ອາເມລິກາ ສັກວັກຊິນປ້ອງກັນໂຄວິດ-19ໃຫ້ປະຊາຊົນ205 ລ້ານກວ່າຫລອດ

ຕາມ​ຂ່າວ​ຈາກ ​ວໍ​ຊີງ​ຕັນ,ວັນ​ທີ18​ເມສາ​ນີ້,ສູນ​ຄວບ​ຄຸມ ​ແລະ ປ້ອງ​ກັນ ​ພະຍາດ​ຂອງ ສ.ອາ​ເມ​ລິ​ກາ ​ເປີດ​ເຜີຍ​ວ່າ: ນັບ​ແຕ່​ວັນ​ທີ14​ທັນວາ​ ປີ​ກາຍ​ນີ້ ຫາວັນ​ທີ17​ເມສາ​ປີ​ນີ້ ປະຊາຊົນ​ ຂອງ ສ.ອາ​ເມ​ລິ​ກາ ​ໄດ້​ຮັບ​ວັກ​ຊິນ ​ປ້ອງ​ກັນ ​ໂຄ​ວິດ-19​ແລ້ວ 205.871.913 ຫລອດ ຈາກ​ທີ່​ມີ​ ການ​ກະຈາຍ​ວັກ​ຊິນ ໄປ​ແລ້ວ​ ຢ່າງ​ໜ້ອຍ 264.499.715 ຫລອດ.

ຂະນະ​ທີ່ ຈາກ​ຈຳນວນ ​ຜູ້​ໄດ້​ຮັບ​ວັກ​ຊິນ ​ທັງ​ໝົດ ມີຢ່າງໜ້ອຍ 129.494.179ຄົນ ​ໄດ້​ຮັບ​ວັກ​ຊິນ​ ເຂັມ​ທຳ​ອິດ​ແລ້ວ ​ແລະ 82.471.151ຄົນ ຈາກ​ຈຳນວນ ​ປະຊາກອນ ທົ່ວ​ປະ​ເທດ ປະມານ 332 ລ້ານ​ຄົນ ​ໄດ້​ຮັບ​ວັກ​ຊິນ​ຄົບ 2​ເຂັມ ​ເຊິ່ງ​ເປັນ​ວັກ​ຊິນ ​ຂອງ​ໄຟ​ເຊີ/​ໄບ​ໂອ​ເອັນ​ເທັກ ​ແລະ ​ໂມ​ເດີຣນາ.

ສ່ວນ​ວັກ​ຊິນ​ ແບບ​ສັກ​ ເຂັມ​ດຽວ ຂອງ​ຈອນ​ສັນ ​ແອນ​ຈອນ​ສັນ ຖືກ​ຢຸດ​ໃຊ້​ຊົ່ວຄາວ. ​ແຕ່​ຢ່າງ​ໃດ​ກໍ່ຕາມ ສ.ອາ​ເມ​ລິ​ກາ ຍັງ​ຄົງ​ ເປັນ​ປະ​ເທດ ​ທີ່​ມີ​ຜູ້​ຕິດ​ເຊື້ອ​​ໂຄ​ວິດ-19 ສະ​ສົມ ຫລາຍ​ທີ່​ສຸດ​ ໃນ​ໂລກ 32 ລ້ານ​ກວ່າ​ຄົນ,ຮັບ​ການ​ປິ່ນປົວ ​ດີ​ແລ້ວ ​ເກືອບ 25 ລ້ານ​ຄົນ ​ແລະ ​ເສຍ​ຊີວິດ 850.000 ກວ່າ​ຄົນ./.

About admin

Check Also

ເກີດເຫດ ໂຈນປຸ້ນ ທະນາຄານ

ໂຈນປຸ້ນທະນາຄານ ແຕ່ກັບພົບ ລປພ. ໃຈເກີນຮ້ອຍ ສູ້ກັບໂຈນ ຈົນເຮັດໃຫ້ໂຈນຕາຍ. ພາບເຫດການທີ່ ລປພ. 2 ຄົນ ຂອງທະນາຄານອອມສິນ ສາຂາທີຍູໂດມຣັງສິດ ຖະຫນົນຊຽງຣາກ-ບາງຂັນ ຕຳບົນຄອງຫນຶ່ງ ອຳເພີຄອງຫລວງ …

Leave a Reply

Your email address will not be published. Required fields are marked *

Recent Comments

No comments to show.