ-19 ໃຫ້ກັບລັດຖະບານລາວ ເຊິ່ງລວມທັງທັງ 4 ຄັ້ງແລ້ວມີຈໍານວນຢູ່ 1 ລ້ານ 9 ແສນໂດດ.

ເຈົ້າໜ້າທີ່ສາທາລະນະສຸກທ່ານໜຶ່ງໃຫ້ຮູ້ວ່າ: ວັກຊີນປ້ອງກັນໂຄວິດ-19 500.000 ໃນຄັ້ງນີ້ ຈະເລີ່ມສັກໃຫ້ປະຊາຊົນເຂັມທໍາອິດ ຮອບທີ 2 ຢູ່ພາຍໃນນະຄອນຫຼວງວຽງຈັນໃນວັນທີ 15 ມິຖຸນານີ້. ສ່ວນຕ່າງແຂວງແມ່ນອາທິດໜ້າຄາດວ່າຈະໄດ້ຮັບວັກຊີນ ແລະຈະເລີ່ມສັກອີກຄັ້ງໜຶ່ງ.

ໄລຍະຜ່ານມາ, ນອກຈາກວັກຊິນປ້ອງກັນໂຄວິດ-19 ແລ້ວ ສປ ຈີນ ຍັງໄດ້ສະໜອງເຄື່ອງມື ແລະອຸປະກອນປ້ອງກັນໂຄວິດ-19 ຫຼາກຫຼາຍຢ່າງໃຫ້ກັບລັດຖະບານລາວ ເພື່ອຈະຈັດການກັບໂຄວິດ-19 ແລະສັງຄົມລາວກັບມາດໍາລົງຊີວິດຢູ່ໃນສະພາບປົກກະຕິ.

ມາຮອດປັດຈຸບັນ, ອີງຕາມຂໍ້ມູນຂອງກະຊວງສາທາລະນະສຸກລາຍງານໃນວັນທີ 11 ຜ່ານມາບອກວ່າ: ທົ່ວປະເທດລາວມີຜູ້ໄດ້ສັກວັກຊີນເຂັມທໍາອິດເຖິງ 712.279 ຄົນ ແລະເຂັມທີ່ສອງສັກໄດ້ 385.921 ຄົນ ເຊິ່ງ ສປປ ລາວໄດ້ເລີ່ມຈັດຕັ້ງປະຕິບັດສັກວັກຊີນໃຫ້ປະຊາຊົນທົ່ວປະເທດໃນຕົ້ນເດືອນມີນາທີ່ຜ່ານມາ.

About admin

Check Also

ແຕກອີກແລ້ວ

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 06/12/2021 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ເຮັງແທ້ ເລກທີ່ອອກ

Leave a Reply

Your email address will not be published. Required fields are marked *

Recent Comments

No comments to show.