Breaking News

ຂ່າວດີ ມື້ນີ້ຜູ້ຕິດເຊື້ອຫາຍດີ ສະສົມ 1,981 ຄົນແລ້ວ

ຄະນະສະເພາະກິດແຈ້ງຂ່າວ “ວັນນີ້ 30 ມິຖຸນາ 2021, ມື້ຜ່ານມາໄດ້ກວດວິເຄາະທັງໝົດ 1,524 ຕົວຢ່າງ.”

(1). ຜົນການວິໄຈພົບຜູ້ຕິດເຊື້ອ COVID-19 ຈຳນວນ (+ 20 ) ກໍລະນີ ແລະ ລວມສະຖິຕິຜູ້ຕິດເຊື້ອທັງໝົດ ( 2,121 ) ກໍລະນີ:

1. ນະຄອນຫຼວງວຽງຈັນ (+ 00 ) ກໍລະນີຕິດເຊື້ອຊູມຊົນ ຈາກຈຳນວນວິເຄາະ 813 ຕົວຢ່າງ,

2. ແຂວງວຽງຈັນ (+ 04 ) ກໍລະນີຊຸມຊົນ (ຈາກຄອບຄົວຜູ້ຕິດເຊື້ອລາຍໃໝ່ຈາກພະນັກງານການບິນລາວເພດຍິງ ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ),

3. ແຂວງຄຳມ່ວນ (+ 01 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ;

4. ແຂວງສະຫວັນນະເຂດ (+ 09 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ,

5. ແຂວງຈຳປາສັກ (+ 06 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ;(2). ປິ່ນປົວຫາຍດີ – ( 23 ) ກໍລະນີໃໝ່ ແລະ ລວມສະຖິຕິທັງໝົດ ( 1,981 )

ກໍລະນີ;(3). ຍັງຮັບການປິ່ນປົວ ( 137 ) ກໍລະນີ;(4). ຈຳນວນຜູ້ເສັຍຊີວິດ, ລວມສະຖິຕິ (03) ກໍລະນີ.

(5). ການເຝົ້າລະວັງຢູ່ຕາມຈຸດຜ່ານແດນໃນຂອບເຂດທົ່ວປະເທດ:1. ວັນທີ 29 ມິຖຸນາ 2021, ມີຜູ້ເດີນທາງເຂົ້າມາ ຕາມຈຸດຜ່ານດ່ານຕ່າງໆ ໃນສປປ ລາວ ທັງໝົດ 2,528 ຄົນ ເຊິ່ງທັງໝົດ ແມ່ນຖືກເກັບຕົວຢ່າງກວດຊອກຫາເຊື້ອ ແລະ ເຂົ້າໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້ 14 ວັນ;2. ປັດຈຸບັນ ທົ່ວປະເທດ ມີສູນຈຳກັດບໍລິເວນ ທີ່ຍັງເປີດຢູ່ 51 ສູນ ແລະ ມີຜູ້ຈຳກັດບໍລິເວນ 3,695 ຄົນ.

(6). ສຳລັບສະຖານທີ່ ເກັບຕົວຢ່າງ ເພື່ອກວດຫາເຊື້ອ ພະຍາດໂຄວີດ-19 ມີດັ່ງນີ້:1. ສຳລັບນະຄອນຫຼວງວຽງຈັນ ມີ 5 ໂຮງໝໍສູນກາງ ແລະ ໂຮງໝໍ 103 ສູນກາງກອງທັບ;2. ຈຸດກວດນອກສະຖານທີ່ ຢູ່ ໂຮງຮຽນ ສີໂຄດ ໃຫ້ບໍລິການ ເກັບຕົວຢ່າງ 9-12 ໂມງ ທຸກມື້ (ວັນຈັນ ເຖີງ ວັນອາທິດ);3. ຖ້າມີກໍລະນີບວກ (+) ໃໝ່ ຢູ່ບ້ານໃດ ຈະມີທີມງານເຄື່ອນທີ່ໄປເກັບຕົວຢ່າງຜູ້ສຳພັດໃກ້ຊິດ ໃນຈຸດ ທີ່ມີກໍລະນີຜູ້ຕິດເຊື້ອໃໝ່.

(7). ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 13 ບ້ານ ໃນ 06 ເມືອງ ຄື: ເມືອງຈັນທະບູລີ, ສີສັດຕະນາກ, ໄຊທານີ, ສີໂຄດຕະບອງ, ໄຊເສດຖາ ແລະ ນາຊາຍທອງ:1. ສຳລັບ ບ້ານໃໝ່ທີ່ຖືກກຳນົດເປັນເຂດແດງ (ບໍ່ມີ),2. ສຳລັບ ບ້ານທີ່ສິ້ນສຸດການເປັນເຂດແດງ ມາເປັນເຂດເຫຼືອງ (ບໍ່ມີ).

(8). ປັດຈຸບັນ, ແຮງງານຈາກຫຼາຍປະເທດ ຕ້ອງເດີນທາງກັບຄືນປະເທດຂອງຕົນ ເຊິ່ງມີຄວາມສ່ຽງສູງ ທີ່ແຮງງານດັ່ງກ່າວ ຈະນຳເອົາເຊື້ອ ເຂົ້າມາແຜ່ລະບາດໃນປະເທດຂອງຕົນ:

1. ມື້ນີ້, ສປປລາວ ໄດ້ກວດພົບສາຍພັນເດວຕ້າ (ສາຍພັນອິນເດັຍ) ເປັນເທື່ອທຳອິດ ຈາກແຮງງານລາວ 03 ຄົນ ທີ່ກັບມາຈາກປະເທດເພື່ອນບ້ານ (ໄທຍ), ເຊິ່ງສາຍພັນດັ່ງກ່າວ ແມ່ນກຳລັງລະບາດໃນຫຼາຍປະເທດທົ່ວໂລກ ສາມາດຕິດເຊື້ອໄດ້ງ່າຍ ແລະ ເສຍຊີວິດໄວກວ່າເກົ່າ;

2. ຕໍ່ກັບສະພາບການດັ່ງກ່າວ, ຈຶ່ງຂໍຮຽກຮ້ອງມາຍັງ ອຳນາດການປົກຄອງທ້ອງຖິ່ນທຸກຂັ້ນ ຈົ່ງເຂັ້ມງວດໃນການກວດກາ, ລາດຕະເວນ ຮັບປະກັນບໍ່ໃຫ້ມີຜູ້ລັກລອບເຂົ້າມາ ສປປລາວ ຕາມຊ່ອງທາງທຳມະຊາດ,

3. ຖ້າຫາກທ່ານພົບເຫັນ ໃຫ້ຮີບຮ້ອນລາຍງານແກ່ເຈົ້າໜ້າທີ່ກ່ຽວຂ້ອງ ເພື່ອຈະໄດ້ນຳພວກກ່ຽວເຂົ້າໄປຈຳກັດບໍລິເວນ 14 ວັນ ຢູ່ສູນທີ່ຄະນະສະເພາະກິດກຳນົດໄວ້ ພ້ອມທັງ ເກັບຕົວຢ່າງກວດຊອກຫາເຊື້ອ ແລະ ສາຍພັນ;

4. ອີກເທື່ອໜຶ່ງ, ຮຽກຮ້ອງມາຍັງທຸກພາກສ່ວນໃນສັງຄົມ ຍົກສູງສະຕິຄວາມຮັບຜິດຊອບຂອງຕົນ ໃນການປະຕິບັດມາດຕະການປ້ອງກັນການຕິດເຊື້ອ ຢ່າງຖືກຕ້ອງ ແລະ ເຄັ່ງຄັດ ເປັນຕົ້ນແມ່ນ ການດຳລົງຊີວິດປົກກະຕິແບບໃໝ່, ການຮັກສາໄລຍະຫ່າງທາງສັງຄົມ, ໃສ່ຜ້າປິດ-ດັງ ເມື່ອອອກຈາກບ້ານ, ໝັ່ນລ້າງມືເລື້ອຍໆ ດ້ວຍນ້ຳສະອາດໃສ່ສະບູ ຫຼື ເຈວເຫຼົ້າ 70 % ຂຶ້ນໄປ, ຫຼີກລ້ຽງການເດີນທາງໄປສະຖານທີ່ ທີ່ມີຄວາມສ່ຽງ,

5. ຖ້າຫາກທ່ານຮູ້ສຶກບໍ່ສະບາຍ ຫຼື ມີປະຫວັດສຳຜັດໃກ້ຊິດກັບຜູ້ຕິດເຊື້ອ ຫຼື ເດີນທາງໄປຍັງສະຖານທີ່ ທີ່ຜູ້ຕິດເຊື້ອເດີນທາງໄປ ໃຫ້ທ່ານຮີບຮ້ອນໄປພົບແພດ ເພື່ອເກັບຕົວຢ່າງກວດຊອກຫາເຊື້ອ ແລະ ຈຳກັດບໍລິເວນຕົນເອງ 14 ວັນ ເຊິ່ງການປະຕິບັດທັງໝົດນີ້ ກໍ່ແມ່ນເພື່ອປ້ອງກັນ ການແຜ່ລະບາດຂອງພະຍາດໂຄວິດ-19 ບໍ່ໃຫ້ຂະຫຍາຍເປັນວົງກວ້າງຢູ່ໃນຊຸມຊົນ, ຄອບຄົວ, ໝູ່ເພື່ອນ ແລະ ຄົນອ້ອມຂ້າງ.

ວິທີທາງທີ່ດີທີ່ສຸດໃນການເອົາຊະນະພະຍາດ COVID-19 ແມ່ນຕ້ອງລ້າງມື, ໃສ່ຜ້າອັດປາກດັງແລະ ຮັບການສັກວັກຊີນຄົບຈຳນວນສອງເຂັມ.

About admin

Check Also

ທ່ານນາຍົກຢາກໄປທ່ຽວຄຸນໝິງຫຼັງຈາກເປີດປະເທດ

ໃນຂະນະທີ່ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ ໄດ້ນັ່ງລົດໄຟລາວ-ຈີນ ຮອບປະຖົມມະເລີກກັບພັນລະຍາ ພ້ອມດ້ວຍຄະນະເດີນທາງຈາກສະຖານີນະຄອນລວງວຽງຈັນຫາສະຖານີວັງວຽງໃນວັນທີ 3 ທັນວາ 2021. ທ່ານໄດ້ສະແດງຄວາມດີໃຈເປັນຢ່າງຍິ່ງ ພ້ອມທັງຕີລາຄາສູງ …

Leave a Reply

Your email address will not be published. Required fields are marked *

Recent Comments

No comments to show.