Breaking News

ເຫດໂຈນໃຈຊົ່ວ ລັກຕັດສາຍໄຟແອ ວັດຂຸນຕາ ເມືອງສີໂຄດຕະບອງ

Sponsor by sokxay plus


ວີທີຊື້ເລກ ໄດ້ຮັບເງີນຄືນ 5% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 5% ງ່າຍ




ເຕືອນໄພສັງຄົມຕໍ່ກັບບັນຫາໂຈນລັກເຫຼັກສາຍໄຟ

ປະກົດການຫຍໍ້ທໍ້ທາງສັງຄົມອີກຮູບແບບໜື່ງໃນປັດຈຸບັນນີ້ ທີ່ເກີດຂື້ນກັບສັງຄົມລາວ ນັບມື້ນັບເພີ່ມຂື້ນນັ້ນກໍ່ຄື ໂຈນລັກສາຍຟືນ ສາຍໄຟ ລັກເຫຼັກ ຕາມເຮືອນຊານບ້ານຊ່ອງ ຂອງພໍ່ແມ່ປະຊາຊົນ ຕາມສະຖານທີ່ສາທະລະນະເຊັ່ນ: ຕາມຖະໜົນຫົນທາງ ສວນສາທາລະນະ ວັດວາອາຮາມ ໂຮງຮຽນ ໂຮງໝໍ ດັ່ງເຫດການນີ້ໄດ້ມີໂຈນກຸ່ມໜື່ງມາລັກຕັດສາຍໄຟແອເຢັນຫ້ອງຮັບແຂກຂອງອາຕະມາທີ່ວັດຂຸນຕາ ເມືອງສີໂຄດຕະບອງ ນະຄອນຫຼວງວຽງຈັນ ໃນຕອນສວາຍເວລາປະມານ 13:30 ໂມງຂອງວັນທີ 28/6/2021 ມາຕອນຝົນຕົກແຮງ ແລະ ຖືກຊ່ວງອາຕະມາອອກໄປກິດນິມົນຂ້າງນອກ ໂຊກດີທີ່ມັນຕັດໄປແຕ່ໜ່ວຍດຽວ ເພາະໃຫວໂຕທັນໂດດຂ້າມກຳແພງອອກໄປ.

ເພາະສະນັ້ນອາຕະມາຈື່ງໄດ້ຂຽນເລື່ອງລາວເຫດການນີ້ຝາກເຕືອນສັງຄົມເພື່ອເປັນອຸທາຫອນສອນໃຈແລະຢາກໃຫ້ທຸກຄົນມາຄິດວິເຄາະນຳກັນວ່າ ພວກເຮົາຈະມີວິທີແກ້ໄຂປະກົດການຫຍໍ້ທໍ້ນີ້ໄດ້ແນວໃດ?1. ສາເຫດທີ່ເຮັດໃຫ້ມີໂຈນເພີ່ມຂື້ນ: ຍ້ອນຢາເສບຕິດ,ວ່າງງານ,ຂີ້ຄ້ານມັກງ່າຍ,ການພະນັນ,ໂຄວິດ-19 ແລະອື່ນໆ ທີ່ເປັນສາເຫດຫລັກທີ່ພາໃຫ້ພວກເຂົາເຫຼົ່ານີ້ເປັນຄົນຂີ້ລັກ.

2. ວິທີແກ້ໄຂໃນເບື້ອງຕົ້ນ: ເພີ່ມໂທດຂື້ນຕື່ມ,ທຸກຄົນໃນສັງຄົມຕ້ອງເປັນຫູເປັນຕາຊ່ວຍກັນ,ວາງລະບຽບໃຫ້ຄົນຊື້ແລະຄົນຂາຍ ເພາະວ່າທີ່ຜ່ານມາເຮົາບໍ່ເຂັ້ມງວດເລື່ອງໂທດປານໃດ ບາງຄະດີທາງອາຍາຈັບໄດ້ກໍ່ຮອດແຕ່ຫ້ອງການບ້ານເຮັດບົດບັນທຶກຈົບປ່ອຍຕົວອອກມາເຮັດຄືເກົ່າ ທາງແພ່ງບໍ່ຕ້ອງເອີ່ຍເຖິງເມື່ອເກີດຄວາມເສຍຫາຍກັບບຸກຄົນໃດແລ້ວ ຈະຮຽກຮ້ອງທາງແພ່ງເພື່ອໃຫ້ຊົດໃຊ້ຄວາມເສຍຫາຍທີ່ພວກເຂົາກໍ່ຂື້ນແທບຈະເປັນສູນ ເພາະວ່າລຳພັງຕົວເຂົາຍັງເອົາຕົວເອງບໍ່ລອດແລ້ວ

ຈື່ງອອກມາຫາລັກສິ່ງຂອງ, ທາງດ້ານຜູ້ຂາຍເຫຼັກ ຄົນເກັບກະຕຸກຕາມຖະໜົນຫົນທາງ ໜ້າຈະມີໃບຫນັງສືຢັ້ງຢືນຕົວຕົນຂອງເຂົາວ່າສາມາດຂາຍໄດ້ ໂດຍເຊັນນາຍບ້ານຫລືພາກສ່ວນໃດຫນື່ງເພື່ອງ່າຍໃນການລະບຸຕົວຕົນວ່າແມ່ນຄົນດີ ຫລື ແມ່ນໂຈນ, ດ້ານຜູ້ປະກອບການ(ຜູ້ຊື້) ຕ້ອງກວດກາຢ່າງເຂັ້ມງວດວ່າສິ່ງທີ່ເຂົານຳມາຂາຍນັ້ນມີທີ່ໄປທີ່ມາຊັດເຈນ ບໍ່ແມ່ນທ້າວ ກ ທ້າວ ຂ ນຳໄປຂາຍແລ້ວຮ່າວຊື້ໄປໝົດ ໂດຍບໍ່ຄິດໄຕ່ຕອງ ສະແດງເຖິງການໄປສົ່ງເສີມເຂົາໂດຍທາງອ້ອມ.

ສົມມຸດວ່າຜູ້ຊື້ບໍ່ຊື້ຂອງໂຈນ ຊື້ສະເພາະຄົນທີ່ເຂົາບໍ່ໄດ້ລັກມາຂາຍ ແລ້ວພວກໂຈນເຫລົ່ານັ້ນຈະໝົດລົງໄປ ເພາະວ່າລັກໄປກະຂາຍບໍ່ໄດ້ ຢາກໃຫ້ສັງຄົມລາວເຮົາມາຄິດນຳຜູ້ຂຽນເຊື່ອວ່າຫລາຍຄົນມີວິທີການດີໆທີ່ຈະຊ່ວຍກັນແກ້ໄຂບັນຫານີ້ ສຳຄັນຄືທຸກພາກສ່ວນລວມເຖິງໄທເຮົາເຈົ້າຂ້ອຍຕ້ອງຮ່ວມມືກັນ ບໍ່ຖີ້ມໃຫ້ຝ່າຍໃດຝ່າຍໜື່ງຮັບມືເອງ ບໍ່ເຫັນແກ່ເງິນ ໃຫ້ເຫັນແກ່ປະໂຫຍດຂອງສັງຄົມເປັນຫລັກ.

ຝາກທຸກຄົນແຊຣ໌ ເຫດການນີ້ໃຫ້ທຸກຄົນຄິດວິເຄາະແລະຊ່ວຍຫາວິທີແກ້ໄຂນຳກັນ

About admin

Check Also

ນັກຮ້ອງດັງ ກ້ອງ ຫ້ວຍໄລ່ ແລະ ພັນລະຍາ ຂາ ນິດຖາ ໄດ້ມາທ່ຽວລາວ ສະບາຍດີເມືອງລາວ

ນັກຮ້ອງດັງ ກ້ອງ ຫ້ວຍໄລ່ ແລະ ພັນລະຍາ ຂາ ນິດຖາ ໄດ້ມາທ່ຽວລາວ ສະບາຍດີເມືອງລາວ 🙏🙏🙏🇱🇦 🇱🇦.ຍິນດີຕ້ອນຮັບພີ່ນ້ອງຝັ່ງໄທທຸກຄົນເດີ 🇹🇭🇹🇭 🙏…. …… ….. …

Leave a Reply

Your email address will not be published.

Recent Comments

No comments to show.