Breaking News

ສະໜາມບິນໜອງຄ້າງຄ້າງອີກ ຕອນນີ້ຕ້ອງແກ້ໄຂຈຸດທີ່ດິນເຊາະເຈື່ອນໃນໜ້າຝົນ

ໂຄງການກໍ່ສ້າງສະໜາມບິນໜອງຄ້າງ ຢູ່ແຂວງຫົວພັນ ທີ່ໄດ້ເລີ່ມລົງມືກໍ່ສ້າງມາແຕ່ປີ 2013 ຮອດປະຈຸບັນຍັງບໍ່ສຳເລັດເນື່ອງຈາກມີຫຼາຍໜ້າວຽກເພີ່ມຂຶ້ນ ແລະເຮັດໃຫ້ງົບປະມານສູງຂຶ້ນໄປຕາມບໍ່ເປັນໄປຕາມການຜະເມີນໄວ້ໃນເບື້ອງຕົ້ນ ເຊິ່ງປະຈຸບັນມີຈຸດທີ່ເຊາະເຈື່ອນຕ້ອງເລັ່ງແກ້ໄຂໃຫ້ສຳເລັດພາຍໃນສອງເດືອນ.

ວັນທີ 16 ມິຖຸນາ 2021 ນີ້ ຢູ່ພະແນກ ໂຍທາທິການ ແລະ ຂົນສົ່ງແຂວງຫົວພັນ ໄດ້ຈັດກອງປະຊຸມປຶກສາຫາລືຄົ້ນຄວ້າຊອກຫາວິທີທາງແກ້ໄຂ ແລະ ວາງແຜນປ້ອງກັນຜົນກະທົບ ທີ່ຈະເກີດຂຶ້ນ ຈາກການກໍ່ສ້າງສະໜາມບິນໜອງຄ້າງ ໃນຊ່ວງລະດູຝົນນີ້. ໂດຍການເຂົ້າຮ່ວມຂອງ ທ່ານ ພອນສຸກ ອິນທະວົງ ຮອງເຈົ້າແຂວງແຂວງຫົວພັນ ຜູ້ຊີ້ນຳວຽກງານເສດຖະກິດຂັ້ນແຂວງ ມີທ່ານ ບຸນແຕ່ງ ສີມູນ ຮອງຫົວຫົວໜ້າກົມການບິນພົນລະເຮືອນ, ພາກສ່ວນກ່ຽວຂ້ອງຂັ້ນແຂວງ, ເມືອງຊຳເໜຶອ ແລະ ວິຊາການທີ່ກ່ຽວຂອງເຂົ້າຮ່ວມນຳ.

ປັດຈຸບັນ ໂຄງການກໍ່ສ້າງສະໜາມບິນໜອງຄ້າງ ໄດ້ຈັດຕັ້ງປະຕິບັດວຽກກໍ່ສ້າງໂຄງການສຳເລັດທັງໝົດ 92,34% ຈັດຕັ້ງປະຕິບັດວຽກໂຄງການ ໄດ້ຢຸດກໍ່ສ້າງຊົ່ວຄາວມາຕັ້ງແຕ່ທ້າຍເດືອນ ມີນາ 2020 ເປັນຕົ້ນມາ, ເນື່ອງຈາກວ່າ ບໍລິມາດວຽກເພີ່ມ ແລະ ມູນຄ່າການກໍ່ສ້າງ ຂອງໂຄງການໄດ້ເພີ່ມຂຶ້ນ ລໍຖ້າການຮັບຮອງຈາກລັດຖະບານ ແລະ ແມ່ນຊ່ວງການລະບາດຂອງພະຍາດໂຄວິດ-19 ບໍລິສັດຜູ້ຮັບເໝົາກໍ່ສ້າງ ກໍ່ໄດ້ຖອນບຸກຄະລາກອນ, ກົນຈັກ ກັບຄືນຫວຽດນາມ.

ເຊິ່ງຜ່ານມາກໍ່ໄດ້ມີເຫດການນ້ຳໄຫຼຖ້ວມເຂົ້າເຮືອນ, ພື້ນທີ່ການຜະລິດຂອງປະຊາຊົນ ແລະ ກໍ່ໄດ້ມີການແກ້ໄຂ້ແລ້ວ ແຕ່ສຳລັບລະດູຝົນປີນີ້ ກົມການບິນພົນລະເຮືອນ ຈະສືບຕໍ່ຊີ້ນຳ ແລະ ຕິດຕາມບໍລິສັດຜູ້ຮັບເໝົາກໍ່ສ້າງ ແກ້ໄຂດ່ວນຢູ່ຈຸດມີຄວາມສ່ຽງທີ່ສຸດດ້ວຍການ ວາງທໍ່ລອດທາງເພີ່ມ ແລະ ແກ້ໄຂຈຸດທີ່ດິນເຊາະເຈື່ອນ ພ້ອມນັ້ນກໍ່ຈະສືບຕໍ່ສຳຫຼວດ ເພື່ອສ້ອມແປງບັນດາຈຸດຕ່າງໆທີ່ເຫັນວ່າ ຈະເກີດມີການເຊາະເຈື່ອນ ໃຫ້ສຳເລັດພາຍໃນໄລຍະເວລາ 02 ເດືອນ ແລະ ຄາດວ່າຈະໄດ້ຮັບການຈັດຕັ້ງປະຕິບັດພາຍໃນເດືອນ ມິຖຸນາ 2021 ນີ້ເປັນຕົ້ນໄປ.

ໂຄງການກໍ່ສ້າງສະໜາມບິນໜອງຄ້າງ ແມ່ນບໍລິສັດຮວງແອງອັດຕະປືຂອງຫວຽດນາມໄດ້ຮັບສິດຮັບເໝົາໃນມູນຄ່າເບື້ອງຕົ້ນ 74 ລ້ານໂດລາສະຫະລັດ ແລະ ໄດ້ເລີ່ມລົງມືກໍ່ສ້າງໃນປີ 2013 ຮອດປະຈຸບັນສຳເລັດ 92,34%.

About admin

Check Also

ແຕກອີກແລ້ວ

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 06/12/2021 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ເຮັງແທ້ ເລກທີ່ອອກ

Leave a Reply

Your email address will not be published. Required fields are marked *

Recent Comments

No comments to show.