Breaking News

ໃຜເຮັດຟ້າວຂໍຂະມາ ! 5 ເລື່ອງ ທີ່ບໍ່ຄວນເວົ້າກັບພໍ່ແມ່.

ເຊື່ອເພິ່ນເທາະ ! ເພາະພໍ່ແມ່ເກີດມາກ່ອນເຮົາ ມີປະສົບການຫຼາຍກວ່າເຮົາ ຢ່າຕະຄອກເພິ່ນ ຕອນເພິ່ນບອກໃຫ້ກິນເຂົ້າ, ໃຫ້ນຸ່ງເສື້ອຜ້າໜາ, ໃຫ້ໃສ່ໝວກກັນນ໋ອກ, ໃຫ້ກັບເຮືອນໄວໆ ໃຫ້… ອື່ນໆ ເພາະຄົນທີ່ຮັກເຮົາແທ້ເທົ່ານັ້ນທີ່ຈະຈຸກຈິກຈູ້ຈີ້ໃນເລື່ອງນີ້ກັບເຮົາກັບພໍ່ກັບແມ່ ລູກຢ່າກ່າວໂທດພໍ່ແມ່ໃນ 5 ເລື່ອງນີ້:

1 ຢ່າໂທດພໍ່ແມ່ວ່າບໍ່ມີຄວາມສາມາດບໍ່ມີໃຜທີ່ເກັ່ງໄປທຸກເລື່ອງ ແລະ ບໍ່ມີໃຜທີ່ເຮັດທຸກເລື່ອງໄດ້ສົມບູນ ພໍ່ແມ່ຄືຜູ້ໃຫ້ຊີວິດ ທຸ້ມເທລ້ຽງດູເຮົາຈົນເຕີບໃຫຍ່ສິ່ງນີ້ບໍ່ແມ່ນເລື່ອງງ່າຍເລີຍ ຢ່າຕໍ່ວ່າພໍ່ແມ່ວ່າ “ສູ້ພໍ່ແມ່ຂອງຄົນອື່ນກໍບໍ່ໄດ້” ຄຳເວົ້ານີ້ເມື່ອເວົ້າມັນອອກໄປ ຕໍ່ໃຫ້ມ້າແລ່ນໄວ້ສຳໃດກໍແລ່ນນຳໄປເກັບຄື່ນບໍ່ທັນ ແລ້ວມັນຈະກາຍເປັນຕາບາບໃນຊີວິດເຈົ້າຕະຫຼອດໄປ.

2 ຢ່າໂທດພໍ່ແມ່ວ່າຈຸກຈິກຈູ້ຈີ້ພໍ່ແມ່ເກີດມາກ່ອນເຮົາ ມີປະສົບການຫຼາຍກວ່າເຮົາ ຢ່າຕະຄອກໃສ່ເພິ່ນ ຖ້າເພິ່ນບອກໃຫ້ກິນເຂົ້າ, ໃຫ້ນຸ່ງເສື້ອຜ້າໜາ, ໃຫ້ໃສ່ໝວກກັນນ໋ອກ, ໃຫ້ກັບເຮືອນໄວໆ ໃຫ້… ອື່ນໆ ເພາະຄົນທີ່ຮັກເຮົາແທ້ເທົ່ານັ້ນທີ່ຈະຈຸກຈິກຈູ້ຈີ້ໃນເລື່ອງນີ້ກັບເຮົາ ພໍ່ແມ່ເຮົາບໍ່ມີທາງໄປຈູ້ຈີ້ກັບຄົນທີ່ບໍ່ແມ່ນລູກຫຼານຂອງເພິ່ນແນ່ນອນ ຫຼື ເຈົ້າວ່າບໍ່ແມ່ນ.

3 ຢ່າໂທດພໍ່ແມ່ວ່າ ທີ່ເພິ່ນຈົມເວົ້າໃຫ້ເຮົາທີ່ພໍ່ແມ່ຈົມເວົ້າໃຫ້ເຮົາ ກໍເພາະເຮົາເຮັດບໍ່ໄດ້ດີ ທີ່ຈົມໃຫ້ບໍ່ແມ່ນເພາະຕົວເພິ່ນເອງແຕ່ເປັນເພາະ ເພື່ອເຮົາ ບໍ່ມີພໍ່ແມ່ຄົນໃດທີ່ບໍ່ຮັກລູກຂອງຕົນເອງ ບໍ່ມີພໍ່ແມ່ຄົນໃດທີ່ບໍ່ຢາກໃຫ້ລູກຈະເລີນກ້າວໜ້າກວ່າຕົນເອງ ບໍ່ມີພໍ່ແມ່ຄົນໃດທີ່ບໍ່ຢາກໃຫ້ລູກເກັ່ງກ້າສາມາດກວ່າຕົນເອງ.

4 ຢ່າໂທດພໍ່ແມ່ວ່າຊັກຊ້າຍາມພໍ່ແມ່ເຖົ້າແກ່ ຢ່າດ່າທໍວ່າເພິ່ນເຮັດຫຍັງກໍຊັກຊ້າ ຖ້າເຮົາຍັງບໍ່ເຄີຍເປັນພໍ່ແມ່ ເຮົາບໍ່ມີທາງຮູ້ເລີຍວ່າຄົນເປັນພໍ່ແມ່ຕ້ອງໃຊ້ຄວາມຮັກຄວາມອົດທົນຫຼາຍສຳໃດໃນການສອນໃຫ້ເຮົາຍ່າງ, ສອນໃຫ້ເຮົາກິນ, ສອນໃຫ້ເຮົາອາບນ້ຳ, ສອນໃຫ້ເຮົາ…ອື່ນໆ ຍາມທີ່ເພິ່ນໜຸ່ມສາວ ເພິ່ນທຸ່ມກຳລັງແຮງກາຍເພື່ອພວກເຮົາ ມາບັດນີ້ຮ່າງກາຍຈຶ່ງຊຸດໂຊມ ຫາກມື້ໜຶ່ງພໍ່ແມ່ເຖົ້າແກ່ລົງ ກຳລັງວັງຊາເລີ່ມເສື່ອມຖອຍ ຈົງຈື່ຈຳໄວ້ “ເຫັນພໍ່ແມ່ໃນມື້ນີ້ ຄືເຫັນຕົນໃນມື້ໜ້າ” ເລື່ອງຄວາມກະຕັນຍູ ຕ້ອງຟ້າວລົງມື້ເຮັດ.

5 ຢ່າໂທດພໍ່ແມ່ຍາມເພິ່ນປ່ວຍໄຂ້ບໍ່ວ່າພໍ່ແມ່ຈະຍຸ່ງພຽງໃດ ຈະເດິກດື່ນສຳໃດ ຈະຝົນຕົກແດດອອກສຳໃດ ຖ້າເຮົາເຈັບໄຂ້ເພິ່ນຈະລະຖີ້ມວຽກງານໃນທັນທີ ເພິ່ນຈະພາເຮົາໄປໂຮງໝໍໃນທັນທີ ເພິ່ນຈະຊອກຫາວິທີຮັກສາເຮົາໃນທັນທີ ຍາມທີເພິ່ນປ່ວຍໄຂ້ ເຮົາເຮັດຄືທີ່ເພິ່ນເຮັດໃຫ້ເຮົາຫຼາຍນ້ອຍສຳໃດ? ຫຼື ວ່າເພາະພໍ່ແມ່ເຈັບປ່ວຍດົນຈຶ່ງເຮັດໃຫ້ລູກບໍ່ກະຕັນຍູເບິ່ງແຍ່ງບໍ ? ຫຼື ເຮົາຈະເປັນຈຳນວນຄົນທີ່ສັງຄົມຕຣາໜ້າວ່າເປັນລູກອັກກະຕັນຍູເພີ່ມຂື້ນອີກຄົນໜຶ່ງ.

ແນວໃດກໍເບິ່ງແຍ່ງເພິ່ນໃຫ້ດີໆເດີ ຖ້າຫາກມື້ໃດເພິ່ນຈາກເຮົາໄປແລ້ວ ຈະຍ້ອນກັບມາເບິ່ງແຍ່ງປ້ອນເຂົ້າປ້ອນນ້ຳບໍ່ໄດ້ອີກແລ້ວເດີ ສິ່ງທີ່ງ່າຍທີ່ສຸດຄວນເວົ້າກັບເພິ່ນດ້ວຍຖ້ອຍຄຳທີ່ສະບາຍຫູ ແລ້ວເພິ່ນຈະສະບາຍໃຈ ແນວໃດເຮົາກໍມີພໍ່ແມ່ພຽງຄົນດຽວແມ່ນບໍ່!! ຖ້າຫາກໃຜເຮັດຜິດພາດໄປແລ້ວກໍຢ່າໄປລືມຂໍຂະມາເພິ່ນ ໃຊ້ເວລາທີ່ເຫຼື່ອຢູ່ເຮັດໃຫ້ເພິ່ນໄດ້ຊື່ນໃຈ ແລະ ພູມໃຈກັບເຮົາ ສ່ວນຄົນໃດທີ່ພໍ່ແມ່ບໍ່ໄດ້ຢູ່ກັບເຮົາແລ້ວກໍຢ່າລືມເຮັດບຸນອຸທິດໃຫ້ເພິ່ນ

About admin

Check Also

ສາວ​ໂສດ ຜູ້​ຂັບ​ລົດ​ໄຟ​ຄົນ​ທຳ​ອິດ​ຂອງ​ລາວ

ໂດຍ: ວັນ​ໄຊ ຕະ​ວິນ​ຍານ. ນາງ ສົມ​ພອນ ອິນ​ເລິງ​ສີ ເຕີບ​ໂຕ​ມາ​ຈາກ​ຄອບຄົວ​ຊາວນາ ຢູ່​ບ້ານສິລິ​ເຮື່ອງ ເມືອງ​ສິງ ແຂວງ​ຫຼວງ​ນໍ້າ​ທາ. ຈົບ​ການສຶກສາ​ຊັ້ນ​ມັດທະຍົມ​ສົມ ບູນ​ຢູ່​ໂຮງຮຽນ ມສ ບ້ານ​ກາງ​ໃໝ່ ເມືອງ​ສິງ …

Leave a Reply

Your email address will not be published. Required fields are marked *

Recent Comments

No comments to show.