ຂ່າວທົ່ວໄປ

ເສຍຫາຍໜັກ…!!! ຂໍ້ມູນຜົນເສຍຫາຍ ຈາກໄພທຳມະຊາດ ນ້ຳຖ້ວມໄຊຍະບູລີ ເສຍຫາຍເກືອບ100 ຕື້ກີບ

ຂໍ້ມູນ “ແຂວງໄຊຍະບູລີ ເສຍຫາຍເກືອບ 100 ຕື້ກີບ ຈາກຜົນກະທົບຂອງພາຍຸດິເປຣຊັນ (ພາຍຸໂຄກຸມະ) ແລະ ລົມມໍລະສຸມຕາເວັນຕົກສ່ຽງໃຕ້ ໄດ້ພັດປົກຄຸມແຂວງ.”

(1). ດ້ວຍກຳລັງແຮງເຮັດໃຫ້ເກີດນໍ້າໄຫລຊຸ, ດິນຖະຫລົ່ມ, ນໍ້າຖ້ວມເຮືອນປະຊາຊົນ, ຖ້ວມເນື້ອທີ່ການຜະລິດ, ເສັ້ນທາງຈໍານວນໜຶ່ງຂາດ, ເສົາໄຟຟ້າຫັກ, ມີ 07 ເມືອງທີ່ໄດ້ຮັບຜົນກະທົບຄື:

ເມືອງໄຊຍະບູລີ, ເມືອງພຽງ, ເມືອງຄອບ, ເມືອງຊຽງຮ່ອນ, ເມືອງເງິນ, ເມືອງຫົງສາ ແລະ ເມືອງໄຊສະຖານ ລວມມູນຄ່າເສຍຫານທັງໝົດເກືອບ 100 ຕື້ກີບ, ເຊີ່ງໃນນັ້ນ ເມືອງໄຊຍະບູລີ ໄດ້ຮັບຜົນກະທົບຫລາຍກວ່າໝູ່;

(2). ປະທານຄະນະກໍາມະການຄຸ້ມຄອງໄພພິບັດຂັ້ນແຂວງ ໄດ້ລາຍງານສະພາບຄວາມເສຍຫາຍຂອງໄພນໍ້າຖ້ວມ:

1. ການຈັດຕັ້ງປະຕິບັດໃນການແກ້ໄຂຊ່ວຍເຫລືອສຸກເສີນໄພພິບັດ, ທາງຄະນະນໍາຂອງແຂວງ, ຂອງເມືອງ ກໍຄືຄະນະກໍາມະການຄຸ້ມຄອງໄພພິບັດຂັ້ນແຂວງ ໄດ້ສົມທົບກັບກອງກໍາລັງປ້ອງກັນຊາດ, ປ້ອງກັນຄວາມສະຫງົບ ແລະ ຊາວໜຸ່ມພາຍໃນເມືອງ ຮ່ວມກັບພະແນກການອ້ອມຂ້າງແຂວງ ລົງຊ່ວຍ ເຫລືອໃນການຕອບໂຕ້ໄພພິບັດໃນເບື້ອງຕົ້ນ,

2. ເຄື່ອນຍ້າຍປະຊາຊົນທີ່ໄດ້ຮັບຜົນກະທົບ ແລະ ວັດຖຸສິ່ງຂອງທີ່ຈໍາເປັນຈໍານວນໜຶ່ງ ໄປຢູ່ຈຸດປອດໄພ, ເຊິ່ງມີກໍາລັງພົນຊ່ວຍເຫລືອທັງໝົດ 1.250 ຄົນ, ມີພາຫະນະຮັບໃຊ້ປະເພດລົດບັນທຸກ ຈໍານວນ 30 ຄັນ, ເຮືອກູ້ໄພ-ເຮືອກູ້ຊີບ-ເຮືອທ້ອງແບນ ຈໍານວນ 07 ລໍາ,

3. ພ້ອມກັນນັ້ນ, ການນໍາຂອງແຂວງຫລວງພະບາງ ກໍໄດ້ສົ່ງທີມງານຄຸ້ມຄອງໄພພິບັດ ແລະ ໜ່ວຍກູ້ໄພ, ກໍາລັງກອງບັນຊາການທະຫານເມືອງນານ ພ້ອມລົດລາກ ແລະ ລົດບັນທຸກມາຊ່ວຍ, ໄດ້ແກ້ໄຂບັນເທົາທຸກເບື້ອງຕົ້ນ ເປັນປະເພດເຄື່ອງນຸ່ງຫົ່ມ, ເຂົ້າສານ, ອາຫານແຫ້ງ, ນໍ້າດື່ມ ແລະ ໄດ້ລະດົມທຶນຈາກທຸກພາກສ່ວນ ເພື່ອໃຫ້ການຊ່ວຍເຫລືອໃນເບື້ອງຕົນ,

4. ສຳລັບຜົນເສຍຫາຍ ຈາກການເອົາຂໍ້ມູນເບື້ອງຕົ້ນ ລວມມີ 56 ບ້ານ, 5.248 ຄອບຄົວ, 20.992 ຄົນ (ຍິງ 8.920 ຄົນ), ສະເພາະເມືອງໄຊຍະບູລີໄດ້ຮັບຜົນກະທົບ 39 ບ້ານ ລວມມູນຄ່າເສຍຫາຍທັງໝົດໃນທົ່ວແຂວງ 94 ຕື້ກີບ, ມີເຮືອນປະຊາຊົນເປເພເສຍຫາຍ 4.221 ຫລັງ,

5. ໃນນັ້ນ, ມີເຮືອນປະຊາຊົນ 19 ຫລັງໄດ້ຖືກນໍ້າຊູໜີ, ໄຟຟ້າໄດ້ຖືກຕັດຂາດ 16 ບ້ານ (ສາມາດແກ້ໄຂໄດ້ແລ້ວ 07 ບ້ານ, ຍັງ 09 ບ້ານແກ້ໄຂບໍ່ທັນສໍາເລັດ), ໝໍ້ນັບໄຟຖືກນໍ້າຖ້ວມເສຍຫາຍ 6.050 ໜ່ວຍ (ໃນນີ້ບໍ່ສາມາດໃຊ້ໄດ້ 3.500 ໜ່ວຍ), ເສົາໄຟຟ້າລົ້ມ 07 ຕົ້ນ ແລະ ຕາຂາຍໄຟຟ້າຖືກຕັດຂາດ 03 ຈຸດ, ສ້ອມແປງຄືນໄດ້ແລ້ວ 01 ຈຸດ, ຈັກສູບນໍ້າປະປາຖືກນໍ້າຖ້ວມເປເພ,

6. ເຮັດໃຫ້ທົ່ວເມືອງໄຊຍະບູລີບໍ່ສາມາດນໍາໃຊ້ນໍ້າປະປາໄດ້, ເສັ້ນທາງຖືກຕັດຂາດເສຍຫາຍທັງໝົດ 25 ເສັ້ນ, ຂົວເບຕົງ 05 ແຫ່ງ, ທໍ່ດາໂລ 03 ແຫ່ງ, ຂົວອູ່ເປ່ເພ 01 ແຫ່ງ, ມີລົດໃຫຍ່ຈົມນໍ້າເປເພ 472 ຄັນ, ລົດຈັກ 4.840 ຄັນ, ເຂົ້າສານເສຍຫາຍ 300 ໂຕນ, ໜອງປາ 240 ໜອງ ແລະ ບໍ່ມີຄົນເສຍຊີວິດ.

ຂອບໃຈທີ່ມາ:Sourioudong Sundara

Related Articles

Leave a Reply

Your email address will not be published. Required fields are marked *

Back to top button