ເຈົ້າໜ້າທີ່ ມ້າງກຸ່ມໄວລຸ້ນຫົວໃສ ໃຊ້ໂຮມແຮມເປັນບ່ອນມົ້ວຊຸມ

ຜ່ານການກວດຄົ້ນເຈົ້າໜ້າທີ່ໄດ້ພົບເຫັນສິ່ງທີ່ຜິດກົດໝາຍ ມີ: ຖົງໃສ່ຜົງເຄ ຈຳນວນ 4 ຖົງ, ມີຜົງເຄ 3 ຖົງ, ຖົງເປົາ 1 ຖົງ, ຖົງເຄຢູ່ໃນຈານ 2 ຈານ, ໄພ່ 1 ໃບ ແລະ ຢາອີຈຳນວນ 5 ປ່ຽງ ( ປະມານ 2 ເມັດ ) ຈິງໄດ້ກັກຕົວພວກກ່ຽວມາສອບສວນ ຈິ່ງຮູ້ໄດ້ວ່າ: ກຸ່ມໄວລຸ້ນ ຈຳນວນ 5 ຄົນ.

ເມື່ອບໍ່ດົນມານີ້ນີ້ ເຈົ້າໜ້າທີ່ເຂົ້າຈັບກຸມ ກຸ່ມໄວລຸ້ນຫົວໃສ ພາກັນໄປອາໃສໂຮງແຮມເຈື່ອງ 2 ຕັ້ງຢູ່ສີບຸນເຮືອງ ເມືອງຈັນທະບູລີ ນວ ເພື່ອເປັນບ່ອນລີ້ຊ່ອນເຈົ້າໜ້າທີ່ ທຳການມົ້ວສຸມ ແຕ່ໃນທີ່ສຸດກຳລັງປ້ອງກັນເຄື່ອນທີ່ໄວ ສົມທົບກັບຫ້ອງສັນຕິບານ ປກສ ນວ ກໍກວດພົບເຫັນກຸ່ມໄວລຸ້ນ 5 ຄົນ, ຍິງ 3 ຄົນ ທີ່ກຳລັງມົ້ວສຸມ ຈຶ່ງໄດ້ສະແດງຕົວເຂົ້າຈັບກຸມ ເມື່ອເວລາ 19:21 ໂມງ ຂອງວັນທີ 15 ມິຖຸນາ 2021 ທີ່ຜ່ານມາ.

ມີ: ນ. ຮັນນີ້ ( ນີ້ ) ອາຍຸ 20 ປີ, ນັກສຶກສາ ຢູ່ບ້ານໂພນປ່າເປົ້າ, ນ. ພອນທິດາ ອາຍຸ 20 ປີ ນັກສຶກສາ, ຢູ່ບ້ານໂພນທັນ, ນ. ວິລະດາ ( ປາເປົ້າ ) ອາຍຸ 25 ປີ ຄ້າຂາຍ ບ້ານໂນນຄໍ້ໃຕ້ ທັງ 3 ຢູ່ເມືອງໄຊເຊດຖາ, ທ. ສຸລິພົງ ( ເລ້ ) ອາຍຸ 38 ປີ, ປະຊາຊົນ, ບ້ານສະພານທອງ ເມືອງສີສັດຕະນາກ ນວ ແລະ ທ. ປີຊາ ( ໂຕ້ ສັນຊາດໄທ ) ອາຍຸ 33 ປີ ກຳມະກອນ ພັກເຊົາຢູ່ໂຮງແຮມເກົ້າຍອດ ເມືອງສີສັດຕະນາກ ນວ; ເຊິ່ງການກະທຳຂອງພວກກ່ຽວແມ່ນຜິດຕໍ່ປະມວນກົດໝາຍ ອາຍາມາດຕາ 314 ວ່າດ້ວຍການຜະລິດ, ຄ້າຂາຍ, ຈຳໜ່າຍຂົນສົ່ງ ມີໄວ້ຄອບຄອງ ຫຼື ນຳເຂົ້າ.

ໃນໄລຍະການປ້ອງກັນສະກັດກັ້ນການແຜ່ລະບາດຂອງພະຍາດໂຄວິດ-19, ເຊິ່ງຜ່ານມາ ກຸ່ມແກ້ງຈໍານວນໜຶ່ງ ໄດ້ລີ້ຊ່ອນເຄື່ອນໄຫວກະທໍາຜິດ ເພື່ອຫຼົບຫຼີກການອອກກວດກາລາດຕະເວນຂອງເຈົ້າໜ້າທີ່ ຈຶ່ງເກີດໜ້າສົງໃສຫັນໄປໃຊ້ເຮືອນພັກ, ໂຮງແຮມ ແລະ ສະຖານທີ່ລີ້ລັບເປັນບ່ອນເຄື່ຶຶອນໄຫວ ເພາະສະນັ້ນ, ເພື່ຶອຕ້ານ ແລະ ສະກັດກັ້ນພະຍາດດັ່ງກ່າວນີ້.

ກອງບັນຊາການ ປກສ ນວ ໄດ້ຮຽກຮ້ອງໃຫ້ບັນດາຫົວໜ່ວຍທຸລະກິດ, ເຈົ້າຂອງກິດຈະການ ແລະ ປະຊາຊົຍນທຸກຊັ້ນຄົນ ຈົ່ງຊ່ວຍກັນເປັນຫູເປັນຕາຕິດຕາມ ໃນການຮັກສາຄວາມສະຫງົບ, ຄວາມເປັນລະບຽບຮ້ອຍ ຢູ່ໃນນະຄອນຫຼວງວຽງຈັນ ຖ້າເຫັນພຶດຕິກຳທີ່ບໍ່ສອດຄ່ອງ ແມ່ນໃຫ້ແຈ້ງມາທາງເບີວອດແອັບ 02028899774 ແລະ ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ. ເພື່ອແກ້ໄຂໃຫ້ທ່ວງທັນກັບສະພາບການ.

About admin

Check Also

ຊົມເຊີຍ​ແພດໝໍ ມື້ນີ້ ປີ່ນປົວຫາຍດີໃໝ່ 954 ຄົນ​

ຈາກການຖະແຫຼ່ງຂ່າວໂຄວິດ – 19 ຂອງຄະນະສະເພາະກິດ ປະຈຳວັນທີ່ 04 ທັນວາ​ 2021 ພົບວ່າມີຜູ້ຕິດເຊື້ອໂຄວິິິິດເພີ່ມໃໝ່ 969 ຄົນ​ ຊົມຊຸນ 968 ຄົນ​ຕິດ​ເຊື້ອສະສົມ 78,469 …

Leave a Reply

Your email address will not be published. Required fields are marked *

Recent Comments

No comments to show.