Breaking News

ຂັບລົດໄວຍາມຝົນ!! ລົດບັກທຸກ 22 ລໍ້ ແລ່ນໄວແຫກໂຄ້ງ ເສຍຫຼັກປີ້ນ ເສຍຊີວິດ 2 ຄົນຕິດຄ້າງຢູ່ຫົວລົດ.

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ໃນເວລາປະມານ 18 ໂມງ ຂອງວັນທີ 14 ມິຖຸນາ 2021 ໄດ້ເກີດອຸບັດຕິເຫດ ລົດບັນທຸກ 22 ລໍ້ ປີ້ນ ຢູ່ເສັ້ນທາງ AH3 ຂອບເຂດ ບ້ານປຣາງ ເມືອງວຽງພູຄາ ແຂວງຫຼວງນ້ຳທາ. ຈຶ່ງໄດ້ແຕ່ງຕັ້ງພະນັກງານວິຊາສະເພາະ ລົງປະສານສົມທົບກັບ ກອງຈະລາຈອນ ປກສ ເມືອງວຽງພູຄາ ກວດກາສະຖານທີ່ເກີດເຫດ ພົບເຫັນລົດບັນທຸກ 22 ລໍ້ ຍີ່ຫໍ້ ຕົງຟົງ, ສີແດງ ໝາຍທະບຽນ ບກ 1801 (ກຳແພງນະຄອນ) ປີ້ນຢູ່ແຄມທາງ ແລະ ມີຜູ້ເສຍຊີວິດ 2 ຄົນຕິດຄ້າງຢູ່ຫົວລົດ.

ເຊິ່ງຜູ້ເສຍຊີວິດຊື່ ທ້າວ ຊຽງວອນ (ຜູ້ຂັບຂີ່) ອາຍຸ 43 ປີ ອາຊີບຂັບລົດ ແລະ ທ້າວ ຄຳອ້ວນ (ຜູ້ຂີ່ມານຳ) ອາຍຸ 30 ປີ ທັງ 2 ຢູ່ ບ້ານໃໝ່ພູຄາ ເມືອງຫ້ວຍຊາຍ ແຂວງບໍ່ແກ້ວ. ເຈົ້າໜ້າທີໃຊ້ອຸປະກອນເຄື່ອງມືງັດ ແລະ ຕັດບໍລິເວນຫົວລົດຈຶ່ງສາມາດຊ່ວຍເອົາສົບຂອງທັງ 2 ຄົນອອກມາໄດ້.

ທ່ານ ພັຕ ແຕະ ອຸດົມ ຮອງຫົວໜ້າພະແນກຕຳຫຼວດຈະລາຈອນ ປກສ ແຂວງ ໃຫ້ຮູ້ຕື່ມອີກວ່າ: ຜົນເສຍຫາຍໃນຄັ້ງນີ້ ມີຄົນເສຍຊີວິດ 2 ຄົນ, ລົດບັນທຸກ 22 ລໍ້ 1 ຄັນ ເປ່ເພໃຊ້ການບໍ່ໄດ້. ຄິດເປັນມູນຄ່າຄວາມເສຍຫາຍທັງໝົດ ປະມານ 500 ລ້ານກວ່າກີບ.

ສ່ວນສາເຫດເຈົ້າໜ້າທີສັນນິຖານໃນເບື້ອງຕົ້ນເກີດຍ້ອນຜູ້ຂັບຂີ່ປະໝາດ, ບໍ່ປະຕິບັດກົດລະບຽບການສັນຈອນ, ແລ່ນລົດໄວເວລາເຂົ້າທາງໂຄ້ງ, ອີກຢ່າງໄລຍະເກີດອຸບັດຕິເຫດມີຝົນຕົກເສັ້ນທາງປຽກມື່ນ. ປັດຈຸບັນ ຄະດີດັ່ງກ່າວ, ທາງເຈົ້າໜ້າທີພວມກຳລັງດຳເນີນການເກັບກຳຂໍ້ມູນ, ສືບສວນ-ສອບສວນຕາມລະບຽບກົດໝາຍ.

About admin

Check Also

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​

ສືບຕໍ່ຈາກຂ່າວສຶກສາອົບຮົມຜູ້ລະເມີດກົດໝາຍແລກປ່ຽນເງິນຕາ ເຖິງ​ 2 ຄັ້ງ​ ທີ່ຂ່າວໜັງສືພິມ ປກສ​ ໂພສວັນທີ 28 ມິຖຸນາ 2022 ຫຼ້າສຸດ ວັນທີ 29 ມິຖຸນາ​ 2022 …

Leave a Reply

Your email address will not be published.

Recent Comments

No comments to show.