Breaking News

ເຈົ້າເມືອງພູຄູນ ລົງຕິດຕາມຜົນກະທົບຈາກເຫດຝົນຕົກໜັກຕິດຕໍ່ກັນຫລາຍວັນ

ຂປລ. ໃນວັນທີ 15 ມິຖຸນາ 2021 ທ່ານ ທອງຈັນ ແພງຈັນທີ ເຈົ້າເມືອງພູຄູນ ພ້ອມດ້ວຍຄະນະ ໄດ້ລົງຕິດຕາມຜົນກະທົບຈາກໄພພິບັດທາງທຳມະຊາດ ແຕ່ບ້ານສາມແຍກ ຫາ ບ້ານພູວຽງນ້ອຍ ແລະ ແຕ່ບ້ານລ້ອງໝ້ຽງ ຫາ ບ້ານວຽງຄຳ, ເນື່ອງຈາກວັນທີ 12-14 ມິຖຸນາ ເກີດຝົນຕົກໜັກຕິດຕໍ່ກັນຫລາຍວັນ, ພ້ອມມີລົມພັດແຮງເຮັດໃຫ້ເກີດດິນເຊາະເຈື່ອນ, ດິນຍຸບ ຕັນເສັ້ນທາງ-ຮອງລະບາຍນໍ້າ ຕາມເສັ້ນທາງຫລວງແຫ່ງຊາດ, ທາງຫລວງຂອງແຂວງ ແລະ ເສັ້ນທາງຊົນນະບົດຂອງເມືອງ, ເຮືອນຂອງປະ ຊາຊົນຖືກເຊາະເຈື່ອນ ແລະ ພື້ນທີ່ນາຖືກນໍ້າຖ້ວມ.

ຈາກຜົນກະທົບໃນຄັ້ງນີ້, ທ່ານເຈົ້າເມືອງ ໄດ້ແບ່ງຄວາມຮັບຜິດຊອບ ໃຫ້ພາກສ່ວນທີ່ກ່ຽວຂ້ອງ ລົງສົມທົບພະນັກງານປະຈຳບ້ານ ກວດກາຄວາມເສຍຫາຍ ເພື່ອລາຍງານຕໍ່ຂັ້ນເທິງ. ການລົງຕິດຕາມຄັ້ງນີ້, ທິມງານໄດ້ເຮັດເຄື່ອງໝາຍເຕື່ອນຂອບເຂດທີ່ມີທາງຍຸບ ເພື່ອໃຫ້ຜູ້ສັນຈອນໄປມາໄດ້ເບິ່ງເຫັນ ແລະປ້ອງກັນການເກີດອຸປະຕິເຫດ, ເສັ້ນທາງແຕ່ລະເສັ້ນໄດ້ມີການແກ້ໄຂສຸກເສີນໃຫ້ທ່ຽວໄດ້ເປັນປົກກະຕິ.

ໃນນັ້ນ, ສະເພາະເສັ້ນທາງຫລວງຂອງແຂວງເລກທີ 2507 ແມ່ນບໍລິສັດ ລັດວິສາຫະກິດຂົວທາງເລກ I ຫລວງພະບາງ ຈະເປັນຜູ້ແກ້ໄຂໄພພິບັດສຸກເສີນ, ສ່ວນເສັ້ນທາງຫລວງແຫ່ງຊາດເລກ 7 ແມ່ນບໍລິສັດ ຖີ່ນທອງ ກໍ່ສ້າງຂົວທາງ ຈໍາກັດ ຈະເປັນຜູ້ແກ້ໄຂສຸກເສີນ, ສຳລັບເຮືອນຂອງປະຊາຊົນ ທີ່ຖືກເຊາະເຈື່ອນ ການນຳຂອງເມືອງ ໄດ້ຍົກຍ້າຍປະຊາຊົນໄປຢູ່ຈຸດທີ່ມີຄວາມປອດໄພ.

ໂອກາດນີ້, ທ່ານເຈົ້າເມືອງ ໄດ້ແນະນຳໃຫ້ການຈັດຕັ້ງບ້ານທຸກພາກສ່ວນ ຈົ່ງແນະນຳໃຫ້ປະຊາ ຊົນທີ່ໄປທຳການຜະລິດ ຈົ່ງມີສະຕິລະວັງຕົວຕໍ່ໄພພິບັດທາງທຳມະຊາດ ເປັນຕົ້ນ ດິນເຈື່ອນ, ນໍ້າປ່າໄຫລຊຸ ແລະ ພ້ອມກັນອອກແຮງງານລວມຂອງບ້ານ ເພື່ອອະນາໄມຮອງລະບາຍນໍ້າ, ມີການແບ່ງຜຽນຍາມແຕ່ລະວັນເພື່ອຕິດຕາມເຝົ້າລະວັງ, ກໍລະນີເກີດມີໄພພິບັດຮ້າຍແຮງ ໃຫ້ຮີບຮ້ອນລາຍງານຄະນະກຳ ມະການຂັ້ນເມືອງໂດຍດ່ວນ ເພື່ອຫາທາງແກ້ໄຂໃຫ້ທ່ວງທັນກັບເວລາ, ສ່ວນມູນຄ່າຄວາມເສຍຫາຍ ຄະ ນະຮັບຜິດຊອບພວມເກັບກຳຂ້ມູນຕົວຈິງ.

ຂ່າວໄລວັນ

About admin

Check Also

ແຕກອີກແລ້ວ

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 06/12/2021 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ເຮັງແທ້ ເລກທີ່ອອກ

Leave a Reply

Your email address will not be published. Required fields are marked *

Recent Comments

No comments to show.