Breaking News

ເສຍຫາຍສົມຄວນ…!!! 12 ບ້ານໄດ້ຮັບຜົນເສຍຫາຍ ນ້ຳຖ້ວມເມືອງຜາອຸດົມ ແຂວງບໍ່ແກ້ວ ຫຼາຍກວ່າ 200 ລ້ານກີບ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ຕາມການລາຍງານເບື້ອງຕົ້ນຂອງທ່ານ ຈັນທອນ ພົນທະລາ ເຈົ້າເມືອງໆ ຜາອຸດົມ ແຂວງບໍ່ແກ້ວ ໃຫ້ຮູ້ວ່າ: ພາຍຫຼັງເກີດມີຝົນຕົກໜັກຕໍ່ເນື່ອງກັນເປັນເວລາ 1 ວັນ ໃນວັນທີ 13ມີຖຸນາ 2021ນີ້

ຢູ່ເມືອງຜາດົມ ແຂວງບໍ່ແກ້ວ ໄດ້ມີພາຍຸລົມແຮງ ແລະ ຝົນຕົກຫນັກ ເຮັດໃຫ້ນໍ້າຖ້ວມເຮືອນຂອງພໍ່ແມ່ປະຊາຊົນ, ນ້ຳຖ້ວມເສັ້ນທາງ,ດິນເຈື່ອນຖົມທາງ, ຕົ້ນໄມ້ຫັກທັບຕາຂ່າຍໄຟຟ້າ, ເຊິ່ງສ້າງຜົນເສຍຫາຍໃຫ້ແກ່ວັດຖຸ ແລະ ຊັບສິນ ຂອງພໍ່ແມ່ປະຊາຊົນພາຍໃນເມືອງຜາອຸດົມ ຈໍານວນ 12 ບ້ານ, ໃນນັ້ນ ມີນໍ້າໄຫຼເຂົ້າຖ້ວມບ້ານ-ເຮືອນ ຈໍານວນ 6 ບ້ານຄື:

ບ້ານນາໂຮມ, ບ້ານສົມສະຫວ່າງ, ບ້ານປຸງລາດ, ບ້ານໂຮມສຸກ, ບ້ານວຽງພັດທະນາ ແລະ ບ້ານໃຫຍ່ນໍ້າຍາວ. ມີປະຊາຊົນໄດ້ຮັບຜົນກະທົບໃນເບື້ອງຕົ້ນມີຈໍານວນ 3 ບ້ານຄື: ບ້ານວຽງພັດທະນາ, ບ້ານມົກໂຊະ ແລະ ບ້ານ ໂຮມສຸກ ຈໍານວນ 13 ຄອບ ຄົວ, ມູນຄ່າຄວາມເສຍຫາຍ 200 ກວ່າລ້ານກີບ ເຊິ່ງມີລາຍລະອຽດດັ່ງນີ້:

ເຮືອນຂອງປະຊາຊົນນໍ້າພັດໄຫຼນໍ້າຈໍານວນ 6 ຫຼັງຄາເຮືອນ, ລົດຈັກ 6 ຄັນ, ເຄື່ອງໃຊ້ໄຟຟ້າ 3 ເຄື່ອງ, ຕູບຕະຫຼາດນັດຢູ່ບ້ານວຽງພັດທະນາ ຈໍານວນ 12 ຫຼັງ, ງົວ 2 ໂຕ, ໝູ6 ໂຕ ແລະ ສັດປີກຈໍານວນໝຶ່ງ, ໜອງປາ ແລະ ເຄື່ອງປູກຂອງຝັງຂອງປະຊາຊົນ.

ເສັ້ນທາງ ແລະ ຂົວເຊາະເຈື່ອນ 8 ຈຸດ, ໄມ້ຫັກທັບຕາຂ່າຍໄຟຟ້າ 1 ຈຸດ, ຫໍພັກນັກຮຽນຈໍານວນ 4 ຫຼັງ ແລະ ຫໍພັກຄູ-ອາຈານສອນຢູ່ບ້ານກອນຊອດ ຈໍານວນ 1 ຫຼັງ 6 ຫ້ອງນອນ. ສາເຫດທີ່ພາໃຫ້ເກີດມີນໍ້າຖ້ວມໃນຄັ້ງນີ້ຍ້ອນ:

ຄະນະພັກອໍານາດການປົກຄອງເມືອງ, ຄະພັກຮາກຖານຜູ້ຊີ້ນໍາແຕ່ລະກຸ່ມໄດ້ເປັນເຈົ້າການລົງກວດກາ ແລະ ປະສານສົມທົບທຸກພາກສ່ວນ ເພື່ອຊ່ວຍເຫຼືອປະຊາຊົນຢ່າງທັນການ. ໄດ້ນໍາເອົາກໍາລັງກອງບັນຊາການທະຫານເມືອງ ຈໍານວນ 25 ສະຫາຍ ແລະ ກອງພັນ 302 ຈໍານວນ 50 ສະຫາຍ, ປະສານສົມທົບລົງຊ່ວຍເຫຼືອປະຊາຊົນໃນຈໍານວນ 4 ຈຸດຄື:

ມີຝົນຕົກຫນັກຕະຫຼອດຄືນ ຕັ້ງແຕ່ 8 ໂມງ ແລງ ເຖິງ 9 ໂມງເຊົ້າ ເຮັດໃຫ້ມີປະລິມານນໍ້າຫຼາຍ, ທໍ່ນ໋ອກ ແລະ ຂົວຂ້າມນໍ້າຕາມເສັ້ນທາງ ແຕ່ລະຈຸດມັນນ້ອຍເຮັດໃຫ້ນໍ້າໄຫຼບໍ່ທັນຈິ່ງເຮັດໃຫ້ນໍ້າຍື່ງຂື້ນຖ້ວມ, ມີຕົ້ນໄມ້, ຂີ້ເຫຍື້ອໄຫຼມາຕັນທໍ່ ແລະ ຂົວຂ້າງເຮັດໃຫ້ນໍ້າໄຫຼບໍ່ສະດວກ ຕໍ່ກັບສະພາບດັ່ງກ່າວໄດ້ ແຕ່ງຕັ້ງຄະນະຮັບຜິດຊອບລົງຕິດ ຕາມ, ເຝົ້າລະວັງໃນຈຸດຕ່າງໆທີ່ມີ ຄວາມສ່ຽງ ຊ່ວຍເຫຼື່ອສຸກເສີນຊ່ວຍປະຊາຊົນປະກອບມີ:

ຈຸດບ້ານນາໂຮມ, ບ້ານໂຮມສຸກ, ບ້ານວຽງພັດທະນາ ແລະ ບ້ານສີບຸນເຮືອງ ໃນການຊ່ວຍເຫຼື່ອອຸທົກກະໄພເບື້ອງຕົ້ນເຊັ່ນ: ຍົກຍ້າຍເຄື່ອງຂອງຕ່າງໆຂອງພໍ່ແມ່ປະຊາຊົນ ໄວ້ບ່ອນທີ່ປອດໄພ.

ພ້ອມທັງໂຄສະ ນາປຸກລະດົມໃຫ້ທຸກ ຄົນເອົາໃຈໃສຕິດຕາມສະພາບ ດິນຟ້າອາກາດຢ່າງໃກ້ຊິດ ໂດຍຈະໄດ້ສືບຕໍ່ຕິດຕາມສະພາບຢູ່ແຕ່ລະຈຸດທີ່ປະສົບໄພນ້ຳຖ້ວມຈົນກວ່າມີທ່າອ່ຽງກັບຄືນເຂົ້າສູ່ສະພາວະປົກກະຕິ ສໍາລັບມູນຄ່າເສຍຫາຍເພີ່ມເຕີມຈະລາຍງານຕາມຫລັງຕື່ມອີກ.

ໂດຍ: ວໍລະສິດ ພິດສະຫາຍ.

ຂອບໃຈທີ່ມາ:ໜັງສືພິມບໍ່ແກ້ວ Bokeo Newspaper

About admin

Check Also

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​ ທີ່ຂ່າວໜັງສືພິມ ປກສ​ ໂພສວັນທີ 28 ມິຖຸນາ 2022 ຫຼ້າສຸດ ວັນທີ 29 ມິຖຸນາ​ 2022 …

Leave a Reply

Your email address will not be published.

Recent Comments

No comments to show.