ຂ່າວທົ່ວໄປ

ແຂວງ ອັດຕະປື ຈະພັດທະນາໂຄງການພະລັງງານລົມຂະໜາດ 600 ເມກາວັດ ແຫ່ງທຳອິດຂອງ ສປປ ລາວ

ສຳນັກຂ່າວອັດຕະປືມີເດຍ ໄດ້ລາຍງານ ຈາກກອງປະຊຸມກ່ຽວກັບຄວາມຄືບໜ້າໂຄງການພະລັງງານລົມ ຂຶ້ນທີ່ຫ້ອງວ່າການປົກຄອງ ແຂວງອັດຕະປື.

ກອງປະຊຸມໄດ້ຮັບຟັງການລາຍງານຄວາມຄືບໜ້າການພັດທະນາໂຄງການດ້ານພະລັງງານມອນຊຸນວິນລາວ,ເຊິ່ງເປັນໂຄງການພະລັງງານລົມ. ໂຄງການດັ່ງກ່າວ, ຕັ້ງຢູ່ເຂດເຊື່ອມຕໍ່ລະຫວ່າງ ເມືອງຊານໄຊ ແຂວງອັດຕະປື ກັບ ເມືອງດາກຈຶງ ແຂວງເຊກອງ ມີກຳລັງຕິດຕັ້ງທັງໝົດ 600 ເມກາວັດ ມູນຄ່າຄາດຄະເນຂອງໂຄງການແມ່ນ 900 ລ້ານໂດລາສະຫະລັດໂຄງການດັ່ງກ່າວຖືວ່າແມ່ນໂຄງການພະລັງງານລົມແຫ່ງທຳອິດຂອງ ສປປລາວ, ຕາມແຜນພັດທະນາຂອງໂຄງການແມ່ນຈະເລີ່ມຜະລິດ ແລະ ສົ່ງໄຟຟ້າຂາຍໃຫ້ ສສ ຫວຽດນາມ ພາຍໃນປີ 2023.

ກອງປະຊຸມຍັງໄດ້ຜ່ານບົດລາຍງານກ່ຽວກັບໂຄງການດັ່ງກ່າວ ແລະ ພ້ອມກັນປະກອບຄຳເຫັນເຂົ້າໃສ່ບົດລາຍງານຢ່າງກົງໄປກົງມາ ເພື່ອພ້ອມກັນສືບຕໍ່ສະໜັບສະໜູນ ຊຸກຍູ້ ໃນການພັດທະນາໂຄງການດັ່ງກ່າວນີ້ ໃຫ້ໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດ

Northern Times News

Related Articles

Leave a Reply

Your email address will not be published. Required fields are marked *

Back to top button