Breaking News

ໂຮງຫມໍແມ່ ແລະ ເດັກເກີດໃຫມ່ ແລະ ກຸ່ມບໍລິສັດ ອີໂປຊື(ກວາງໂຈ) ຈຳກັດ ຮ່ວມມືກັນ ເຮັດການບໍລິການປີ່ນປົວການມີລູກຍາກຄົບວົງຈອນ.

ໂຮງຫມໍແມ່ ແລະ ເດັກເກີດໃຫມ່ ແລະ ກຸ່ມບໍລິສັດ ອີໂປຊື(ກວາງໂຈ) ຈຳກັດ ຮ່ວມມືກັນ ເຮັດການບໍລິການປີ່ນປົວການມີລູກຍາກຄົບວົງຈອນ.

ເພື່ອເປັນການຊ່ວຍເຫຼືອປັບປຸງວຽກງານການປິ່ນປົວດ້ວຍເຕັກນິກການແພດທັນສະໄຫມ ຕາມນະໂຍບາຍຂອງລັດຖະບານ ໃນໂຮງໝໍຂັ້ນຕ່າງໆ ໃນຂອບເຂດທົ່ວປະເທດ, ໂດຍສະເພາະ ໂຮງໝໍແມ່ ແລະ ເດັກເກີດໃໝ່ ໃຫ້ມີຄວາມພ້ອມທາງດ້ານພື້ນຖານໂຄງລ່າງ ໃຫ້ເປັນລະບົບຄົບຊຸດ,

ເຄື່ອງຈັກ-ອຸປະກອນ, ເຕັກນິກ-ເຕັກໂນໂລຊີ ຕະຫຼອດຮອດການຮຽນ, ການສອນ, ການຖອດຖອນບົດຮຽນ ແລະ ປະສົບການ, ການບຳລຸງ-ກໍ່ສ້າງພະນັກງານຂອງໂຮງໝໍ ທາງດ້ານວິຊາການແພດ ການປິ່ນປົວມີລູກຍາກ ດ້ວຍເຕັກນິກ-ວິຊາການ ທີ່ທັນສະໄໝໃຫ້ນັບມື້ພັດທະນາຂື້ນ.

ດັ່ງນັ້ນ ໂຮງຫມໍແມ່ ແລະ ເດັກເກີດໃຫມ່ ແລະ ກຸ່ມບໍລິສັດ ອີໂປຊື​ (ກວາງໂຈ) ຈຳກັດ ຈຶ່ງໄດ້ເຮັດການຮ່ວມືດ້ານເຕັກນິກການປິ່ນປົວມີລູກຍາກ ໃນໂຮງໝໍແມ່ ແລະ ເດັກເກີດໃໝ່ ກໍ່ຄືຮ່ວມກັບກະຊວງສາທາລະນະສຸກ ສປປ ລາວ ເພື່ອຄວາມເຂັ້ມແຂງດ້ານການໃຫ້ບໍລິການສຸຂະພາບແມ່ທີ່ມີລູກຍາກ

ເຊີ່ງພິທີເຊັນສັນຍາການຮ່ວມມືກັນໄດ້ຈັດຂຶ້ນໃນວັນທີ 25 ມິຖຸນາ ຜ່ານມາ ເຊັນລົງນາມໂດຍ ທ່ານ ດຣ ສີວັນໄຊ ຈັນທະວົງສັກ ຄະນະອຳນວຍການໂຮງໝໍແມ່ ແລະ ເດັກເກີດໃໝ່ ແລະ ທ່ານ ຢາງຊົງເມ ປະທານ ກຸ່ມບໍລິສັດ ອີໂປຊື(ກວາງໂຈ)

ຈຳກັດ ແລະໃຫ້ກຽດເຂົ້າຮ່ວມເປັນສັກຂີພິຍານໂດຍ ທ່ານ ປອ. ດຣ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ພ້ອມດ້ວຍບັນດາຫົວໜ້າ/ຮອງຫົວໜ້າ ຫ້ອງການ, ຫົວໜ້າກົມ, ຜູ້ອໍານວຍການໂຮງໝໍ, ມະຫາວິທະຍາໄລ ວິທະຍາສາດ ສຸຂະພາບ, ສະມາຄົມປະສູດພະຍາດຍິງ, ຄູ່ຮ່ວມພັດທະນາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.Cr: ສູນຂ່າວສານການແພດສຸຂະສຶກສາ.

About admin

Check Also

ແຕກອີກແລ້ວ

ໂຊກເຮັງ! ເສດຖີຄົນໃຫມ່ມາແລ້ວເດີ້. ເລກປະຈຳງວດ ວັນທີ່ 06/12/2021 ເຊີ່ງ ເສດຖີຄົນນີ້ໄດ້ຊື້ ຕົວເລກຖືກລາງວັນຊະນະເລີດ 6 ຕົວໂດຍຕົງ ເຮັງແທ້ ເລກທີ່ອອກ

Leave a Reply

Your email address will not be published. Required fields are marked *

Recent Comments

No comments to show.