ສະຕາໂທລະຄົມ ຈໍາກັດ (ຢູນີເທວ)ປະກອບສ່ວນວຽກງານສື່ສານ ເພື່ອການປ້ອງການລະບາດພະຍາດໂຄວິດ

ໃນສະພາບທີ່ໃນສັງຄົມກໍາລັງປະເຊີນກັບ ການລະບາດຂອງພະຍາດໂຄວິດ-19, ທຸກພາກສ່ວນໃນສັງຄົມ ຕາງກໍໄດ້ຮັບຜົນກະທົບຈາການລະບາດ ຂອງພະຍາດດັ່ງກ່າວ ລວມເຖິງຜົນກະທົບທາງດ້ານເສດຖະກິດ, ກະທົບຕໍ່ຊີວິດກກການເປັນຢູ່ຂອງປະຊາຊົນພາຍໃນປະເທດ ແລະ ເພື່ອເປັນສ່ວນໜຶ່ງທີ່ເຮັດໃຫ້ວຽກງານດ້ານການສື່ສານ ຂອງແຕ່ລະພາກສ່ວນ ທີ່ເຮັດວຽກງານປ້ອງກັນ, ສະກັດກັ້ນ ແລະ ແກ້ໄຂການລະບາດຂອງພະຍາດ ໂຄວິດ-19 ໄດ້ປະສານງານ ແລະ ພົວພັນວຽກງານໄດ້ຢ່າງສະດວກສະບາຍ ແລະ ທັນກັບສະພາບການ

ບໍລິສັດ ສະຕາໂທລະຄົມ ເຊິ່ງເປັນເຄື່ອຂ່າຍອັນດັບໜຶ່ງ ທີ່ມີຂອບເຂດສົ່ງສັນຍານ ກວ້າງຂວາງທີ່ສຸດ ໄດ້ປະກອບສ່ວນວຽກງານການສື່ສານດ້ານໂທລະສັບມືຖື, ມອບດາຕ້າອິນເຕີເນັດ, ສະໜອງສະໜັບສະໜູນບໍລິການດ້ານເຕັກໂນໂລຊີ ເຂົ້າໃນວຽກງານດັ່ງກ່າວ ສະຕາໂທລະຄົມ ຈໍາກັດ (ຢູນີເທວ)ປະກອບສ່ວນວຽກງານສື່ສານ ເພື່ອການປ້ອງການລະບາດພະຍາດໂຄວິດ-19

ດ້ວຍເປົ້າໝາຍ ແລະ ວິໄສທັດຂອງບໍລິສັດ ເພື່ອສ້າງການບໍລິການທີ່ດີທີ່ສຸດ ແລະ ການບໍລິການສະໜອງໃຫ້ໄດ້ທົ່ວປະເທດ, ປະຊາຊົນລາວໄດ້ເຂົ້າເຖິງວຽກງານສື່ສານ ໃນສະພາບການລະບາດຂອງພະຍາດໂຄວິດ-19 ເພື່ອເປັນສ່ວນໜຶ່ງໃນການແບ່ງເບົາແກ່ສັງຄົມ ຢູນີເທວ ໄດ້ສະໜອງນະໂຍບາຍຫລຸດຜ່ອນຄ່າໃຊ້ຈ່າຍ ໂດຍໃຫ້ນະໂຍບາຍຫລຸດລາຄາແພກແກດດາຕ້າປະມານ 50% ທຽບກັບລາຄາປັດຈຸນບັນ, ສ້າງບັນດາແພັກເກດ covidທີ່ມີລາຄາຖືກ ສາມາດນຳໃຊ້ພາຍໃນມື້ ແລະ ມີຈຳນວນດາຕ້າຫລາກຫລາຍ ໃຫ້ແກ່ລູກຄ້າ ຫລາຍກວ່າ 2 ລ້ານຄົນ; ຫລຸດຄ່າໂທ 15% ສໍາລັບທຸກເບີມືຖື ໂດຍມີມູນຄ່າທັງໝົດປະມານ 4 ຕື້ກີບ ແລະ ໂປໂມຊັນ ຮັບສ່ວນຫລຸດ 50% ໃນການແລກເອົາຂອງຂວັນ U-care ກັບບັນດາແພັກເກັດ ແລະ ຂອງຂວັນທີ່ເປັນບັດຕື່ມເງິນ ໂດຍມີລູກຄ້າເຂົ້າຮ່ວມຫລາຍກວ່າ 120.000 ພັນຄົນ.

ສະຕາໂທລະຄົມ ຈໍາກັດ (ຢູນີເທວ)ປະກອບສ່ວນວຽກງານສື່ສານ ເພື່ອການປ້ອງການລະບາດພະຍາດໂຄວິດ-19

ປີ 2021 ການລະບາດຂອງພະຍາດໂຄວິດ-19 ຍັງສືບຕໍ່ ແລະ ຢູນີເທວ ກໍເລັ່ງເຫັນໄດ້ຄວາມສໍາຄັນ ແລະ ໄດ້ສືບຕໍ່ຄຽງຂ້າງສັງຄົມ ເພື່ອເປັນການຊຸກຍູ້ແກ່ພະນັກງານ ທີ່ເຮັດວຽກປ້ອມດ່ານໜ້າທີ່ຕໍ່ສູ້ໂດຍກົງກັບພະຍາດໂຄວິດ-19 ໃນຂອບເຂດທົ່ວປະເທດລົງເຖິງຂັ້ນເມືອງ ໂດຍສະເພາະໜ່ວຍງານສະເພາະກິດໃນແຕ່ລະເມືອງ, ໜ່ວຍການກູ້ໄພ, ພະນັກງານແພດໝໍ ໂດຍນໍາໃຊ້ຄ່າບໍລິການໂທ, ອິນເຕີເນັດດາຕ້າ ໃນວົງເງິນ 300.000 ກີບ/ເດືອນເປັນໄລຍະເວລາ 8 ເດືອນ ແລະ ໄດ້ມອບແລ້ວຈໍານວນ 1.700 ຄົນໃນ 148 ເມືອງ ລວມມູນຄ່າປະກອບສ່ວນເກືອບ 5,8 ຕື້ກີບ; ກະຊວງເຕັກໂນໂລຊີ ແລະ ການສື່ສານ ແລະ ຢູນີເທວ ສະໜັບສະໜູນ ລະບົບການຄຸ້ມຄອງຂໍ້ມູນການສັກຢາວັກຊິນ ແກ່ລັດຖະບານ ໃນວຽກງານຕ້ານໂຄວິດ-19 ມູນຄ່າ 5 ຕື້ກີບ ແລະ ຢູນີເທວ ໄດ້ຊຸກຍູ້ ເງິນສົດ ແກ່ລັດຖະບານ ກໍຄື ຄະນະສະເພາະກິດ ໃນມູນຄ່າ 1,5 ຕື້ກີບ, ມອບດາຕ້າ( DATA) ມູນຄ່າໂທ ລວມ 1,3 ຕື້ກວ່າກີບ

ສະຕາໂທລະຄົມ ຈໍາກັດ (ຢູນີເທວ)ປະກອບສ່ວນວຽກງານສື່ສານ ເພື່ອການປ້ອງການລະບາດພະຍາດໂຄວິດ-19

ລະບົບຄຸ້ມຄອງຂໍ້ມູນສັກວັກຊິນ ແລະ ໜັງສືຜ່ານແດນວັກຊິນ ທີ່ມອບໃຫ້ນໍາໃຊ້ໃນຄັ້ງນີ້ ເປັນລະບົບຄຸ້ມຄອງຂໍ້ມູນຂ່າວສານກ່ຽວກັບ ການສັກວັກຊິນ, ສາມາດຕິດຕາມຂໍ້ມູນຂອງປະຊາຊົນ ກໍລະນີບຸກຄົນໃດທີ່ໄດ້ຮັບການສັກວັກຊິນຕ້ານພະຍາດໂຄວິດ-19 ເຊັ່ນ: ສາມາດກວດເບິ່ງຂໍ້ມູນປະຫວັດວັນທີທີ່ໄດ້ສັກຢາ, ຂໍ້ມູນກ່ຽວກັບຂໍ້ມູນສ່ວນຕົວອື່ນໆ ເພື່ອ ນໍາໃຊ້ຕາມເປົ້າໝາຍທີ່ຕ້ອງການ, ຄຸ້ມຄອງຂໍ້ມູນໂດຍຜ່ານລະບົບ cloud computing, ຮັກສາໄດ້ຂໍ້ມູນລັບ ແລະ ຄວາມປອດໄພ, ສາມາດເກັບກໍາເວລາຕ່າງໆຖືກຕ້ອງຊັດເຈນປະຊາຊົນເອງກໍ່ຈະຮັບຮູ້ປະຫວັດຂໍ້ມູນຂອງຕົນເອງ ພາຍຫລັງສັກຢາແລ້ວ ລະບົບຍັງສາ ມາດອອກໃບຢັ້ງຢືນການສັກຢາ ແລະ ສາມາດຊອກຫາຂໍ້ມູນດ້ວຍລະບົບ QR-Code ໃນການສະແກນເບິ່ງຂໍ້ມູນເບິ່ງຍ້ອນຫລັງ ແລະ ຂໍ້ມູນການຄຸ້ມຄອງອື່ນໆ. ໂດຍສະເພາະ ທາງກະຊວງເຕັກໂນໂລຢີ ແລະ ຂໍ້ມູນຂ່າວສານ ຈະຮ່ວມມືກັບກະຊວງສາທາລະນະສຸກ ເພື່ອຈັດຕັ້ງການຈັດຕັ້ງປະຕິບັດ ແລະ ຜັນຂະຫຍາຍການນຳໃຊ້ລະບົບນີ້.

Related Posts

Leave a Reply

Your email address will not be published.