ຮູ້ແລ້ວຫຼືຍັງ…!!! 5 ສາເຫດ ທີ່ເຮັດໃຫ້ໂທລະສັບຮ້ອນໄວ ຍ້ອນສາເຫດຕໍ່ໄປນີ້ ສາຍແຊັດສາຍເກມບໍ່ຄວນພາດ.

ສາຍແຊັດ ສາຍເກມທັງຫຼາຍ ຄວນອ່ານ  5 ສາເຫດ ທີ່ເຮັດໃຫ້ໂທລະສັບຮ້ອນໄວມີຄື: ເຄີຍສົງໃສບໍ່ວ່າໃຊ້ງານໂທລະສັບມືຖືໄປໄດ້ບໍ່ດົນເທົ່າໃດກໍເກີດຄວາມຮ້ອນເກີນໄປຈົນບໍ່ຮູ້ສາເຫດ ແລະ ຕໍ່ໄປນີ້ແມ່ນ 5 ເຫດຜົນທີ່ເຮັດໃຫ້ໂທລະສັບມືຖືຂອງທ່ານຮ້ອນໄວ.

1.ໃຊ້ງານໂທລະສັບມືຖືຈະມີການເຮັດວຽກຫລາຍໆຢ່າງ ບໍ່ວ່າຈະແມ່ນໜ້າຈໍ, CPU ໜ່ວຍປະມວນຜົນ ຫລື ແບັດເຕີຣີ ເມື່ອໃຊ້ໄປດົນໆກໍຄືກັບເຄື່ອງໃຊ້ໄຟຟ້າຢ່າງໜຶ່ງຄືຄວາມຮ້ອນຂຶ້ນສູງ ເຮັດໃຫ້ຮູ້ສຶກວ່າບໍ່ໜ້າຈັບບາຍພໍປານໃດ ເມື່ອເກີດບັນຫານີ້ແນະນຳວ່າໃຊ້ຢຸດໃຊ້ກ່ອນ ຈົນກ່ວາໂທລະສັບຈະກັບມາຢູ່ໃນອຸນຫະພູມປົກກະຕິ.

2. ສາກໄຟແລ້ວໃຊ້ງານໄປນຳ : ເປັນສາເຫດຕໍ່ເນື່ອງຈາກການໃຊ້ງານເປັນເວລາດົນ ເຊິ່ງການສາກໄຟແບັດເຕີຣີນັ້ນຈະເຮັດໃຫ້ເກີດຄວາມຮ້ອນຢູ່ແລ້ວ ຍິ່ງຖ້າທັງສາກໄຟທັງໃຊ້ງານໄປນຳຍິ່ງເຮັດໃຫ້ໂທລະສັບຮ້ອນຂຶ້ນຕື່ມຈົນສົ່ງຜົນໃຫ້ໂທລະສັບອາດລະເບີດໄດ້ຍ້ອນຄວາມຮ້ອນສູງເກີນໄປ

3. ວາງໂທລະສັບໄວ້ໃກ້ສິ່ງທີ່ມີອຸນຫະພູມສູງ : ການວາງໂທລະສັບໃນສະຖານທີ່ ຫລື ສະພາບແວດລ້ອມທີ່ມີຄວາມຮ້ອນສູງກໍເຮັດໃຫ້ໂທລະສັບຮ້ອນໄດ້ຄືກັນ ບໍ່ວ່າຈະແມ່ນໃນລົດທີ່ຈອດໄວ້ກາງແດດກ້າ ຫລື ວາງໄວ້ໃກ້ຊ່ອງລະບາຍຄວາມຮ້ອນຂອງໂນດບຸກກໍຕາມ ອາດເຮັດໃຫ້ຂອບຢາງຂອງໂທລະສັບເປື່ອຍ ແລະ ແຕກລ້າວໄດ້ງ່າຍ.

4. ໃຊ້ເຄສຫຸ້ມໂທລະສັບແບບອະລູມີນຽມ : ຫລາຍຄົນອາດຈະບໍ່ເຊື່ອວ່າເຄສຫຸ້ມໂທລະສັບນັ້ນອາດສົ່ງຜົນໃຫ້ໂທລະສັບຮ້ອນໄດ້ ໂດຍສະເພາະເຄສທີ່ມີສ່ວນປະກອບເປັນໂລຫະ ເມື່ອໂທລະສັບເກີດຄວາມຮ້ອນມາຖືກກັບໂລຫະອາດຈະເຮັດໃຫ້ຄວາມຮ້ອນຂອງໂທລະສັບນັ້ນສູງຂຶ້ນ ແລະ ບໍ່ມີທາງອອກຈົນເຮັດໃຫ້ໂທລະສັບຮ້ອນຈົນອັນຕະລາຍໄດ້ ຂໍ້ນີ້ຂໍແນະນຳວ່າຖ້າຫາກໃຊ້ເຄສອະລູມີນຽມ ແລ້ວໂທລະສັບມີອຸນຫະພູມສູງ ຄວນຖອດເຄສອອກມາກ່ອນ ໃຫ້ໂທລະສັບໄດ້ລະບາຍອາກາດຈະດີທີ່ສຸດ.

5.ອຸປະກອນສາກໄຟບໍ່ໄດ້ມາດຕະຖານ : ອີກປັດໄຈທີ່ເຮັດໃຫ້ໂທລະສັບຮ້ອນກໍແມ່ນອຸປະກອນສາກໄຟ ເຊິ່ງສ່ວນຫລາຍຈະ ມີຫລາຍແບບໃຫ້ໄດ້ເລືອກ ເຖິງວ່າຈະໃຊ້ຂອງແທ້ກໍຕາມ, ແຕ່ປັດໄຈທີ່ເຮັດໃຫ້ຮ້ອນອາດຈະແມ່ນປັກໄຟທີ່ຈ່າຍໄຟຫລາຍເກີນໄປ ຫລື ແບັດເຕີຣີທີ່ປ່ຽນບໍ່ແມ່ນຂອງແທ້ ຫລື ບໍ່ໄດ້ຮັບການຮັບຮອງມາດຕະຖານ ກໍເປັນອີກບັນຫາໜຶ່ງທີ່ເຮັດໃຫ້ໂທລະສັບຮ້ອນ.

ສະນັ້ນ, ຖ້າເກີດບັນຫານີ້ຄຳແນະນຳແມ່ນປ່ຽນປັກສຽບໄຟໃຫ້ເໝາະສົມກັບກຳລັງໄຟຂອງໂທລະສັບທີ່ລະບຸໃນຄູ່ມື. ສ່ວນແບັດເຕີຣີຄວນຫາກ້ອນທີ່ມີມາດຕະຖານ ແລະ ຖືກຕ້ອງຕາມສະເປັກທີ່ອອກຈາກໂຮງງານຂອງໂທລະສັບຈະດີສຸດ.

Related Posts

Leave a Reply

Your email address will not be published.