Breaking News

ດ່ວນ! ສັ່ງປິດ ຕະຫຼາດສີໄຄ ແລະ ສູນການຄ້າສາກົນຊັ່ງຈຽງ ຊົ່ວຄາວ ເພາະມີຜູ້ຕິດເຊີຶ້ອໄປເລາະ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ເນື່ອງຈາກມີຜູ້ຕິດເຊື້ອພະຍາດໂຄວິດ-19 ເຂົ້າໄປໃຊ້ບໍລິການຢູ່ຕະຫຼາດສີໄຄ ແລະ ສູນການຄ້າສາກົນຊັ່ງຈຽງ ແລະ ເພື່ອສືບຕໍ່ປະຕິບັດມາດຕະການປ້ອງກັນ ແລະ ຫຼີກເວັ້ນຄວາມສ່ຽງ ໃນການແຜ່ເຊື້ອພະຍາດດັ່ງກ່າວ ຢູ່ໃນນະຄອນຫຼວງວຽງຈັນ, ພະແນກອຸດສາຫະກຳ ແລະ ການຄ້າ ຈຶ່ງອອກແຈ້ງການເຖິງຜູ້ອໍານວຍການ ຕະຫຼາດສີໄຄ ແລະ ຜູ້ອໍານວຍການ ສູນການຄ້າ ສາກົນຊັ່ງຈຽງ ເລື່ອງຂໍຄວາມຮ່ວມມືໃຫ້ໂຈະຊົ່ວຄາວກ່ຽວກັບການເປີດໃຫ້ບໍລິການ ແລະ ແຈ້ງມາໃຫ້ປະຕິບັດດັ່ງນີ້:

1.ໃຫ້ໂຈະຊົ່ວຄາວ ການເປີດບໍລິການຕະຫຼາດສີໄຄ ຕັ້ງຢູ່ບ້ານສີໄຄທົ່ງ, ເມືອງສີໂຄດຕະບອງ ແລະ ສູນການຄ້າສາກົນຊັ່ງຈຽງ ຕັ້ງຢູ່ບ້ານ ວັດໄຕນ້ອຍທົ່ງ, ເມືອງສີໂຄດຕະບອງ ນັບແຕ່ວັນທີ 15-16 ມິຖຸນາ 2021 ເພື່ອໃຫ້ດຳເນີນການຂີດຢາຂ້າເຊື້ອ ແລະ ເຮັດອານາໄມຄວາມສະອາດໃນທົ່ວບໍລິເວນຕະຫຼາດ ຕາມມາດຕະການທີ່ຄະນະສະເພາະກິດວາງອອກ, ໃຫ້ຊາວຄ້າຂາຍທັງໝົດຢູ່ໃນຕະຫຼາດໄປກວດຫາເຊື້ອຕາມຈຸດທີ່ທາງການໄດ້ກໍານົດໄວ້ ແລະ ໃຫ້ເຈົ້າຂອງຕະຫຼາດໂຄສະນາເຜີຍແຜ່ ແລະ ແຈ້ງໃຫ້ຊາວຄ້າຂາຍ, ພະນັກງານຂອງຕົນບໍ່ໃຫ້ແຕກຕື່ນ ແລະ ຕິດຕາມອາການຂອງຕົນເອງຢູ່ບ້ານ (ໃນໄລຍະນີ້ ຫ້າມບໍ່ໃຫ້ຊາວຄ້າຂາຍດັ່ງກ່າວໄປຂາຍຢູ່ຈຸດອື່ນໆອີກ ເນື່ອງຈາກຈະເປັນການແຜ່ເຊື້ອ) ຖ້າກໍລະນີຢາກອອກຈາກບ້ານ ຕ້ອງຂໍອະນຸຍາດນໍາອຳນາດການປົກຄອງບ້ານຕາມລະບຽບການ.

2.ໃຫ້ສືບຕໍ່ຕິດຕາມ ທິດຊີ້ນໍາຂອງຄະນະສະເພາະກິດ ເພື່ອປ້ອງກັນ, ຕ້ານ ແລະ ສະກັດກັ້ນການແຜ່ລະບາດພະຍາດໂຄວິດ-19 ຕື່ມ, ເພື່ອເປັນບ່ອນອີງໃນການພິຈາລະນາອະນຸຍາດໃຫ້ສືບຕໍ່ເປີດ ຫຼື ປີດ ການບໍລິການຄ້າຂາຍຢູ່ໃນສະຖານທີ່ດັ່ງກ່າວ.

3.ກ່ອນຈະເປີດການບໍລິການຄືນໃໝ່ ພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ ຈະໄດ້ລົງສົມທົບກັບຄະນະສະເພາະກິດ ອຳນາດການປົກຄອງເມືອງ, ບ້ານ ແລະ ຄະນະຈັດສັນຕະຫຼາດ ຮ່ວມກັນວາງແຜນການຈັດສັນ ຢ່າງເປັນລະບົບ ໃຫ້ມີຄວາມສະອາດຈົບງາມ ເພື່ອຫຼີກເວັ້ນບໍ່ໃຫ້ມີຜູ້ຕິດເຊື້ອພະຍາດໂຄວິດ-19.

ທັງນີ້, ສູນການຄ້າ ສາກົນຊັ່ງຈຽງ ກໍ່ໃຫ້ປະຕິບັດຕາມມາດຕະການຂ້າງເທີງນີ້ເຊັ່ນດຽວກັນ

About admin

Check Also

ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນ

#ຝາກເຖິງພາກສ່ວນທີ່ກ່ຽວຂ້ອງຊ່ວຍແກ້ໄຂໃຫ້ແນ່ ຮວມທັ້ງຜູ້ໃຈບຸນໃຈກຸສົນທີ່ກຳລັງແຫ່ກັນໄປຊ່ວຍຄູອາສາ500.000ກີບທີ່ລາອອກໄປແລ້ວຫັ້ນ ແອດມິນຄິດວ່າຄູຜູ້ນັ້ນກະໄດ້ຮັບຄວາມຊ່ວຍເຫຼືອໄປຫຼາຍລະເດ້ ເຮົາຄິດໃໝ່ກັນດີບໍ່?.. ວ່າດີກວ່າບໍ່ຖ້າເຮົາຊິໃຫ້ຄວາມສຳຄັນກັບຄູອາສາຜູ້ທີ່ຍັງເຮັດວຽກຢູ່ໃຫ້ຫຼາຍກວ່າຄຸອາສາທີ່ລາອອກໄປແລ້ວ.. ຜູ້ທີ່ລາອອກໄປແລ້ວເຂົາໄດ້ໄປເຮັດວຽກຫາເງີນຕາມອາຊີບເຂົາໄດ້ລະເດ້.. ແຕ່ຄູອາສາທີ່ຍັງເຮັດວຽກເປັນຄູຢູ່ເພີ່ນຍັງບໍ່ໄດ້ຮັບເງີນເດືອນຫຼືຄວາມຊ່ງຍເຫຼືອຫຍັງເລີຍເດີ້..ແຫ່ມາຊ່ວຍຄູທີ່ຍັງອົດທົນສອນລູກຫລານເຮົາດີກ່ອນບໍ່?ຢ່າງເຊັ່ນຄູອາສາຜູ້ນີ້ທີ່ສອນມາໄດ້8ປີແລ້ວ!ຕ້ອງເດີນທາງໄປສອນໃນເຂດຫ່າງໄກ,ມີຄວາມຫຍຸ້ງຍາກໃນການທຽວໄປສອນ,ໂຮງຮຽນຍັງບໍ່ມີສິ່ງເອື້ອອຳນວຍ…, ຕ້ອງໄດ້ເຮັດຫຼາຍຢ່າງດ້ວຍຕົວເອງ,ບໍ່ມີໄຟຟ້າ,ການແຕ່ງບົດສອນຕ້ອງອາໄສຕະກຽງມົງຊົງ ແລະສຸດທ້າຍກະຄືຫຼັງຈາກເສັງລັດຖະກອນປີນີ້ ຜົນອອກມາປະກົດວ່າບໍ່ຊົງຊິໄດ້.. ພາກສ່ວນກ່ຽວຂ້ອງຫຼືຜູ້ມີໃຈກຸສົນໄປຊ່ວຍເຫຼືອຄູຜູ້ນີ້ແດ່ ……..

Leave a Reply

Your email address will not be published.

Recent Comments

No comments to show.