Breaking News

ຍັງບໍ່ໝົດງ່າຍໆ 1​ ໃນ​ 7​ ຄົນຜູ້ຕິດເຊື້ອໃໝ່ຢູ່ນະຄອນຫຼວງວຽງຈັນບໍ່ຮູ້ແຫຼ່ງທີ່ມາ

ອີງຕາມການະແຫຼງຂ່າວຂອງຄະນະສະເພາະກິດປະຈຳວັນທີ​18​ ມິຖຸນາ​ 2021​ ນີ້ໃຫ້ຮູ້ວ່າ: ​1​ ວັນຜ່ານມາ​ພົບຜູ້​ຕິດເຊື້ອ​ທັງໝົດ​ 13​ ຄົນ,​ ຈຳປາສັກ​ 2,​ສະຫວັນນະເຂດ​ 2​ ແລະ​ ນະຄອນຫຼວງວຽງຈັນ 7 ຄົນ ໃນນະຄອນຫຼວງວຽງຈັນ ສາມາດສັງລວມ ມີ 3 ກຸ່ມ, ດັ່ງຕໍ່ໄປນີ້:

ກຸ່ມທີ1: ມີ 3 ຄົນແມ່ນຈາກບ້ານສີໄຄທົ່ງ, ອາຊີບ ແປພາສາ ແລະ ສຳຜັດໃກ້ຊິດກັບຜູ້ຕິດເຊື້ອ, ໄດ້ຖືກຈຳກັດບໍລິເວນທີ່ຄະນະສະເພາະກິດກຳນົດໄວ້

ກຸ່ມທີ2: ມີ 1 ຄົນແມ່ນຈາກບ້ານໜອງດ້ວງໃຕ້ ເປັນກຸ່ມດຽວກັບຜູ້ຕິດເຊື້ອ ບ້ານ ເກົ້າລ້ຽວ.

ກຸ່ມທີ3: ມີ 1 ຄົນແມ່ນຈາກກຸ່ມຜູ້ຕິດເຊື້ອຈາກໂຮງໝໍ 5 ເມສາ – 1 ຄົນ ແມ່ນຍັງບໍ່ທັນຮູ້ແຫຼ່ງຕິດເຊື້ອເທື່ອ ເຊິ່ງທີມງານສອບສວນ ກຳລັງລົງສອບຖາມປະຫວັດຢ່າງລະອຽດ ແລະ ຈະຖະແຫຼງໃນພາຍຫຼັງ.

1 ຄົນ ແມ່ນ ຈາກ ບ້ານເວີນແທ່ນ, ເມືອງ ໄຊທານີ ທີມງານກຳລັງຕິດຕໍ່ເພື່ອສອບຖາມເອົາຂໍ້ມູນລາຍລະອຽດ.

ຄົນທີ 1: ເພດຍິງ, ອາຍຸ 44 ປີ, ສັນຊາດລາວ, ບ້ານສີໄຄທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫຍັງ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ, ໄປເກັບຕົວຢ່າງ ໃນວັນທີ 17 ມີຖຸນາ 2021 ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ.

ຄົນທີ 2 ເພດຍິງ, ອາຍຸ 23 ປີ, ບ້ານໜອງດ້ວງໃຕ້, ເມືອງສີໂຄດຕະບອງ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫຍັງ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ (ຄົນໃນຄອບຄົວຜູ້ຕິດເຊື້ອ ແລະ ແມ່ນກຸ່ມດຽວກັນກັບຜູ້ຕິດເຊື້ອ ບ້ານເກົ້າລ້ຽວ), ໄປເກັບຕົວຢ່າງ ໃນວັນທີ 17 ມີຖຸນາ 2021 ຢູ່ ມສ ສີິໂຄດ ແລະ ຜົນກວດພົບເຊື້ອ.

ຄົນທີ 3 : ເພດຍິງ, ອາຍຸ 30 ປີ, ອາຊີບ: ຄ້າຂາຍ, ບ້ານສີໄຄທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ, ຜູ້ກ່ຽວອາການຕັນດັງ, ນ້ຳມູກໄຫຼ, ຫາຍໃຈຝືດ ແລະ ເມື່ອຍ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ (ຄົນໃນຄອບຄົວຜູ້ຕິດເຊື້ອ), ໄປເກັບຕົວຢ່າງ ໃນວັນທີ 17 ມີຖຸນາ 2021 ຢູ່ ມສ ສີໂຄດ ແລະ ຜົນກວດພົບເຊື້ອ.

ຄົນທີ 4: ເພດຍິງ, ອາຍຸ 4 ປີ, ບ້ານສີໄຄທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ, ຜູ້ກ່ຽວມີອາການຕັນດັງ ແລະ ນ້ຳມູກໄຫຼ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ (ຄົນໃນຄອບຄົວຜູ້ຕິດເຊື້ອ), ໄປເກັບຕົວຢ່າງ ໃນວັນທີ 17 ມີຖຸນາ ຢູ່ ມສ ສີໂຄດ ແລະ ຜົນກວດພົບເຊື້ອ.

ຄົນທີ 5 : ເພດຍິງ, ອາຍຸ 18 ປີ, ບ້ານສີໄຄທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ, ຜູ້ກ່ຽວມີອາການ ຕັນດັງ, ນ້ຳມູກໄຫຼ ແລະ ປວດຕົນໂຕ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ (ຄົນໃນຄອບຄົວຜູ້ຕິດເຊື້ອ), ໄປເກັບຕົວຢ່າງ ໃນວັນທີ 17 ມີຖຸນາ ຢູ່ ມສ ສີໂຄດ ແລະ ຜົນກວດພົບເຊື້ອ.

ຄົນທີ 6 : ເພດຊາຍ, ອາຍຸ: 21 ປີ, ບ້ານເວີນແທ່ນ, ເມືອງໄຊທານີ, ນະຄອນຫຼວງວຽງຈັນ, ຜູ້ກ່ຽວມີໄຂ້, ມີປະຫວັດເດີນທາງໄປສະຖານທີ່ສ່ຽງ ທີ່ຜູ້ຕິດເຊື້ອໄດ້ເດີນທາງໄປ ເຊິ່ງໄດ້ຖະແຫຼງຂ່າວກ່ອນໜ້ານີ້ແລ້ວ, ໄປເກັບຕົວຢ່າງ ໃນວັນທີ 17 ມີຖຸນາ ຢູ່ ມສ ສີໂຄດ ແລະ ຜົນກວດພົບເຊື້ອ. –

ຄົນທີ 7 : ເພດຊາຍ, ອາຍຸ: 27 ປີ, ອາຊີບ: ຕຳຫຼວດ, ບ້ານໂນນສະຫງ່າ, ເມືອງໄຊເສດຖາ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫຍັງ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ (ກຸ່ມຜູ້ຕິດເຊື້ອຢູ່ໂຮງໝໍ 5 ເມສາ), ໄປເກັບຕົວຢ່າງ ໃນວັນທີ 17 ມີຖຸນາ ຢູ່ ມສ ສີໂຄດ ແລະ ຜົນກວດພົບເຊື້ອ.

ເຂດສ່ຽງ/ສະຖານທີ ທີ່ຜູ້ຕິດເຊື້ອໄດ້ເດີນທາງໄປ – ວັນທີ 08/06/2021: ໄປເຮືອນໝູ່ບ້ານໂພນຕ້ອງຈອມມະນີ

– ວັນທີ 09/06/2021 ເວລາ 12:00-13:30 ໂມງ: ໄປກິນຊີ້ນ ດາດ ຢູ່ໄອເຕັກ

© suelao.com – ເວັບໄຊຂ່າວສານອອນລາຍເພື່ອສັງຄົມ

About admin

Check Also

ຂ່າວດີມາແລ້ວ..!!ບໍລິສັດ ພັດທະນາສວນວັດທະນະທຳລ້ານຊ້າງ ຕ້ອງການຮັບສະໝັກພະນັກງານຫຼາຍຕຳແໜ່ງ ຟຣີທີ່ພັກ- ຟຣີອາຫານ

ໂອກາດຂອງທ່ານມາແລ້ວ. ປະກາດຮັບສະໝັກເພື່ອນຮ່ວມງານ ດ່ວນບໍລິສັດ ພັດທະນາສວນວັດທະນະທຳລ້ານຊ້າງ ຕ້ອງການຮັບສະໝັກເພື່ອນຮ່ວມງານ ປະຈຳຢູ່ ໂຮງແຮມເປີດໃຫມ່ ຫລາຍຕໍາແໜ່ງ ດັ່ງນີ້: 1 ພະນັກງານ ຫົວໜ້າພະແນກ ອາຫານ ແລະ ເຄື່ອງດື່ມ …

Leave a Reply

Your email address will not be published. Required fields are marked *

Recent Comments

No comments to show.