Breaking News

🔥 ສປປ ລາວ ມີໂຄຕ້າທີ່ຈະໄດ້ຮັບວັກຊິນທັງໝົດ 6.606.084 ຫລອດ !

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ມາຮອດປະຈຸບັນ ວັກຊິນທີ ສປປ ລາວ ນໍາໃຊ້ມີ 4 ຊະນິດຄື: ຊິໂນຟາມ, ແອສຕາເຊເນກາ , ໄຟເຊີ ແລະສະປຸກນິກ ໃນນັ້ນໄດ້ສັກເຂັມທີ1 ໃຫ້ປະຊາຊົນໄປແລ້ວ ຈໍານວນ 953.782ຄົນ, ແລະສັກເຂັມທີ 2 ແລ້ວ 494.477ຄົນ.

ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະສົ່ງເສີມສຸຂະພາບ ກະຊວງສາທາລະນະສຸກ ຖະແຫລງໃຫ້ຮູ້ຕອນເຊົ້າວັນທີ 23 ມິຖຸນາ 2021 ທີ່ກະຊວງສາທາລະນະສຸກວ່າ: ລັດຖະບານລາວ ມີຄວາມມຸ່ງໝັ້ນຈະສູ້ຊົນເຮັດໃຫ້ອັດຕາການສັກວັກຊິນປ້ອງກັນພະຍາດໂຄວິດ19 ໃຫ້ກວມໄດ້ 50%ຂອງປະຊາກອນ ສະນັ້ນຈະຕ້ອງສັກໃຫ້ໄດ້ 3.700.000ຄົນ, ເບື້ອງລັດຖະບານໄດ້ປະສານກັບອົງການສາກົນ ໃນການຈັດສັນວັກຊິນ, ເພື່ອສັກໃຫ້ປະຊາຊົນທຸກພາກສ່ວນໃນສັງຄົມໃຫ້ສາມາດບັນລຸຕາມຄາດໝາຍ ຫລືຫລາຍກວ່ານັ້ນ, ເຊິ່ງປະຈຸບັນ ສປປລາວ ມີໂຄຕ້າທີ່ຈະໄດ້ຮັບວັກຊິນທັງໝົດ 6.606.084ຫລອດ ແຕ່ຍ້ອນການຈັດສັນວັກຊິນນັ້ນ ອາດຈະບໍ່ຕອບສະໜອງໄດ້ຕາມຄວາມຕ້ອງການຂອງປະເທດເຮົາ, ເຖິງຢ່າງໃດກໍຕາມ ພັກ ແລະລັດຖະບານ ສປ ຈີນ ໄດ້ມີຄວາມເປັນຫ່ວງເປັນໃຍຕໍ່ປະຊາຊົນລາວ ແລະໄດ້ສະໜອງວັກຊິນແກ່ປະເທດເຮົາທັງໝົດເກືອບ 2 ລ້ານຫລອດ ເຊິ່ງກວມເອົາ 90% ຂອງວັກຊິນທີ່ມີໃນ ສປປ ລາວ.

ມາຮອດປະຈຸບັນ ອົງການອະນາໄມໂລກ ໄດ້ຮັບຮອງໃຫ້ວັກຊິນຊິໂນຟາມ ສາມາດໃຊ້ໄດ້ກັບຜູ້ສູງອາຍຸ ແລະຜູ້ມີພະຍາດຊໍ້າເຮື້ອແລ້ວ, ສະນັ້ນບໍ່ໃຫ້ພໍ່ແມ່ປະຊົນລັ່ງເລໃຈ, ເມື່ອມີວັກຊິນເຂົ້າມາແລ້ວ ທາງຈຸດບໍລິການແຕ່ລະແຫ່ງຈະແຈ້ງໃຫ້ທ່ານຊາບ, ໃຫ້ແພດໝໍເປັນຜູ້ຕັດສິນໃຫ້ .

ດຣ ພອນປະເສີດ ອຸນາພົມ ແຈ້ງໃຫ້ຮູ້ອີກວ່າ: ສໍາລັບຢູ່ນະຄອນຫລວງວຽງຈັນ ວັກຊິນຊິໂນຟາມ ແລະໄຟເຊີເຂັມທີ1 ໄດ້ສັກໝົດແລ້ວ ແຕ່ຍັງສືບຕໍ່ສັກເຂັມທີ2 ເທົ່ານັ້ນ, ສະນັ້ນຈຶ່ງຮຽກຮ້ອງໃຫ້ຜູ້ມີກໍານົດສັກເຂັມທີ 2 ຈົ່ງເຂົ້າໄປໃຊ້ບໍລິການ ຄືຊີໂນຟາມຄົບ 21 ຫາ 28ວັນ ແລະ ແອສຕາເຊເນກາ 8 ຫາ 12ອາທິດ.

ສໍາລັບເດືອນກໍລະກົດ ຈະມາເຖິງນີ້ ສປປ ລາວ ຈະໄດ້ຮັບວັກຊິນແອສຕາເຊເນກາ ແລະ ຈອນສັນແອນຈອນສັນ ຕື່ມອີກ.

ໂດຍ: ຄໍາກອງ ກິດຕິຄຸນ Lao National Radio

About admin

Check Also

ລູກຫຼານໃຜເບິ່ງເອົາເດີ້

ດ່ວນໆ ເກີດເຫດນັກຮຽນຕີກັນ ຢູ່ມສຕູ້ຢ່າ ເມີຶອງໜອງແຮດ ແຂວງຊຽງຂວາງ ນັກຮຽນສະໄໝນີ້ ກາຍເປັນນັກມວຍເປັນແກ້ງເປັນທີມ ລູກຫຼານໃຜເບິ່ງເອົາເດີ້ ງານນີ້ໄດ້ອອກໂຮງຮຽນໝົດທີມແນ່ໆ5555 ຊົມຄລິບ ທີ່ມາ https://www.facebook.com/100043781703223/posts/561684075300978/

Leave a Reply

Your email address will not be published.

Recent Comments

No comments to show.